Yohana 4:10 - Pokomo

¹⁰ Yesu kamwamba, “Wewe nkuidzi hi nt̯unu ya Muungu eyonapfa wantu, na wala nkudzi kwamba ayu eyekukuyombani madzi ni ga. Koro t̯ambere undemanya, undemuyomba jeje madzi nae andekupfa madzi yeyonapfa wantu maisha.”

Yohana 4:10 Iomraidhean Croise

Luka 11:13

Haya, ikiwa kwamba nywinywi mwiwo wazuka t̯u, mumanya kuwapfa wana wenu vija vyema vyema, ehe fat̯i Baba jwenu jwa mbinguni anawapfa Ruhu Mudheru myeedha myengaa, awaḍe weonamuyomba?”

Yohana 16:3

Wao wanamuhendea dza hivyo, kwa kwamba ntawanidzi mimi wala Baba.

Yohana 17:3

Na maisha ya kuunga na yuungo, ni kukumanya wewe wiye Muungu jwa ḍugha wewe heket̯u, pfamodza na kunimanya nami mimi Yesu *Kirist̯o unihumiye.

Yohana 3:16

Koro Muungu kajutsaka lumwengu hat̯a kamuyavya Mwanawe madiani, ili kula amuhikiziye atsekwaara, ela awe na maisha ya kuunga na yuungo.

Yohana 4:14

Ela eyenanwa haya madzi niyonapfa wantu, nkagijwe ni nchiu kawii meshi. Haya madzi yanawa dza tsana iyokuvuhani kuzimuni mwakwe iyonamumpa maisha ya kuunga na yuungo.”

Yohana 6:35

Yesu kawamba, “Mimi ndimi hicho hicho chakuḍya chichonapfa wantu maisha. Kula eyenakudza kwangu nkawezi kusikia nzaa kawii meshi. Na kula anihikiziye mimi nkawezi kusikia nchiu kawii meshi.

Yohana 6:51

Mimi ndimi hichi chakuḍya kiyawiyecho mbinguni, chichonapfa wantu maisha. Kula eyenaḍya hichi hichi chakuḍya anakaa mojo maishi. Hichi hichi chakuḍya ni hu mwii wangu, nidzeouyavya kwa dzambo ḍya kujupfa maisha huju lumwengu.”

Mahendo 9:11

Nae Ḅwana kamwamba, “Dzielekanye wende hat̯a njia iyonahanwa ‘Njia Ndongaaro,’ na hapfaḍe nyumbani pfa Yud̯a mulache muntu jwa T̯ariso eyenahanwa Sauli. Hi hii saasambi kakuyombani

Warumi 8:32

Huyu Mwanawe jeje mwenye t̯u, Muungu nkakumuhofea, ela kamuyavya dza mvuugiya kwa dzambo ḍya nabvise zehu hwonse. D̯ubva ikiwa kwamba huyu Mwanawe t̯u, kamuhupfa dzevihivi, dze, nkawezi kuhupfa mema yonse hat̯a?

1 Wakorint̯o 1:30

Muungu ndiye ahungiziye hariani mwa Kirist̯o Yesu, huyu ahuyangiye mvidhyo ya Muungu. Kirist̯o ndiye ahupfiye kuhwajwa dza wantu wahachi ni Muungu. Ndiye ahupfiye kuwa wadheru na ndiye ahuwekeye huru.

1 Wakorint̯o 10:4

na wanwa iyo aina modza ya madzi ya kiruhu. Haya madzi wayanwa na humu mwa hu mwamba wa kiruhu ugijaniyeo nao. Na hu huu mwamba wiwa ni *Kirist̯o mwenye.

2 Wakorint̯o 9:15

Hunamuyaviza Muungu ḍuḍa kwa hi nt̯unu yakwe ahupfiyeyo, husiyoweza kuipara na vyuuwo.

Waefeso 2:8

Mupfonywa kwa t̯ei ya Muungu t̯u kwa kwamba mumuhikiza Kirist̯o. Ela ntamukupfonywa kwa dzambo ḍya mema yaḍeyonse muhendeyeyo. Hu mupfonyo mupatiyeo ni t̯ola ya Muungu amumpiyeyo. Ndookomu nakutseewa jwa kudziona.

Waeburania 6:4

Ntaiwezekane kuwaudzya njiani hawaḍe weoimanya hi hachi kisa wakiiyekeza hi faro yao. Wao weet̯at̯a t̯ubvo ḍya Muungu na kupfokea Ruhu Mudheru pfamodza na wantu wangine.

1 Yohana 5:20

Na pia humanya ya kwamba huyu Mwana jwa Muungu kadza, na kahupfa kuimuka hupate kumumanya huyu Muungu jwa ḍugha. Naswi hwakuishini kuzimuni mwa huyu Muungu jwa ḍugha, koro hwaa kuzimuni mwa huyu Mwanawe, Yesu Kirist̯o. Na huyu ndiye huyu Muungu jwa ḍugha na ndiye eye na haya maisha ya kuunga na yuungo.

Upfenuo wa Yohana 21:6

Kisa kanyamba, “Visakusiya! Mimi ndimi Ḍabvu na Mwiso. Ndimi niyenaḍabvisa mambo yonse na ndimi niyenayesa. Yuḍejwonse eye na nchiu, namumpa madzi ya ḅure yeyonayawa kwa matsana ya madzi yeyonapfa wantu maisha ya kuunga na yuungo.

Upfenuo wa Yohana 22:17

Huyu Ruhu na huyu Ḅiḅi Harusi wamba, “Nzoo!” Na yuḍejwonse avisikiiye hivi hivi nambe, “Nzoo!” Yuḍejwonse eye na nchiu nadze! Atsakiye madzi yeyonapfa wantu maisha yasiyosia, nadze anwe ḅure!

Upfenuo wa Yohana 7:17

Koro huyu Mwana Mbuzi eyenakaa kahikahi ya hiki kiti cha kihaju, anawa ndiye huyu mut̯unga jwao. Nae anawapfiika kuntu kwa matsana ya madzi ya mutsangani kuzimu yeyonapfa wantu maisha. Nae Muungu anawafuta mitsozi yao yonse.”