Yohana 5:22 - Pokomo

²² Huyu Baba jeje nkahukumu muntu. Mamulaka yonse ya kuwahukumu wantu kayamuyatsia huyu Mwana,

Yohana 5:22 Iomraidhean Croise

Matayo 11:27

Makisa Yesu kamba, “Baba kanimpa mawezo dzuu ya kula kintu. Ntaku yuḍejwonse amumanyiye huyu Mwana, lamud̯a Baba jeje heket̯u. Na ntaku yuḍejwonse amumanyiye huyu Baba lamud̯a huyu Mwana na hawaḍe wonse wa huyu Mwana atsaniyeo kumuyanganya huyu Baba kwao.”

Matayo 16:27

Mimi Mwana jwa Ad̯amu nidzakudza na marembo ya Baba na malaikawe wonse. Na nidzamuhukumu kula muntu kuuḅana na mahendoye.

Matayo 28:18

Yesu kawendea hafufi na kawamba, “Mamulaka yonse ya mbinguni na lumwenguni niyapfegwa mimi.

Yohana 17:2

Wewe kunimpa mamulaka dzuu ya kula muntu, ili kwamba hawaḍe wonse unimpiyeo, niweze kuwapfa maisha ya kuunga na yuungo.

Yohana 3:35

Muungu Baba kamutsaka huyu Mwanawe na kamumpa mamulaka dzuu ya kula kintu.

Yohana 5:27

Huyu Baba kamumpa huyu Mwanawe mamulaka ya kuwahukumu wantu wonse, koro jeje ndiye huyu *Mwana jwa Ad̯amu.

Yohana 9:39

Kisa Yesu kamba, “Mimi nidza lumwenguni ili nabvise ipate kuhukumigwa. Nidza ili kwamba ntumbu matso wapate kuona na hawaḍe weonat̯ara kwamba wakuonani, niwayange kwamba ni ntumbu matso.”

Mahendo 10:42

Na kahwaamuru huwasumwiiye wantu haya Maagu Mema na huwayange kwamba ndiye huyu jwa Muungu atsaniyee kuwa muhukumu jwa wafu na weo mojo.

Mahendo 17:31

Koro kesakutsana nsiku ya kujuhukumu lumwengu jwonse na hachi kuchiiya na kwa muntu amutsaniye. Hivi kaviyanga kwa kula muntu epfomufufuya huyu muntu kuyawa wafuni!”

Warumi 2:16

Ndookomu hivi hivi ndivyo vidzevyowahendekea hiyo hiyo nsiku ya Muungu adzeyowahukumu wanaad̯amu kwa dzambo ḍya haya mambo weyonafitsa myojoni mwao. Kuuḅana na hi Injili niyonasumwiiya, Muungu kadzawahukumu wanaad̯amu wonse kuchiiya na kwa *Kirist̯o Yesu.

2 Wakorint̯o 5:10

Koro hwonse ni had̯i hudzehusumame usoni ya *Kirist̯o, muhukumu jwehu. Jeje anahukumu kula mumodza jwehu na kumumpa t̯ubvo ambu adhaḅu dza evyonamala, akiyowa mahendo mema ambu mazuka ya muntu ahendeyeyo kuzimuni mwa maisha yakwe hapfa lumwenguni.

2 Timoteo 4:1

Kwa dzambo ḍya kudza kwa *Kirist̯o Yesu dza haju, nyakukuamuruni usoni kwa Muungu na kwa Yesu Kirist̯o, adzeewahukumu weo mojo na wafwiyeo:

1 Pet̯ero 4:5

Ela idzawamala kudzihehea usoni kwa Muungu eye t̯ayari kuwahukumu weo mojo na wafwiyeo.