Yohana 16:22 - Pokomo

²² Na hat̯a nanywi, hi hii saasambi muna masikit̯iko. Ela nidzamuona kawii na mudzawa na tsekea muno, na wala ntakuwe jwa kuimutsovya hiyo hiyo tsekea.

Yohana 16:22 Iomraidhean Croise

Matayo 28:8

D̯ubva hawa wake wanjijwa ni oga na tsekea nyinji. Wayawa na humuḍe mbeerani waḍabva kud̯arama kwenda wakawambiye hawa wanafund̯i wa Yesu.

Luka 10:42

lamud̯a modza t̯u, ḍinamala kukumud̯a. Maria kadzitsania dzambo dzema, ḍisiḍyoweza kunujwa kwakwe.”

Luka 16:25

Ela Iburahimu kamwamba, ‘Mwanangu, kumbuka kwamba wewe kupfegwa memayo yonse maishani mwako, huku Lazaro akipata mazuka menji. Ela sasa jeje kakuingamazwani huku awe ukioneswa tsungu.

Luka 19:26

Nae kawamba, ‘Hachi nyakumwambiani, huyuḍe eye na kintu na akikitumia, huyo anakwongezejwa. Ela huyuḍe asikintu na akitsaawa muhikizika, ḅasi hat̯a hakaḍe kachuchu ekonako anakapfokwa.

Luka 24:41

Ela amaale ntawakuhikiza kwa tsekea na kimako wechokuwa nacho. Ndookomu kawauza kawamba, “Muna kantu kaḍekonse hapfa hapfa?”

Yohana 14:1

Yesu kanena na wanafund̯iwe kawamba, “Namutsesukusika myojo! Nywinywi muserefat̯eni Muungu na muniserefat̯e nami.

Yohana 14:19

Ḅaad̯a ya kit̯emo kifufi chichokudzani, huju lumwengu ntajukudzaniona kawii, ela nywinywi mudzaniona. Na kwa dzambo ḍya kwamba nawa nya mojo kawii, nanywi pia mudzawa mojo.

Yohana 14:27

Nichokumuyatsiani ni naghea ya myojo. Na hi hii naghea niyonamumpa mimi siyo hi naghea ya lumwengu iyonaweza kumumpa. D̯ubva namutsesukusika myojo na wala namutseewa na oga.

Yohana 16:16

Yesu kagija kunena na wanafund̯iwe kawamba, “Ḅaad̯a ya muḍa ntamukudzaniona, ela ḅaad̯a ya kit̯emo kifufi mudzaniona kawii.”

Yohana 16:20

Hachi nyakumwambiani, mudzaiya na kusikit̯ika, ela lumwengu judzatsekea. Mudzasikit̯ika, ela sikit̯iko ḍyenu ḍidzaperuka ḍiwe tsekea.

Yohana 16:6

Nywinywi mukaiya kusikit̯ika t̯u kwa dzambo ḍya hivi nimwambiiyevyo.

Yohana 21:7

Makisa huyuḍe mwanafund̯i jwa Yesu amutsakiyee muno kamwamba Pet̯ero, “Huyu aneneye naswi ni Ḅwana!” Simioni Pet̯ero kudzasikia hivi, kaidzifwecha hi nkanzuye kwa kwamba ndiyo eyovwaa t̯u, na katsumpa humu madzini.

Yohana 4:14

Ela eyenanwa haya madzi niyonapfa wantu, nkagijwe ni nchiu kawii meshi. Haya madzi yanawa dza tsana iyokuvuhani kuzimuni mwakwe iyonamumpa maisha ya kuunga na yuungo.”

Mahendo 13:52

Hawa Wanafund̯i weokuwa Antiokia wewa wadzajwa ni Ruhu Mudheru na wewa na tsekea nkuu.

Mahendo 16:25

Hafufi na siku kahi, Paulo na Sila wewa kuyombani na kumushad̯a Muungu na meya. Ao hawa wafungwa wangine wekiwasikiiya.

Mahendo 2:46

Kula nsiku wekitsanganika pfamodza Hekaluni. Ela wekikaa na kuḍya pfamodza madzumbani mwao. Wetsakana, na wekiḍya hicho chakuḍya na tsekea.

Mahendo 5:41

Hawa ntumi wanuka hapfaḍe gasani wakiwa na tsekea nkuu, ya kwamba Muungu kawatsana wakuntiswe d̯ina kwa dzambo ḍya sari ḍya Yesu.

2 Wakorint̯o 6:10

Hat̯a hukingizwa ngiru, tsekea yehu ntaihuyawe kut̯wa. Hunahwajwa dza wantu masikini, ela hunahendeza wantu wenji kuwa majabva wa kiruhu. Hunahwajwa dza wantu husiwo na kiḍechonse na huku huna kula kintu cha kiruhu.

2 Watesalonike 2:16

Swiswi hwakumuyombeani kwamba, Ḅwana jwehu Yesu Kirist̯o na Muungu Baba jwehu wamungize mojo na kumumpa nguvu, mugije kunena na kuhenda mema. Koro kwa dzambo ḍya kwamba Muungu kahutsaka, kahufwiya t̯ei isiyosia na kahupfa madzikwat̯yo mema ya kudzaishi nae.

Waeburania 10:34

Nywinywi muwafwiya t̯ei wafungwa. Na hat̯a vija vyenu vipfohwajwa na nguvu nywinywi mudzikaiya na tsekea, maanaye mwimanya kwamba muna nkandi ya maana iyonakaa maishi.

Waeburania 6:18

D̯ubva haya mambo mowii haya, yani ahad̯i ya Muungu na kuyapfa kwakwe, ntakuwezi kuperuka, koro Muungu nkanene nsuwe. Ndookomu swiswi hud̯aramiyeo kwakwe ili huwe salama, hi ahad̯i yakwe inahungiza mojo muno huyagije haya madzikwat̯yo ahupfiyeyo.

1 Pet̯ero 1:8

Ingawa ntamukumuona Yesu na matso, mumutsaka. Na ingawa hi hii saasambi ntamukwakumuonani, mumuhikiza. Mwakutsekeani na tsaiko kuu muno, ḍisiḍyoweza hat̯a kuneneka,