Yohana 20:26 - Pokomo

²⁶ Ipfofika hiḍe nsiku ya ḍyuma ingine, hawa wanafund̯i wewa watsanganika pfamodza kawii. Na hi hii buwa Tomasi nae ewa yupfo. Hi miḍyango iwa ifungwa-fungwa, ela ḅwikira, Yesu kasumama kahi yao na kawamba, “Naghea iwe nanywi.”

Yohana 20:26 Iomraidhean Croise

Matayo 17:1

Ḅaad̯a ya nsiku ntandahu, Yesu kamuhwaa Pet̯ero, Yakobo na Yohana ndugujwe Yakobo na kanuka nao wao heket̯u kapfaa nao murimani dzuu.

Marko 16:14

Ḅaad̯aye kawii, Yesu kawat̯upukia hawaḍe wanafund̯iwe kumi na mumodza wepfokaa kuḍyani. Kawabusa vyumuni kwa kutsowa faro kwao na myojo yao myumu, koro ntawakuwahikiza hawaḍe wamuoneyeo epfofufuka.

Luka 24:36

Wepfowakiwasumwiiya haya, iyo saa Yesu jeje mwenye kasumama kahi yao na kawamba, “Naghea iwe nanywi!”

Luka 9:28

Zipfochia chima cha nsiku nane ḅaad̯a ya kusumwiiya hivi, Yesu kamuhwaa Pet̯ero, Yohana na Yakobo, kapfaa nao murimani dzuu akayombe.

Yohana 11:16

D̯ubva Tomasi, eyeakihanwa Mwana Mpatsa, kawamba hawa wanafund̯i wenziwe, “Naswi hwendeni. Ikiwa kwamba ni kufwa hufwe pfamodza na huyu Mwaalimu.”

Yohana 14:27

Nichokumuyatsiani ni naghea ya myojo. Na hi hii naghea niyonamumpa mimi siyo hi naghea ya lumwengu iyonaweza kumumpa. D̯ubva namutsesukusika myojo na wala namutseewa na oga.

Yohana 20:19

Hihiiḍe nsiku ya d̯ura ya ḍyuma na mioro, wanafund̯i wa Yesu wewa watsanganika pfantu pfamodza. Hi miḍyango yonse ya hapfa wepfokuwa iwa ifungwa-fungwa kwa dzambo ḍya kuwashooga wakuu wa Wayahud̯i. Ḅwikira, Yesu kasumama kahi yao na kawamba, “Naghea iwe nanywi.”

Yohana 20:21

Kisa Yesu kawambia kawii, “Naghea iwe nanywi. Mimi nyakumuhumani nywinywi lumwenguni dza vya Baba evyonihuma mimi.”

Yohana 21:1

Ḅaad̯aye, Yesu kawat̯upukia wanafund̯iwe geri ya ziwa ḍya Galilaya. Na hivi ndivyo vihendekeyevyo:

Yohana 21:14

Hu wiwa ni mweedha wa hahu wa Yesu kuwat̯upukia wanafund̯iwe hangu epfofufuka kuyawa kwa wafu.

Mahendo 1:3

Kwa nsiku miyongo mine ḅaad̯a ya kupfatsikwakwe, Yesu kawat̯upukia ntumiwe mweedha kwa mweedha kwa namuna isiyokajeleka kwamba ka mojo. Wamuona na kanena nao dzuu ya Uhaju wa Muungu.