Yohana 16:8 - Pokomo

⁸ Na adzepfokudza, kadzajuyanga huju lumwengu hi ya hachi dzuu ya nabvise, na dzuu ya kut̯alijwa hachi usoni kwa Muungu na dzuu ya hukumu.

Yohana 16:8 Iomraidhean Croise

Yohana 16:7

Ela hachi nyakumwambiani, kugonzowa kwangu ni kwa faiḍa yenu nywinywi. Koro nikitsagonzowa, huyu Mugijiija nkawezi kudza kwenu. Ela nikigonzowa, namuhuma adze kwenu.

Yohana 16:9

Huyu Ruhu kadzajuyanga lumwengu kwamba, nabvise yao ni hivi wadziziyevyo kunihikiza mimi.

Yohana 8:46

Ni ga kahi yenu eyenaweza kuyanga kwamba mimi nihenda nabvise iḍeyonse? Haya, ninkimaawa kumwambiani hi ya hachi, kut̯i ntamut̯aki kuhikiza hivi nivyokumwambiani?

Yohana 8:9

Hawa wantu kudzasikia hivi vya Yesu aneneyevyo, waḍabva kunuka mumodza mumodza. Kuḍabva kunuka hawa wantu wakuu nguzi, mumpaka mwiso kuhafa Yesu na huyuḍe muke t̯u.

Mahendo 2:37

Hawa wantu wepfosikia hivi, wanjijwa ni muhangaiko mukuu wa myojo. Ndookomu wamuuza Pet̯ero na hawa ntumi wangine, wawamba, “Ndugu zehu, huhendedze?”

1 Wakorint̯o 14:24

Ela kukidza muntu asiyedzahikiza ambu muntu jwa kawaiḍa akiona kula muntu kakusumwiiyani maagu ya Muungu, haya adzeyosikia yanamumpa kudzihambuya nabviseze na anadzisikia kuhukumika.

Yud̯a 1:15

Kakudzani kuwahukumu wantu wonse weo lumwenguni. Kadzawahukumu wanabvise wonse wasiomumanya Muungu. Kadzawahukumu kwa dzambo ḍya haya mahendo yao mazuka yonse wahendeyeo pfasipfo hat̯a kumushooga Muungu. Na pia kadzawahukumu kwa dzambo ḍya hivi vyuuwo vizuka vizuka vyonse vya hawa hawa wantu waneneyevyo dzuu ya Muungu.”