Yohana 17:3 - Pokomo

³ Na maisha ya kuunga na yuungo, ni kukumanya wewe wiye Muungu jwa ḍugha wewe heket̯u, pfamodza na kunimanya nami mimi Yesu *Kirist̯o unihumiye.

Yohana 17:3 Iomraidhean Croise

Marko 9:37

“Yuḍejwonse adzeemupfokea mwana kachuchu dza huyu kwa dzambo ḍyangu, kanipfokea mimi. Na yuḍejwonse adzeenipfokea mimi, nkakunipfokea mimi t̯u, ela kamupfokea na huyuḍe anihumiye.”

Luka 9:48

Makisa kawamba, “Yuḍejwonse adzemupfokea huyu mwana kwa dzambo ḍyangu, kanipfokea mimi. Na huyuḍe adzenipfokea mimi kamupfokea huyu anihumiye. Koro awee muchuchu jwa mwiso kahi yenu, ndiye mukuu.”

Yohana 10:36

D̯ubva inawadze kwamba, mimi nikyamba ni Mwana jwa Muungu, mwakunyambani kwamba nyakukufuruni? Baba mwenye ndiye anitsaniye na akinihuma lumwenguni.

Yohana 11:42

Nimanya ya kwamba unakaa na kunisikia kut̯wa. Ela ninena hivi kwa dzambo ḍya hawa wasumamiyeo hapfa, ili wapate kuhikiza kwamba wewe ndiwe unihumiye.”

Yohana 14:26

Ela huyu Mugijiija, yani huyu Ruhu Mudheru jwa Baba adzeyemumuhumia kwa sari ḍyangu, kadzamuyongweeza kula kintu. Jeje kadzamukumbusya hayaḍe yonse nimwambiiyeyo.

Yohana 17:18

Mimi nyakuwahumani lumwenguni dza hivi vyako wewe unihumiyevyo mimi lumwenguni.

Yohana 17:21

Baaba, nyakuwayombeani kwamba wonse wawe kintu kimodza, dza hivi vyangu nawe hwivyo kintu kimodza. Na nyakuwayombeani kwamba wawe kintu kimodza naswi, ili lumwengu jupate kuhikiza kwamba ndiwe unihumiye.

Yohana 17:23

Wewe uwe na uharia nami, nami niwe na uharia nao, nao wapate kuwa kintu kimodza kaḅisa! Ndookomu lumwengu junapata kumanya ya kwamba wewe ndiwe unihumiye na kuwatsaka wanafund̯i wangu dza unitsakiyevyo mimi.

Yohana 17:25

E Baba wiye muhachi, gula lumwengu ntajukudzi, ela mimi nikumanya. Na hawa wanafund̯i wangu wamanya kwamba ndiwe unihumiye.

Yohana 17:8

Hi ḍaamisa uniḍamiyeyo, niiwapfa, nao waipfokea na mikono miwii. Wamanya hakika kwamba mimi niyawa kwako, na wahikiza ya kwamba wewe ndiwe unihumiye.

Yohana 3:17

Muungu nkakumuhuma Mwanawe lumwenguni kudzajuhukumu lumwengu, ela kamuhuma kudzajupfonya.

Yohana 3:34

Huyu ahumijwe ni Muungu anasumwiiya vyuuwo vya Muungu, koro Muungu anamumpa Ruhu jwakwe pfasipfo chima.

Yohana 5:44

Nywinywi mutsaka kushad̯ana nywinywi na nywinywi, na wala ntamulache kushad̯igwa ni huyu eye Muungu jeje heket̯u. Ndiyo maana ntamuwezi kunihikiza mimi.

Yohana 6:57

Huyu Baba eyenapfa wantu maisha ndiye anihumiye, na ndiye eyekunihendezani niishi. Na kwa iyo namuna, kula eyenaniḍya mimi nae pia namuhendeza aishi.

Yohana 7:29

Mimi nimumanya kwa dzambo ḍya kwamba niyawa kwakwe, na ndiye anihumiye.”

Yohana 8:19

Hawa Mafarisayo wamuuza wamwamba, “Ayu babajo kaku?” Yesu kawambukuya kawamba, “Nywinywi ntamunidzi mimi wala Baba. T̯ambere mundeewa munimanya mimi kwamba ni gani, mundeewa mumumanya na Baba pia.”

1 Wakorint̯o 15:34

Dziujeni na nyuma na muyatse kuhenda nabvise. Wangine wenu ntawamudzi Muungu, nami nyakuvimwambiani koro vyaa yutswa.

1 Wakorint̯o 8:4

D̯ubva dzuu ya kuḍya vyakuḍya viyavijwevyo mvuugiya kwa masanamu, ni hidzaa: Humanya ya kwamba sanamu si kija chicho mojo meshi, na humanya ya kwamba kuna Muungu mumodza t̯u.

