Yohana 6:40 - Pokomo

⁴⁰ Koro Baba anatsaka kwamba, kula anihambwiiye mimi dza Mwana jwa Muungu na akinihikiza, huyo awe na maisha ya kuunga na yuungo. Nami nidzamufufuya nsiku ya mwiso.”

Yohana 6:40 Iomraidhean Croise

Matayo 10:15

Nami hachi nyakumwambiani, nsiku ya hukumu idzepfofika, Muungu anawafwia t̯ei zaid̯i wantu wa midzi ya Sod̯oma na Gomora, kuliko wantu wa huo huo mudzi!”

Matayo 25:46

Ndookomu hawa wantu wazuka wadzangizwa pfantu pfa adhaḅu isiyosia. Ela wahachi wadzangizwa pfantu pfa maisha ya kuunga na yuungo.”

Marko 16:16

Huyuḍe adzeyehikiza na akit̯opyegwa anapfonywa, ela asiyehikiza anahukumigwa.

Luka 2:30

Koro nimamuona mimi mwenye, huyu mupfonya jwa wantuwo,

Yohana 1:14

Huyu eyeakihanwa Chuuwo kawa mwanaad̯amu na kaishi kahi yehu. Huuona uwezowe mukuu, yani uwezo eo nao dza Mwana jeje heket̯u jwa huyu Baba. Kahuyanga winji wa matsakoye kwehu na kahupfa kumanya kula kintu dzuu ya Muungu.

Yohana 10:28

Weo wangu nawapfa maisha ya kuunga na yuungo na ntawawezi kwaara. Ntaku yuḍejwonse adzeeweza kuwanipfoka kuyawa mikononi mwangu.

Yohana 11:24

Nae Marit̯a kamwamba, “Ndivyo, nimanya kaḅisa kwamba nsiku ya mwiso anafufujwa anawa mojo kawii.”

Yohana 11:25

Yesu kamwamba, “Mimi ndimi niyenafufuya wantu na kuwapfa maisha kawii. Muntu anihikiziyee mimi, hat̯a akifwa huyo anaishi kawii.

Yohana 12:45

Na kula anioneye mimi, kakumuonani huyu anihumiye.

Yohana 12:50

Nimanya ya kwamba haya aamuriyeyo yanapfa wantu maisha ya kuunga na yuungo. Ndookomu nami, changu nichonanena ni hikiḍe cha huyu Baba anyambiiyecho ninene.”

Yohana 14:17

Huyu huyu Mugijiija ni huyu Ruhu Mudheru eyenayanga wantu hi ya hachi. Ela huju lumwengu ntajuwezi kumupfokea, maanaye ntajumudzi na wala ntajukwakumuhambuyani. Nywinywi le mumumanya, kwa dzambo ḍya kwamba ka pfamodza nanywi na anawa kuzimuni mwenu.

Yohana 14:19

Ḅaad̯a ya kit̯emo kifufi chichokudzani, huju lumwengu ntajukudzaniona kawii, ela nywinywi mudzaniona. Na kwa dzambo ḍya kwamba nawa nya mojo kawii, nanywi pia mudzawa mojo.

Yohana 17:2

Wewe kunimpa mamulaka dzuu ya kula muntu, ili kwamba hawaḍe wonse unimpiyeo, niweze kuwapfa maisha ya kuunga na yuungo.

Yohana 3:36

Kula amuhikiziye huyu Mwana ana maisha ya kuunga na yuungo. Ela kula asiyemut̯ii huyu Mwana, huyo nkawezi kuwa na maisha ya kuunga na yuungo, ishinu hukumu ya Muungu imukaiya.”

Yohana 4:14

Ela eyenanwa haya madzi niyonapfa wantu, nkagijwe ni nchiu kawii meshi. Haya madzi yanawa dza tsana iyokuvuhani kuzimuni mwakwe iyonamumpa maisha ya kuunga na yuungo.”

