Yohana 6:22 - Pokomo

^22-23 Wantu wenji wewa wahafa hapfaḍe pfantu pfa Yesu epfoiyombea hi mikahe kisa akiwapfa wakiḍya. Chamukoche yakwe wadzawakumbuka kwamba chombo chichokuwapfo hapfaḍe kiwa ni kimodza t̯u. Nacho kiwa kinuka na hawa wanafund̯i wa Yesu, ela jeje mwenye wewa wamuyatsa nyuma. Kenge kwiwa kudza vyombo vingine viyawiyevyo Tiberio.

Yohana 6:22 Iomraidhean Croise

Matayo 14:22

Makisa Yesu kawamba wanafund̯iwe wanjie chomboni wayongowe wavuke huḍoombe, huku jeje akiwa kuḍamanani ne t̯ut̯a ya wantu.

Marko 6:45

Iyo saa Yesu kawamba wanafund̯iwe wanjie chomboni wayongowe wavuke huḍoombe, hat̯a mudzi wa Betisaiḍa, huku jeje akiwa kuḍamanani ne t̯ut̯a ya wantu.

Yohana 6:2

Wekiuḅwa ni t̯ut̯a nkuu na nkuu ya wantu kwa dzambo ḍya haya mafara ya kumakisa ya Yesu ahendeyeyo ya kupfonya wajwazi.