2 Wakorint̯o 4:6

Huyu Muungu ambiye, “Nakuyangae muyanga humu kizani,” ndiye jeje ahendezeye muyangawe uhuyangaiye myojoni mwehu. Hu muyanga unahupfa kuyamanya haya marembo ya Muungu, yeyonayangaa humu usoni mwa Kirist̯o.

Wafilipi 3:10

Nichokutsakani t̯u ni kugija kumumanya Kirist̯o zaid̯i na zaid̯i, na nizione hizi nguvu zimufufwiiyezo. Na nya t̯ayari kukunta d̯ina kut̯wa dza viviḍe akuntisijwevyo d̯ina, na hat̯a nifwe kwa dzambo ḍyakwe dza viviḍe afwiyevyo kwa dzambo ḍyangu.

Wafilipi 3:8

Gula si hayo t̯u, ela kula kintu nakiona dza hansara ntupfu kwa kwamba natsaka kumumanya Kirist̯o Yesu Ḅwana jwangu, dzambo ḍiiḍyo na thamani kuchia mambo yangine yonse. Nikuḅali kujibat̯a kula kintu kwa dzambo ḍyakwe, koro hayo hayo yonse niyaona kwamba ni kinyenye ili niweze kumupata Kirist̯o.

1 Watesalonike 1:9

Hao wantu wonse hao, wakunenani namuna muhukaraḅishiyevyo urembo hwipfokudza kwenu. Na wakunenani na namuna muyatsiyevyo kuyomba miungu ya masanamu mukimuperukia huyu Muungu jwa ḍugha eye mojo.

2 Watesalonike 1:8

wakiwa waringwa ni maḅiliḅili ya moho. Kadzawahukumu hawaḍe wonse wasiomumanya Muungu na weonayadziza haya *Maagu Mema ya Ḅwana jwehu Yesu.

Waeburania 3:1

D̯ubva nywinywi wandugu zangu watsakwa, muhanijweo ni Muungu na mwiwo wantuwe, muyoweni Yesu. Jeje ndiye huyu *ntumi na *Mukohani Mukuu jwa hi faro yehu hwiyonat̯ima.

2 Pet̯ero 1:2

Muungu namuvodhye zaid̯i na zaid̯i na kumumpa naghea nto kwa kwamba mumumanya jeje na Ḅwana jwehu Yesu.

2 Pet̯ero 1:3

Kwa uwezo wa Muungu amumpiyeo, Yesu kahupfa kula kintu hwichonamala kuwa nacho ili huweze kuishi maisha ya udheru. Kavihupfa kuchiiya na kwa kumumanya jeje ahuhaniye huwe na maremboye na wemawe.

2 Pet̯ero 1:8

Ndookomu haya haya yonse yakimudzaa, munawa wantu wa kumuhendea Muungu kazi nyema, na maisha yenu yanamuvyaiya Muungu matunda mema, huku mukigija kumumanya Ḅwana jwehu Yesu Kirist̯o zaid̯i na zaid̯i.

1 Yohana 1:2

Kayanganywa kwehu, naswi humuona. Ewapfo pfamodza na Baba jwehu na humumanyiswa. Ndookomu hwakuvimushuhuḍiani nywinywi na kumusumwiiya dzuu yakwe jeje eyenapfa wantu maisha ya kuunga na yuungo.

1 Yohana 1:3

Na haya huoneyeyo na kusikia, hwakuyamusumwiiyani nanywi. Hwakuyamusumwiiyani mupate kuwa wamodza naswi hariani mwa Baba na Mwanawe Yesu *Kirist̯o.

1 Yohana 2:23

Yuḍejwonse amukaniye huyu Mwana, kamukana na huyu Baba pia. Na yuḍejwonse amukuḅaliye huyu Mwana, kamukuḅali na huyu Baba.

1 Yohana 4:6

Ela swiswi hu wantu wa Muungu. Na yuḍejwonse amumanyiye Muungu anahupfindiiya. Na yuḍejwonse asikwaa muntu jwa Muungu nkahusikiiye. D̯ubva, kwe hi namuna, hunamanya ugaragara kahi ya Ruhu jwa hachi na ruhu jwa nsuwe.

1 Yohana 5:20

Na pia humanya ya kwamba huyu Mwana jwa Muungu kadza, na kahupfa kuimuka hupate kumumanya huyu Muungu jwa ḍugha. Naswi hwakuishini kuzimuni mwa huyu Muungu jwa ḍugha, koro hwaa kuzimuni mwa huyu Mwanawe, Yesu Kirist̯o. Na huyu ndiye huyu Muungu jwa ḍugha na ndiye eye na haya maisha ya kuunga na yuungo.