Yohana 6:57 - Pokomo

⁵⁷ Huyu Baba eyenapfa wantu maisha ndiye anihumiye, na ndiye eyekunihendezani niishi. Na kwa iyo namuna, kula eyenaniḍya mimi nae pia namuhendeza aishi.

Yohana 6:57 Iomraidhean Croise

Matayo 16:16

Simioni Pet̯ero kambukuya kamba, “Wewe ndiwe huyu *Kirist̯o Mwana jwa Muungu eye mojo.”

Yohana 14:19

Ḅaad̯a ya kit̯emo kifufi chichokudzani, huju lumwengu ntajukudzaniona kawii, ela nywinywi mudzaniona. Na kwa dzambo ḍya kwamba nawa nya mojo kawii, nanywi pia mudzawa mojo.

Yohana 14:6

Yesu kamwamba, “Mimi ndimi njia, ndimi hachi na ndimi niyenawapfa wantu maisha ya kuunga na yuungo. Muntu nkawezi kwenda kwa Baba pfasipfo kuchiiya na kwangu.

Yohana 17:21

Baaba, nyakuwayombeani kwamba wonse wawe kintu kimodza, dza hivi vyangu nawe hwivyo kintu kimodza. Na nyakuwayombeani kwamba wawe kintu kimodza naswi, ili lumwengu jupate kuhikiza kwamba ndiwe unihumiye.

Yohana 3:17

Muungu nkakumuhuma Mwanawe lumwenguni kudzajuhukumu lumwengu, ela kamuhuma kudzajupfonya.

Yohana 5:26

Na dza hiviḍe vya huyu Baba aivyo sina ḍya maisha yonse, ndivyo vya huyu Mwana evyonaweza kupfa wantu maisha.

Yohana 6:29

Yesu kawambukuya kawamba, “Cha Muungu echonatsaka muhende, ni kumuhikiza huyu amuhumiye.”

Yohana 6:38

Koro mimi sikudza lumwenguni kudzahenda miro yangu mwenye, ela nidza kudzahenda miro ya Muungu anihumiye.

1 Wakorint̯o 15:22

Koro dza vya wantu wonse wevyonafwa kwa dzambo ḍya yuuko jwao na Ad̯amu, ndivyo vya wantu wonse weo hariani mwa Kirist̯o wadzevyofufujwa.

1 Wakorint̯o 15:45

Koro haya matsoro yamba, “Huyu muntu jwa d̯ura, yani Ad̯amu, kawa kiumbe chicho mojo.” Ela huyu Ad̯amu jwa mwiso, ndiye huyu Ruhu eyenawapfa wantu maisha ya kuunga na yuungo.

2 Wakorint̯o 13:4

Hat̯a ingawa Kirist̯o kapfatsikwa muhini mwa mpatsa kwa dzambo ḍya kutsowa nguvu, sasa kakuishini kwa nguvu za Muungu. Hat̯a naswi, ntahu nguvu, ela hunaishi kwa nguvu za Muungu kumuhumikia nywinywi.

Wagalatia 2:20

Nifwa kufwa kuzuka dza vya Kirist̯o afwiyevyo muhini mwa mpatsa. Ndookomu sikwakuishini dza nivyonikiishi d̯ura, koro sasa Kirist̯o kakuishini kuzimuni mwangu. Na haya maisha niyokuishini hi hii saasambi, nyakuishini kwa kumuserefat̯a jeje Mwana jwa Muungu, anitsakiye hat̯a akiyayavya maishaye kwa dzambo ḍyangu.

1 Watesalonike 1:9

Hao wantu wonse hao, wakunenani namuna muhukaraḅishiyevyo urembo hwipfokudza kwenu. Na wakunenani na namuna muyatsiyevyo kuyomba miungu ya masanamu mukimuperukia huyu Muungu jwa ḍugha eye mojo.

Waeburania 9:14

D̯ubva, mwazi wa Kirist̯o una nguvu zaid̯i za kuidheresa myojo yehu, hutsekaiya kuhenda mazuka, ela hupate kuhenda miro ya Muungu eye mojo. Koro kwa nguvu za huyu Ruhu Mudheru eyenaishi maishi, Kirist̯o kadziyavya kwa Muungu dza mvuugiya isiyo kapet̯a.

1 Yohana 4:9

Muungu kayanga tswee matsakoye kwehu, kwa kumuhuma lumwenguni Mwanawe madiani. Kamuhuma ili kwamba kuchiiya na kwakwe, hupate maisha ya kuunga na yuungo.