Yohana 21:20 - Pokomo

²⁰ Pet̯ero kakwira nyuma na kamuona huyuḍe mwanafund̯i jwa Yesu eyetsaka muno kakuwauḅani. (Huyu ni huyuḍe mwanafund̯i eyet̯ura na Yesu wepfowakiḍya kaḅila Yesu nkadzagijwa. Ni yuyuḍe amuuziye Yesu kwamba ayu jwa kumuḍawanya ni ga.)

Yohana 21:20 Iomraidhean Croise

Matayo 26:46

Haya nukani hwende, koro huyu jwa kuniḍawanya kamaakudzani.”

Yohana 20:2

Nae kaukuya na maguu, kenda kwa Simioni Pet̯ero na huyuḍe mwanafund̯i jwa Yesu eyemutsaka muno, na kawamba, “Wauhwaa hu mwii wa Ḅwana na humuḍe mbeerani, na wala ntahudzi kwamba waupfiika ku!”

Yohana 21:21

Pet̯ero epfomuona, kamuuza Yesu kamwamba, “Ḅwana, ehe ayu?”

Yohana 21:24

Huyu ni huyu mwanafund̯i ayaoneye haya mambo na matsoye mwenye na akiyora. Naswi humanya ya kwamba haya aneneyeyo ni ḍugha.

Yohana 21:7

Makisa huyuḍe mwanafund̯i jwa Yesu amutsakiyee muno kamwamba Pet̯ero, “Huyu aneneye naswi ni Ḅwana!” Simioni Pet̯ero kudzasikia hivi, kaidzifwecha hi nkanzuye kwa kwamba ndiyo eyovwaa t̯u, na katsumpa humu madzini.