Yohana 18:16 - Pokomo

¹⁶ Ae Pet̯ero kat̯uruma na hapfa langoni. D̯ubva huyuḍe mwanafund̯i yungine, kenda kanena na huyu mwanamuke eyekuwa hapfaḍe langoni amuyatse Pet̯ero anjie humuḍe kuzimu. Nae kamuyatsa kanjia.

Yohana 18:16 Iomraidhean Croise

Matayo 26:69

Hiyo hiyo saa Pet̯ero ewa kakaa chihako hukuḍe uani. D̯ubva kendejwa ni muhumisi mumodza jwa kike na kamuuza kamwamba, “Dzaambia wewe nkwiwa pfamodza na ayuḍe Yesu jwa Galilaya?”

Matayo 27:15

Hizihiziḍe ngera, huyu liwali ewa kabarat̯a kwamba kula jila ya *Pasaka anafunguya mufungwa mumodza akamuyatsa huru. Ela huyu jwa kufungujwa ni had̯i awe kwamba katsanwa ni hawa wantu.

Marko 15:6

Pilato ewa kabarat̯a kwamba kula jila ya *Pasaka, anafunguya mufungwa mumodza atsanijwee ni hawa wantu na akamuyatsa huru.

Luka 23:18

Ela kit̯aro chonse cha wantu waholoka wamba, “Muyage! Muhufungwiiye Baraba!”

Mahendo 12:13

Pet̯ero kahana na hapfa muḍyangoni, na kudza muhumisi mwanamuke eyenahanwa Roda, amufungwiiye hu muḍyango.