Yohana 4:48 - Pokomo

⁴⁸ Nae Yesu kamwamba, “Nywinywi musidzahendejwa mafara ya kumakisa ntamuwezi kuhikiza!”

Yohana 4:48 Iomraidhean Croise

Matayo 16:1

Nsiku modza *Mafarisayo na Masad̯ukayo wamwendea Yesu wakamuḍeme. Wamwamba awayange kihambwiizo cha kuyanga kwamba hu uwezowe uyawa kwa Muungu ḍugha.

Matayo 24:24

Koro kudzat̯upuka manabii wa nsuwe na wantu wadzeodzihana Kirist̯o. Wadzahenda mafara ya kumakisa na kuyanga vihambwiizo garagara, ili t̯ambere indewezekana waweze kuwaarya hat̯a hawa watsanwa wa Muungu.

Matayo 27:42

“Kapfonya wangine ela nkawezi kudzipfonya mwenye! At̯i huyu huyu ndiye ayu haju jwa Waisiraeli? Akisuka na hapfa muhini mwa mpatsa saambi hunamuhikiza!

Marko 13:22

Koro kudzat̯upuka manabii wa nsuwe na wantu wadzeodzihana Kirist̯o. Wadzahenda mafara ya kumakisa na kuyanga vihambwiizo garagara, ili t̯ambere indewezekana waweze kuwaarya hawa watsanwa wa Muungu.

Luka 10:18

Yesu kawamba, “Nimuona Shaat̯ani kagwa nsi kuyawa mbinguni dza yupfepfe.

Luka 16:31

Kenge Iburahimu kamwamba, ‘Wakitsahikiza vyuuwo vya Musa na manabii wangine, ntawawezi kupfyehuza mama hat̯a ikiwa kwamba kufufuka muntu kuyawa kwa wafu.’ ”

Yohana 12:37

Hat̯a ḅaad̯a ya haya haya mafara yonse ya kumakisa ya Yesu ahendeyeyo, wantu wenji ntawakumuhikiza.

Yohana 15:24

Mimi nihenda mafara ya kumakisa kahi yao, yasiyodzahendwa ni muntu yungine yuḍejwonse. T̯ambere nindeewa sidzahenda mambo dzayo, ntawandet̯alijwa nabvise. Ela viivyo ni kwamba, hat̯a ingawa waona hivi nihendeyevyo, wao wahuwekea kevo ami na Baba.

Yohana 2:18

Kisa hawa wakuu wa Kiyahud̯i wamudzia Yesu na wamuuza wamwamba, “Wewe una mamulaka ga ya kuhenda avi uhendeyevyo? Unaweza kuhuyanga kihambwiizo ga cha kuyanga kwamba una mamulaka dzayo?”

Yohana 20:29

Yesu kamwamba, “Wewe kuhikiza kwa dzambo ḍya kwamba kuniona. Heri hawaḍe wahikiziyeo pfasipfo kuniona.”

Yohana 4:49

Ae huyuḍe mukuu kamurai Yesu kamwamba, “E ad̯o Ḅwana, nzoo hwende mwanangu asidzahuna nsoho.”

Mahendo 14:3

Hawa *ntumi wakaa hukuḍe kwa muḍa muyeya wakisumwiiya dzuu ya Ḅwana pfasipfo oga. Nae Ḅwana kayanga ya kwamba haya weyowakinena dzuu ya t̯eiye nza ḍugha. Kaviyanga kwa kuwapfa nguvu za kuhenda mambo ya kumakisa na vihambwiizo.

Mahendo 15:12

Kit̯aro chonse kiḍunda mya. Wamupfindiiya Baranaba na Paulo wakwakusumwiiyani hivi vihambwiizo na mafara makuu ya Muungu awapfiyeyo kuhenda kahi ya hawa wantu wa vyeet̯i.

Mahendo 2:19

Nidzahenda mafara ya kumakisa yuwinguni dzuu, na kuyanga vihambwiizo lumwenguni. Kudzahika mwazi, na kudzawa moho na mosi muziho.

Mahendo 2:22

Kawii Pet̯ero kamba, “Wantu wa Isiraeli, pfindiiyani hivi vyuuwo! Yesu jwa Nazareti ewa muntu atsanijwe kuhenda kazi ya Muungu. Nanywi mwiiyangwa tswee na mambo ya mafara, mambo ya kumakisa, na vihambwiizo vya Muungu ahendeevyo kuchiiya kwakwe. Nywinywi wenye muyamanya haya, koro yahendeka hapfa, kahi yenu.

Mahendo 2:43

Hawa ntumi wahenda mambo ya kumakisa na vihambwiizo vinji, hat̯a kula muntu kanjijwa ni oga.

Mahendo 4:30

Gonzowa mukonowo kupfonya wajwazi. Henda vihambwiizo na mambo ya kumakisa kuchiiya kwa muhumisiwo mudheru, Yesu.”

Mahendo 5:12

Hawa ntumi wahenda mafara ya kumakisa na vihambwiizo kahi ya hawa wantu. Hawa wahikiza wonse wekitsanganika pfamodza uani mwa Sulemani.

Mahendo 6:8

Sit̯efano, muntu eyekuwa na winji wa t̯ei ya Muungu na adzaiye nguvu, kahenda mafara makuu ya kumakisa na vihambwiizo kahi ya hawa wantu.

Mahendo 7:36

Kawayongowa wantu kuyawa Misiri, akihenda mafara ya kumakisa na vihambwiizo. Hivi kavihenda Misiri, ḅahari ya Shamu na hukuḍe yuwandani kwa myaka miyongo mine.

Warumi 15:19

Na kwa dzambo ḍya vihambwiizo na mafara ya kumakisa nihendeyeyo kahi yao, na kwa nguvu za huyu Ruhu jwa Muungu, wao wayahikiza haya Maagu Mema ya Kirist̯o. Ndookomu kwehii namuna nyenda pfantu kwa pfantu nikisumwiiya haya Maagu Mema dzuu ya Kirist̯o, hangu Yerusalemi hat̯a ḍyimbo ḍya Iluriko.

1 Wakorint̯o 1:22

Hawa Wayahud̯i wanatsaka vihambwiizo dza ushaahiḍi, hali hawa wantu wasiokuwa Wayahud̯i wanalacha kuwa na mvidhyo.

2 Wakorint̯o 12:12

Mimi nihenda vihambwiizo, mambo ya kumakisa na mambo ya mafara kahi yenu, huku nikiit̯isa kuhenda hi kazi yangu. Na hayo yonse nihendeyeyo, yayanga wantu kwamba mimi ni *ntumi.

2 Watesalonike 2:9

Huyu muntu muzuka akidza, anakudza na uwezo wa Shaat̯ani, wa kuhenda mambo makuu na mafara ya kumakisa, na vihambwiizo vya kukulakula wantu.

Waeburania 2:4

Muungu nae kavihuyanga tswee kwamba ni ḍugha kwa kuhuyanga vihambwiizo, mambo ya mafara na mambo ya kumakisa menji na menji, pfamodza na kupfa wantu t̯ola ya Ruhu Mudheru dza atsakiyevyo mwenye.