Yohana 4:46 - Pokomo

⁴⁶ Kisa Yesu kenda hat̯a kafika mudzi wa Kana wiwo ḍyimbo ḍya Galilaya, hukuḍe ekoperuya madzi yakiwa mvinyo. Na hukuḍe Kaperinaumi, kwiwa na mukuu mumodza eyekuwa na mwana mujwazi.

Yohana 4:46 Iomraidhean Croise

Matayo 15:22

D̯ubva Yesu kendejwa ni muke mumodza Mukanaani jwa hukuhukuḍe. Huyu muke kamuyomba Yesu kamwamba, “E Ḅwana, Yesu Mwana jwa D̯aud̯i, nakuyomba unifwiye t̯ei. Koro nina mwanamuke wangu eye na mpepfo nzuka zizokumuhangaishani muno!”

Matayo 4:13

Ela epfokwenda Nazareti nkakukaa muno. Kadzakanuka kenda mudzi wa Kaperinaumi wiwo geri ya ziwa ḍya Galilaya, nsi ya vyeet̯i vya Zabuloni na Nafutali.

Matayo 9:18

Yesu epfoakinena hivi, kendejwa ni muntu mumodza eyekuwa mukuu jwa *sunagogi. Huyuḍe muntu epfokwenda kamuvunzia nkuhi Yesu na kamwamba, “Ḅwana, mwanamuke wangu kahuna nsoho saambi. Ela nimanya kwamba ukyenda ukimupfaza mukono anafufuka.”

Luka 4:23

Yesu kawamba, “Hachi mudzanyambia inganyo hiḍi, ‘Muriit̯a, dziriit̯e mwenye.’ Koro mudzanyambia nihende mambo hapfa mudzini dza hayaḍe musikiiyeo kwamba nihenda Kaperinaumi.

Luka 7:2

Hukuḍe kwiwa mukuu jwa kit̯aro cha asikari wa Kirumi eyekuwa na muhumwa amutsakie muno. Huyu muhumwa ewa mujwazi mund̯at̯i eyekuwa d̯uru ḍya mwiso.

Luka 8:42

Koro ewa na mwanamuke madiani jwa myaka kumi na miwii nae ewa hafufi kufwa. Yesu epfokuwa kwendani, wantu wamuminya ḍanda zonse.

Yohana 2:12

Ḅaad̯aye, Yesu na mamajwe pfamodza na wanduguzwe na wanafund̯iwe, wanuka Kana wenda mudzi wa Kaperinaumi. Hukuḍe wenda wakaa kwa nsiku kachuchu.

Yohana 21:2

Simioni Pet̯ero, Tomasi eyeakihanwa Mwana mpatsa, Natanaeli jwa mudzi wa Kana wiwo ḍyimbo ḍya Galilaya, pfamodza na wana wa Zebed̯ayo na wanafund̯i wangine wawii, wewa wakaa pfamodza.