Yohana 6:51 - Pokomo

⁵¹ Mimi ndimi hichi chakuḍya kiyawiyecho mbinguni, chichonapfa wantu maisha. Kula eyenaḍya hichi hichi chakuḍya anakaa mojo maishi. Hichi hichi chakuḍya ni hu mwii wangu, nidzeouyavya kwa dzambo ḍya kujupfa maisha huju lumwengu.”

Yohana 6:51 Iomraidhean Croise

Matayo 20:28

Koro hat̯a nami mimi Mwana jwa Ad̯amu sikudzia kuhumikijwa, ela nidza dza muhumisi. Na pia nidzia kuyayavya maisha yangu yawe mupfonyo wa wenji.”

Luka 22:19

Makisa kahwaa mukahe, kamushad̯a Muungu, kauvunza na kawapfa wanafund̯iwe, kawamba, “Huu ni mwii wangu, udzeoyavigwa kwa dzambo ḍyenu. Hendani hivi kwa kunikumbuka.”

Yohana 1:14

Huyu eyeakihanwa Chuuwo kawa mwanaad̯amu na kaishi kahi yehu. Huuona uwezowe mukuu, yani uwezo eo nao dza Mwana jeje heket̯u jwa huyu Baba. Kahuyanga winji wa matsakoye kwehu na kahupfa kumanya kula kintu dzuu ya Muungu.

Yohana 1:29

Ḅaad̯a ya kuhumijwa hawaḍe wantu, chamukoche Yohana kamuona Yesu akwakumudziani, nae kamba, “Huyu ndiye huyu Mwana Mbuzi jwa Muungu adzeenuya nabvise za lumwengu!

Yohana 11:26

Na yuḍejwonse apatiye maisha ya ḍugha kwa dzambo ḍya kunihikiza mimi, huyo nkawezi kufwa meshi. Dze, Marit̯a, hayo hayo kuyahikiza?”

Yohana 3:13

Ntaku yuḍejwonse endeyee mbinguni lamud̯a huyu *Mwana jwa Ad̯amu, ayawiyee huko huko.

Yohana 3:14

Na dza viviḍe vya Musa ailelevyeevyo hiḍe nyoka ya shaḅa hukuḍe yuwandani, ndivyo vyangu mimi Mwana jwa Ad̯amu nidzevyopfatsikwa,

Yohana 3:16

Koro Muungu kajutsaka lumwengu hat̯a kamuyavya Mwanawe madiani, ili kula amuhikiziye atsekwaara, ela awe na maisha ya kuunga na yuungo.

Yohana 3:36

Kula amuhikiziye huyu Mwana ana maisha ya kuunga na yuungo. Ela kula asiyemut̯ii huyu Mwana, huyo nkawezi kuwa na maisha ya kuunga na yuungo, ishinu hukumu ya Muungu imukaiya.”

Yohana 5:24

Hachi nyakumwambiani, huyuḍe eyenasikiiya vyuuwo vyangu na akimuserefat̯a huyuḍe anihumiye, huyo ana maisha ya kuunga na yuungo. Muntu dzae nkawezi kuhukumigwa, koro kesakuyawa kufwani na kanjia kuishini maisha yasiyosia.

Yohana 6:33

Na hichi chakuḍya haswa cha Muungu echokumumpani, ni huyu asukiye kuyawa mbinguni eyenawapfa maisha wantu wa huju lumwengu.”

Yohana 6:35

Yesu kawamba, “Mimi ndimi hicho hicho chakuḍya chichonapfa wantu maisha. Kula eyenakudza kwangu nkawezi kusikia nzaa kawii meshi. Na kula anihikiziye mimi nkawezi kusikia nchiu kawii meshi.

Yohana 6:41

Hawa wantu waḍabva kuwawaka kwa dzambo ḍya hivi vya Yesu aneneyevyo akyamba, “Mimi ndimi hichi chakuḍya kiyawiyecho mbinguni.”

Yohana 6:47

Hachi nyakumwambiani, kula anihikiziye ana maisha ya kuunga na yuungo.

Yohana 6:48

Mimi ndimi hichi chakuḍya chichonapfa wantu maisha.

Yohana 6:50

Kenge hichi chakuḍya cha kuyawa mbinguni, kinawapfa kukaa mojo maishi hawaḍe wonse weonakiḍya.

Yohana 7:38

Kula anihikiziye, kuzimuni mwakwe kunavuha matsana ya madzi yeyonawapfa wantu maisha, dza vya matsoro yaneneyevyo.”

2 Wakorint̯o 5:19

Nichokunenani ni kwamba, kwa njia ya Kirist̯o, Muungu kakuḍemani kuwahendeza wantu wonse kuwa waḅamuzwe, atsewat̯alia nabvise zao. Na haya haya maagu kayahupfa huyawasumwiiye na wangine.

2 Wakorint̯o 5:21

Kirist̯o nkakuhenda nabvise iḍeyonse, ela Muungu kamuhendeza kuwa mvuugiya ya nabvise zehu, ili kwamba, kwa njia ya Kirist̯o, Muungu ahuhendeze kuwa wadheru, dza vyakwe jeje aivyo mudheru.

Waefeso 5:2

Ishini maisha ya kuwa na matsako kwa wangine dza vya *Kirist̯o ahutsakiyevyo hat̯a akidziyavya maishaye dza mvuugiya kwa dzambo ḍyehu. Hii ni mvuugiya imutsakizieyo Muungu.

Waefeso 5:25

Nywinywi wayume nanywi, watsakeni wakazenu dza vya Kirist̯o aḍitsakiyevyo hiḍi tsanganiko hat̯a akiḍifwiya.

Tito 2:14

Jeje kadziyavya maishaye kwa dzambo ḍyehu, ahupfonye na mazuka yonse na kuhudheresa na nabvise zehu, huwe wantuwe jeje heket̯u weo na hamu ya kuhenda mambo mema.

Waeburania 10:20

Jeje kahufungwiiya njia mpya ya kumwendea Muungu, iyonahupfa maisha. Kaihufungwiiya kwa kuchia na humu mwa huju yukangadzi, yani kwa kudziyavya jeje mwenye dza mvuugiya.

1 Pet̯ero 2:4

*Kirist̯o ka dza iwe muhimu ḍya mwiso ḍya kumbakia *Hekalu ya Muungu. Katsanigwa dza iwe ḍya thamani ḍya kumbakia ela wantu waḍidziza. Kenge nywinywi nzoni kwakwe.

1 Yohana 2:2

Na jeje ndiye hi mvuugiya ya kuhuhendeza huyatsijwe nabvise zehu. Na si kuyatsijwa nabvise zehu swiswi t̯u, ela hat̯a na nabvise za wantu wonse!

1 Yohana 4:10

Matsako, ni haya ya kwamba Muungu kahutsaka hat̯a kamuyavya Mwanawe kuwa mvuugiya ya kuyatsijwa nabvise zehu. Si kwamba swiswi hwiimutsaka!

1 Yohana 4:14

Na vya kwamba huyu Baba kamuhuma Mwanawe adze awe mupfonya jwa lumwengu, huviona, na hwakuvisumwiiyani na wangine.