Yohana 18:4 - Pokomo

⁴ Na Yesu, akiwa kamanya yonse yadzeyomupata, kenda kawat̯angera na kawauza kawamba, “Mwakumulachani ga?”

Yohana 18:4 Iomraidhean Croise

Matayo 16:21

D̯ubva hangu hapfo hapfo, Yesu kaḍabva kuwambia hawa wanafund̯iwe wazi wazi dzuu ya mambo yadzeyomuhendekea. Kawamba ni had̯i ende Yerusalemi adzekokuntiswa d̯ina ni hawa wazee na wakohani wakuu pfamodza na waalimu wa Sharia. Kawamba kadzayagwa, ela nsiku ya hahu kadzafufujwa kuyawa kwa wafu.

Matayo 26:2

“Dza mumanyiyevyo, ḅaad̯a ya nsiku mbii inawa ni *Pasaka. Huo huo wakati, mimi *Mwana jwa Ad̯amu nidzaḍawanywa na nipfatsikwe muhini mwa mpatsa.”

Matayo 26:21

D̯ubva wepfowakiḍya, Yesu kamba, “Hachi nyakumwambiani, mumodza jwenu njwakuniḍawanya.”

Matayo 26:31

Wepfofika Murima wa Mizeituni, Yesu kawamba wanafund̯iwe, “Hu huu siku wa yeo, nyonse mujwakunid̯arama. Koro haya matsoro yamba, ‘Namubiga huyu mut̯unga Na hizi mbuzi zinat̯amisaa.’ ”

Luka 24:44

Makisa kawamba, “Haya ndiyo mambo niyomwambia nipfokuwa pfamodza nanywi amaale. Niimwamba, yonse yorejweyo dzuu yangu Shariani mwa Musa, kwa matsoro ya manabii, na kwa chuo cha Zaburi, ni had̯i yat̯imiye.”

Yohana 13:1

Jila ya *Pasaka iwa imaafika hafufi. Na Yesu ewa kamanya ya kwamba wakatiwe wa kunuka humu lumwenguni auje kwa Babajwe wiwa umaafika. Jeje ewa kawatsaka muno hawaḍe weokuwa wakwe humu lumwenguni, na kawayanga matsako mumpaka mwiso.

Yohana 13:11

Yesu ewa kamumanya huyu jwa kudzaamuḍawanye, ndiyo maana eyonena akyamba, “Nywinywi nyonse mu wasafi lamud̯a muntu mumodza t̯u kahi yenu.”

Yohana 18:5

Nao wamwambukuya wamwamba, “Hwakumulachani Yesu jwa Nazareti.” Nae Yesu kawamba, “Ndimi!” Yud̯a nae, huyu amuḍawanyie Yesu, ewa pfamodza na hawa asikari na wamia Hekalu.

Yohana 18:7

Yesu kawauza kawii kawamba, “Mwamba mwakumulachani ga?” Nao wamwambukuya wamwamba, “Hwakumulachani Yesu jwa Nazareti.”

Yohana 19:28

Yesu ewa kamanya ya kwamba kaziye iwa isiya. Na ili kwamba aweze kut̯imiza hivi vya haya matsoro yaneneyevyo, kamba, “Nyakusikiani nchiu.”

Yohana 6:64

Ela wangine wenu ntamudzanihikiza.” Hangu epfoḍabva kaziye, Yesu ewa kawamanya hawaḍe wadzeodziza kumuhikiza na huyuḍe jwa kudzamuḍawanya.

Mahendo 2:28

Kuniyanga njia za maisha, na kwa dzambo ḍya kwamba kwaa pfamodza nami nina tsekea nkuu muno.’

1 Pet̯ero 4:1

D̯ubva, kwa dzambo *Kirist̯o mwenye kakuntiswa d̯ina, ḅasi nanywi pia dziwekeni t̯ayari kukunta d̯ina; koro ikiwa kwamba mwaa t̯ayari kukuntiswa d̯ina kwa dzambo ḍya Kirist̯o, ḅasi muhuna kudzit̯anya na nabvise.