Yohana 18:30 - Pokomo

³⁰ Nao wamwambukuya wamwamba, “T̯ambere huyu muntu andeewa si muntu muzuka, swiswi ntahundemuyeha kwako!”

Yohana 18:30 Iomraidhean Croise

Marko 10:33

Kawamba, “T̯asikiani, humaawa kwendani Yerusalemi. Hukuhukuḍe, mimi *Mwana jwa Ad̯amu nidzaḍawanywa kwa wakohani wakuu na waalimu wa Sharia, nao wadzanihukumu kuyagwa kisa waningize mikononi mwa wantu wa vyeet̯i vingine.

Marko 15:3

Hawa wakohani wakuu wamusit̯aki Yesu na mambo menji na menji.

Luka 24:7

Kamwamba, ‘Ni had̯i *Mwana jwa Ad̯amu angizwe mikononi mwa wanabvise, apfatsikwe na nsiku ya hahu afufuke.’ ”

Yohana 18:29

D̯ubva Pilato, huyu liwali jwa Kirumi, kawayawia huku nze na kawauza kawamba, “Ayu muntu ayu, mwakumusit̯akini na tsowa ga?”

Yohana 18:31

Pilato nae kawamba, “D̯ubva muhwaeni mukamuhukumu nywinywi kuuḅana na hizi *Sharia zenu.” Ela hawa wakuu wa Kiyahud̯i wamwamba, “Swiswi ntahu mamulaka ya kumuhukumu muntu kufwa.”

Yohana 19:12

Hangu hapfo, Pilato kaḍabva kulacha njia ya kumuyatsa Yesu huru. Ela hawa Wayahud̯i wagija kuḅaa madzwi wamba, “Wewe ukimuyatsa huru huyu muntu, nkukwaa ḅamu jwa *Kaisari! Koro kula eyenadzihana kwamba ni haju, kakumupfingani Kaisari.”

Mahendo 3:13

Huyu Muungu jwa wabibi zehu aḍe Iburahimu, Isaka na Yakobo, kamurembosa Yesu, eye muhumisijwe. Mumungiza mikononi mwa wakuu wehu, nanywi mumudziza usoni ya Pilato, hat̯a Pilato epfohuna kumuyatsa huru.

2 Timoteo 2:9

Na kwa dzambo ḍya haya haya Maagu Mema niyonasumwiiya, nyakukuntiswani d̯ina, na ninjia hat̯a kufungwani minyoro dza kwamba niwa muhenda mazuka. Ela chuuwo cha Muungu ntakiwezi kufungwa minyoro.

1 Pet̯ero 4:15

Mukwakukuntiswani d̯ina, ntamu ruhusa ya kukuntiswa d̯ina kwa dzambo ḍya uyaji, wivi, kuvunza sharia, ambu untuntu.