Yohana 5:34 - Pokomo

³⁴ Na nikinena hivi, si maana ya kwamba ni had̯i kuwe na ushaahiḍi wa mwanaad̯amu, ela nihadza ushaahiḍi wa Yohana ili nywinywi mupate kuhikiza na mupfonywe.

Yohana 5:34 Iomraidhean Croise

Luka 13:34

Yerusalemi, e Yerusalemi! Mudzi wiwonayaga manabii na kuwabiga na mawe *ntumi wa Muungu! Ni myeedha myengaa nitsakiyeyo kuwatsanganya wantuwo pfamodza, dza hiviḍe vya nkuku evyonawafunamia wanawe nsii ya maḅawaye? Ela wewe kudziza!

Luka 19:10

Koro mimi *Mwana jwa Ad̯amu nidziya kuwalacha na kuwapfonya hawaḍe waariyeo.”

Luka 24:47

Na kwa sariḍye, haya Maagu ni had̯i yasumwiijwe kwa vyeet̯i vyonse vya lumwengu, yakiḍabva na Yerusalemi. Na haya maagu ni kwamba, wantu wapfyehuze mama na Muungu anawayatsia nabvise zao.

Yohana 20:31

Ela haya yorejweyo, yoregwa ili mupate kuhikiza kwamba Yesu ni Mwana jwa Muungu na ndiye huyu *Masiya. Yoregwa ili kwamba, kwa kumuhikiza jeje muweze kuwa na maisha ya kuunga na yuungo.

Yohana 5:32

Ela kuna yungine eyekuyavyani ushaahiḍi dzuu yangu. Na nimanya ya kwamba haya eyonanena dzuu yangu nza hachi.

Yohana 5:41

Yesu kongeza kunena kamba, “Mimi sikwakulachani kushad̯igwa ni wantu hat̯a!

Yohana 8:54

Yesu kawambukuya kawamba, “T̯ambere nindeewa nyakudzishad̯ani mimi mwenye, huko kudzishad̯a kwangu kundeewa ntaku maana yaḍeyonse. Eyenanishad̯a mimi ni Baba, mwiyenakwamba ni Muungu jwenu

Warumi 10:1

Wandugu zanguni, nyakut̯amanini muno mojoni mwangu kwamba hawa Waisiraeli wenzangu wapate kupfonywa. Nyakuwayombeani kwa Muungu muno kwamba wonse wapate kupfonywa.

Warumi 10:21

Ela Muungu kanena dzuu ya Waisiraeli kamba, “Musikahi muzima niigonzowa mikono yangu nipate kuwapfa ugijo, ela wakaiya ut̯iriri na kutsanit̯ii t̯u.”

Warumi 12:21

Manyani mutset̯awaligwa ni mazuka. Ela gijani kuhenda mema ili mupate kuyashinda mazuka.

Warumi 3:3

Gula ni ḍugha kwamba wangine wao ntaweewa wahikizika kwa Muungu le. Ela hivyo hivyo ni kunena kwamba nae Muungu anavunza ahad̯i zakwe?

1 Wakorint̯o 9:22

Na kahi ya wantu weo na faro zisizodzangora, nadzihendeza dzao nipate kuwanuha kwa Kirist̯o. D̯ubva nadzingiza kwa kula hali ya kula muntu, nipate kupfonya wangine wao kwa njia iḍeyonse niyonaweza.

1 Timoteo 4:16

Dzit̯unze mwenye, Timoteo, na uyat̯unze haya mayongweezoyo. Ukigija kuhenda hivi, unadzipfonya wewe na hawa weonakusikiiya.

1 Yohana 5:9

Ikiwa kwamba ushaahiḍi wa wantu hunauhikiza, ḅasi ushaahiḍi wa Muungu una nguvu zaid̯i. Nao hu ushaahiḍi wakwe ni hu ayaviyeo dzuu ya Mwanawe.