Yohana 5:24

Hachi nyakumwambiani, huyuḍe eyenasikiiya vyuuwo vyangu na akimuserefat̯a huyuḍe anihumiye, huyo ana maisha ya kuunga na yuungo. Muntu dzae nkawezi kuhukumigwa, koro kesakuyawa kufwani na kanjia kuishini maisha yasiyosia.

Yohana 6:27

Nywinywi namutsehangaikia chakuḍya chichonanangika! Ishinu hangaikiani chakuḍya kisichonangika, chichonapfa wantu maisha ya kuunga na yuungo. Mimi *Mwana jwa Ad̯amu naweza kumumpa hicho hicho chakuḍya, koro Muungu Baba jwangu kanimpa mamulaka ya kuhenda dzavyo.”

Yohana 6:39

Na miro ya huyu anihumiye ni kwamba, hawaḍe wonse awanimpiyeo nitseyatsa hat̯a mumodza jwao aare, ela nidzeniwafufuye nsiku ya mwiso.

Yohana 6:44

Ntaku eyenaweza kudza kwangu ikiwa kwamba huyu Baba anihumiye nkakumuyongoza kudza kwangu. Nami nsiku ya mwiso huyo huyo muntu namufufuya kuyawa kwa wafu.

Yohana 6:54

Ela huyuḍe eyenaḍya hu mwii wangu na kunwa hu mwazi wangu, huyo anawa na maisha ya kuunga na yuungo, nami nidzamufufuya nsiku ya mwiso.

Yohana 8:56

Bibi jwenu Iburahimu ewa katsekea kwamba njwakuiona nsiku ya kudza kwangu. Nae kaiona na katsekea muno.”

Warumi 5:21

Cha mwiso ni kwamba kae nabvise iwa ijut̯awala lumwengu kwa kuwangiza wantu kufwani. Ela sasa hi t̯ei ya Muungu ndiyo iyokuhut̯awalani kwa kuhuhendeza kuwa wahachi usoni kwa Muungu na kuhupfa maisha ya kuunga na yuungo. Na hivi hunavipata kuchiiya na kwa kumuhikiza Ḅwana jwehu Yesu Kirist̯o.

Warumi 6:23

Koro t̯ubvo ḍya kuhenda nabvise ni kufwa. Ela hi t̯ola ya Muungu ayaviyeyo ni maisha ya kuunga na yuungo kuchiiya na kwa Kirist̯o Yesu Ḅwana jwehu.

2 Wakorint̯o 4:6

Huyu Muungu ambiye, “Nakuyangae muyanga humu kizani,” ndiye jeje ahendezeye muyangawe uhuyangaiye myojoni mwehu. Hu muyanga unahupfa kuyamanya haya marembo ya Muungu, yeyonayangaa humu usoni mwa Kirist̯o.

Waeburania 11:1

Kuwa na faro ni kuwa na uhakika wa haya madzikwat̯yo yehu. Hunawa na uhakika wa hayaḍe husiyoona na matso.

Waeburania 11:27

Kwa kwamba Musa ewa kamuserefat̯a Muungu, kanuka na Misiri pfasipfo kuwa na oga wa ngoro ya huyu haju. Jeje nkakukwira nyuma kawii, kagija kwenda t̯u, dza kwamba ewa kakumuonani huyu Muungu asiyeonekana.

1 Pet̯ero 1:8

Ingawa ntamukumuona Yesu na matso, mumutsaka. Na ingawa hi hii saasambi ntamukwakumuonani, mumuhikiza. Mwakutsekeani na tsaiko kuu muno, ḍisiḍyoweza hat̯a kuneneka,

1 Yohana 2:25

Na cha Kirist̯o mwenye aahid̯iyecho kuhupfa, ni maisha ya kuunga na yuungo.

Yud̯a 1:21

Gijani kuishi kuuḅana na matsako ya Muungu, huku mukwakuindiiyani kupata haya maisha ya kuunga na yuungo mudzeyopfegwa ni Ḅwana jwehu Yesu Kirist̯o kwa dzambo ḍya hi t̯eiye eyonayo kwenu.