Yohana 4:21 - Pokomo

²¹ Yesu kamwambukuya kamwamba, “Hikiza nivyokukwambiani! Ngera zakudzani ambapfo ntamukudzamuyomba Baba hapfa murimani wala mudzini Yerusalemi.

Yohana 4:21 Iomraidhean Croise

Matayo 18:20

Koro mwipfonatsanganika wawii ambu wahahu kwa sari ḍyangu, nami nawa pfamodza nanywi.”

Matayo 28:19

D̯ubva endani kwa wantu wa vyeet̯i vyonse mukawahendeze kuwa wanafund̯i wangu, mukiwat̯opya kwa sari ḍya Baba na Mwana na Ruhu Mudheru.

Luka 21:24

Wangine wadzayagwa vihani na wangine wadzawa maheka wa nsi zonse. Na hawa wantu wa vyeet̯i wadzaikaa Yerusalemi hat̯a nsiku zao zidzepfosia.”

Yohana 14:6

Yesu kamwamba, “Mimi ndimi njia, ndimi hachi na ndimi niyenawapfa wantu maisha ya kuunga na yuungo. Muntu nkawezi kwenda kwa Baba pfasipfo kuchiiya na kwangu.

Yohana 16:2

Nywinywi mudzayavigwa masunagogini, na kudzafika ngera ya wantu kumuyaga wakit̯ara ya kwamba kwa kuhenda hivyo, wakumuhumikiani Muungu.

Yohana 16:32

Ela ngera zakudzani, na hat̯a zimaafika haswa, ambapfo nywinywi mudzat̯amisaa na kula mumodza ende kwakwe. Mudzanifat̯ula mimi heket̯u, ela mimi sikwaa mimi heket̯u, koro Baba ka pfamodza nami.

Yohana 4:23

Ngera zakudzani, na hat̯a zisakufika, ambapfo hawaḍe weonamuyomba Muungu ḍugha, wanamuyomba Ruhuni na hachini. Koro wantu weonamuyomba Muungu dza hivi, ndiwo wakwe eonatsaka.

Yohana 5:25

Hachi nyakumwambiani, ngera zakudzani na hat̯a zimaafika, ambapfo hawaḍe wafwiyeo kiruhu wanaisikia saut̯i yangu mimi Mwana jwa Muungu. Na hawaḍe wadzeoisikia na kuit̯ii, wanaishi.

Yohana 5:28

Namutsemakiswa ni haya niyokumwambiani hat̯a! Koro ngera zakudzani, ambapfo hawaḍe wafwiyeo wadzaisikia saut̯i ya huyu Mwana jwa Muungu

Mahendo 6:14

Humusikia akyamba huyu Yesu jwa Nazareti anainanga hi Hekalu na kuperuya maad̯a yonse huyongweezejweyo ni Musa!”

Waefeso 2:18

Na kwa dzambo ḍya hivi vya Kirist̯o ahendeyevyo, hwonse hupata njia ya kumwendea Muungu Baba jwehu, hukigijiijwa ni yuyo Ruhu mumodza.

Waefeso 3:14

Nipfonamamat̯a haya haya yonse ya Muungu ahendeyeyo hat̯a nikyenda nikisa, navunza nkuhi nikamuyomba Muungu Baba jwehu.

1 Timoteo 2:8

D̯ubva, kula saa ya mayombo, natsaka hawa wayume wadziyaviyeo kwa Muungu wawe ndiwo wa kuyomba. Na wepfonanwiiya dzuu mikono yao kuyomba, nawatseewa na ngoro ambu ngongea.

1 Pet̯ero 1:17

Muungu anahukumu kula muntu kuuḅana na mahendoye pfasipfo kumuhendea kind̯eḍi. D̯ubva ikiwa kwamba Muungu munakaa na kumuhana Baba, ḅasi ni had̯i hapfa lumwenguni mwipfokukaani dza wageni, muishi kwa kumuhila.

Upfenuo wa Yohana 21:22

Na humuḍe mudzini sikuona hekalu iḍeyonse, koro Ḅwana Muungu mwenye nguvu zonse na huyu Mwana Mbuzi ndiwo hi *Hekalu.