Yohana 21:12 - Pokomo

¹² Kisa Yesu kawamba, “Nzoni mufunguye kanwa.” Hapfo wonse wamuhambuya kwamba ni Ḅwana. Ndookomu ntaku hat̯a mumodza jwao eyekuwa na mume wa kumuuza kwamba jeje ni ga.

Yohana 21:12 Iomraidhean Croise

Matayo 22:46

Yesu epfowauza hivi ntaku hat̯a mumodza ambukwiiye chuuwo. Na hangu hihiiḍe nsiku, ntakukuwa na yuḍejwonse agafiiye kumuuza chuuwo kawii.

Marko 9:32

Hawa wanafund̯iwe ntawakumuimuka hivi aneneyevyo na wekishooga kumuuza.

Luka 9:45

Ela wanafund̯iwe ntawakuimuka hivi aneneyevyo. Viwa vifitsika kwao watseviimuka. Nao wekishooga kumuuza maanaye.

Yohana 16:19

Yesu kahambuya kwamba hawa wanafund̯iwe wekitsaka kumuuza maana ya hivi aneneyevyo, ndookomu nae kawamba, “Mwakuuzanani maana yangu nyambiyeyo, ‘Ḅaad̯a ya muḍa ntamukudzaniona, ela ḅaad̯a ya kit̯emo kifufi mudzaniona kawii?’

Yohana 21:11

D̯ubva Simioni kenda kainuha hi nyavu kaiyavya gubani. Hi nyavu iwa na visembe vikuu vikuu gana na miyongo mitsano na vihahu, ela hat̯a vivyo, ntaikuḅaika-ḅaika.

Yohana 21:15

Wepfofunguya kanwa wakisa, Yesu kamuuza Simioni Pet̯ero kamwamba, “Dze Simioni mwana jwa Yohana, kunitsaka kuwachia awaa?” Pet̯ero kamwambukuya kamwamba, “Ḅwana, wewe mwenye kumanya ya kwamba mimi nikutsaka!” Nae Yesu kamwamba, “Haya, zit̯ikise hizi mbuzi zangu.”

Yohana 4:27

Iyo saa, hawa wanafund̯i wa Yesu wakumpuya kuyawa hukuḍe mudzini. Wepfomuona Yesu kakunenani na muke Musamaria wamaka muno. Ela ntaku hat̯a mumodza jwao amuuziye maana eyoakihenda hivihiviḍe. Na wala ntawakumuuza kwamba ae na huyu muke wekinena kintu ga.

Mahendo 10:41

si kwa wantu wonse, ela kwehu t̯u swiswi hwiwo mashaahiḍi wa Muungu eotsana hangu d̯ura. Swiswi huḍiyeo na kunwa pfamodza nae epfofufuka kuyawa wafuni.