Yohana 21:22 - Pokomo

²² Yesu kamwambukuya kamwamba, “Ae ikiwa kwamba nitsaka akae mojo hat̯a nidzepfouja, hayo hayo yakumud̯a na? Wewe niuḅa mimi t̯u!”

Yohana 21:22 Iomraidhean Croise

Matayo 16:24

Makisa Yesu kanena na hawa wanafund̯i kawamba, “Yuḍejwonse atsakiye kuniuḅa mimi ni had̯i aziyatse njiaze za kibenaad̯amu, autsukuye muhiwe wa mpatsa na aniuḅe.

Matayo 24:27

Koro dza hiviḍe vya yupfepfe jwivyonamwala jukayangaza hangu muyao dzuwa mumpaka mutso dzuwa, ndivyo kudza kwangu mimi *Mwana jwa Ad̯amu kudzevyowa.

Matayo 24:3

Ḅaad̯aye Yesu ewa kakaa chihako Murima wa Mizeituni. Wanafund̯iwe wamwendea wakiwa wao heket̯u na wamuuza wamwamba, “Ḅwana, aya mambo uhwambiiyeyo yanahendeka ngera ga? Kunawa kihambwiizo ga cha kuyanga kwamba ngera ya kuuja kwako na mwiso wa lumwengu vimaafika?”

Matayo 24:44

Ndookomu nanywi pia ni had̯i muwe t̯ayari, koro Mwana jwa Ad̯amu anakudza saa musiyoit̯aria.

Matayo 25:31

Yesu kanena kamba, “*Mwana jwa Ad̯amu adzepfokudza na maremboye dza Haju pfamodza na malaikawe wonse, kadzakaa kiti chakwe cha kihaju.

Matayo 8:22

Ela Yesu kamwamba, “Wewe niuḅa t̯u! Wayatse wafu wawazike wafu wao.”

Marko 9:1

Yesu kagija kunena nao kawamba, “Hachi nyakumwambiani, wangine wenu wasumamiyeo hapfa ntawakudzafwa mumpaka wadzepfouona Uhaju wa Muungu ukidza na nguvu na uwezo mukuu.”

Yohana 21:19

Yesu kanena hivi kuyanga namuna ya Pet̯ero adzevyofwa, na namuna ye kifoche kidzevyomumpa Muungu kushad̯wa. Kisa Yesu kamwamba Pet̯ero, “Niuḅa.”

Yohana 21:21

Pet̯ero epfomuona, kamuuza Yesu kamwamba, “Ḅwana, ehe ayu?”

1 Wakorint̯o 11:26

Yani, kula mwipfonaḍya hu mukahe na kunwa hichi chikombe cha mvinyo, mwakulalabvani kufwa kwa Ḅwana hat̯a adzepfokudza.

1 Wakorint̯o 4:5

D̯ubva, namutsemukizia muntu hukumu ngeraye isidzafika. Ḅwana ndiye adzeeyavya hukumu nsiku adzeyokudza. Kadzayayavya wekeani tswee hayaḍe yafitsijweyo kizani, na kadzaziyavya nze tswee hizi t̯amaa za myojo ya wanaad̯amu. Kisa kula muntu, Muungu mwenye kadzamumpa hi shad̯umeaye eyonamala kupfegwa.

1 Watesalonike 2:19

Maana yehu ya kutsaka kuuja kawii huko kwenu, ni kwamba, huna madzikwat̯yo makuu ya kwamba, Ḅwana jwehu Yesu adzepfouja mweedha wa pfii, nywinywi munasumama usoni kwakwe, pfasipfo yutswa. Ndookomu munahupfa kutsekea na kudziona kwa dzambo ḍyenu.

Yakobo 5:7

Wandugu zanguni, nywinywi it̯isani huku mukwakuyoweeyani kudza yupfii kwa Ḅwana. T̯ayowani namuna ya wantu weonaima wevyonait̯isa mumpaka wakavuna makonde yao. Wao wanait̯isa mumpaka hi mvuya ya kuivyaza hi mimea ikanya, na wakapata bvaro.

Yakobo 5:8

Nanywi pia, namutseefwa mojo, it̯isani, koro nsiku ya kuuja kwa Ḅwana ntaikwaa kuye.

Upfenuo wa Yohana 1:7

T̯asikiani! Yesu kakudzani! Kakudzani na mawingu na kula dzitso ḍidzamuona. Hat̯a hawaḍe wamusimikiyeo wakimuyaga nao pia wadzamuona. Na vyeet̯i vyonse vimudziziyevyo, vidzasikit̯ika kwa dzambo ḍya kudzakwe. Na ndivyo vidzevyowa! Amina.

Upfenuo wa Yohana 2:25

Changu t̯u cha kumwambia ni kwamba, gijani muno hikiḍe mwichonacho mumpaka hapfaḍe nidzepfokudza.

Upfenuo wa Yohana 22:20

Huyuḍe avilalabviye hivi hivi kamba, “Hakika, nyakudzani si hat̯a kae!” Amina. Ad̯o nzoo Ḅwana Yesu!

Upfenuo wa Yohana 22:7

Kisa Ḅwana Yesu kamba, “T̯ayowani, nyakudzani si hat̯a kae! Kadzawa na tsekea iyodze huyuḍe avigijie hivi vyuuwo vya unabii vyorejwevyo humu chuoni!”

Upfenuo wa Yohana 3:11

Mimi nyakudzani si hat̯a kae! Kigijeni muno hikiḍe mwichonacho ili muntu atsekudzamupfoka t̯ubvo ḍyenu.