Yohana 14:6 - Pokomo

⁶ Yesu kamwamba, “Mimi ndimi njia, ndimi hachi na ndimi niyenawapfa wantu maisha ya kuunga na yuungo. Muntu nkawezi kwenda kwa Baba pfasipfo kuchiiya na kwangu.

Yohana 14:6 Iomraidhean Croise

Matayo 11:27

Makisa Yesu kamba, “Baba kanimpa mawezo dzuu ya kula kintu. Ntaku yuḍejwonse amumanyiye huyu Mwana, lamud̯a Baba jeje heket̯u. Na ntaku yuḍejwonse amumanyiye huyu Baba lamud̯a huyu Mwana na hawaḍe wonse wa huyu Mwana atsaniyeo kumuyanganya huyu Baba kwao.”

Yohana 1:14

Huyu eyeakihanwa Chuuwo kawa mwanaad̯amu na kaishi kahi yehu. Huuona uwezowe mukuu, yani uwezo eo nao dza Mwana jeje heket̯u jwa huyu Baba. Kahuyanga winji wa matsakoye kwehu na kahupfa kumanya kula kintu dzuu ya Muungu.

Yohana 1:17

Muungu kaiyavya hi *Sharia kuchiiya na kwa Musa, ela matsakoye na kula kintu dzuuye kachiyanga kuchiiya na kwa Yesu *Kirist̯o.

Yohana 1:4

Jeje ndiḍyo sina ḍya maisha yonse. Na haya haya maisha yamumpa mwanaad̯amu muyanga we hachi.

Yohana 10:28

Weo wangu nawapfa maisha ya kuunga na yuungo na ntawawezi kwaara. Ntaku yuḍejwonse adzeeweza kuwanipfoka kuyawa mikononi mwangu.

Yohana 10:7

D̯ubva Yesu kaḍabva kunena nao kawii kawamba, “Hachi nyakumwambiani, mimi ndimi hu muḍyango wa hizi mbuzi wa kunjiiya na kuyawiya.

Yohana 10:9

Mimi ndimi hu muḍyango wa kunjiiya. Hawaḍe weonanjia zizini kuchiiya na kwangu wanapfona. Wananjia na kuyawa, na kula wepfonakwenda wanapata chakuḍya.

Yohana 14:19

Ḅaad̯a ya kit̯emo kifufi chichokudzani, huju lumwengu ntajukudzaniona kawii, ela nywinywi mudzaniona. Na kwa dzambo ḍya kwamba nawa nya mojo kawii, nanywi pia mudzawa mojo.

Yohana 15:1

Yesu kagija kunena na wanafund̯iwe kawamba, “Mimi ndimi muzabibu wa ḍugha, na Baba ndiye mwenye hi nkonde.

Yohana 18:37

Nae Pilato kamuuza kamwamba, “Kwa hivyo wewe u haju?” Yesu kamwambukuya kamwamba, “Wewe kuvinena na kanwako mwenye! Mimi nidza nivyajwa lumwenguni niisumwiiye hi hachi. Na kula aitsakiye hi hachi, ananisikia.”

Yohana 5:21

Na dza hiviḍe vya huyu Baba evyonawafufuya wafu akawapfa maisha, huyu Mwana nae pia anawapfa maisha hawaḍe atsaniyeo.

Yohana 6:33

Na hichi chakuḍya haswa cha Muungu echokumumpani, ni huyu asukiye kuyawa mbinguni eyenawapfa maisha wantu wa huju lumwengu.”

Yohana 6:51

Mimi ndimi hichi chakuḍya kiyawiyecho mbinguni, chichonapfa wantu maisha. Kula eyenaḍya hichi hichi chakuḍya anakaa mojo maishi. Hichi hichi chakuḍya ni hu mwii wangu, nidzeouyavya kwa dzambo ḍya kujupfa maisha huju lumwengu.”

Yohana 6:57

Huyu Baba eyenapfa wantu maisha ndiye anihumiye, na ndiye eyekunihendezani niishi. Na kwa iyo namuna, kula eyenaniḍya mimi nae pia namuhendeza aishi.

Yohana 6:68

Ela Simioni Pet̯ero kamwambukuya kamwamba, “Ḅwana, hunanuka hunakwenda kwa ga? Wewe ndiwe wiye na vyuuwo vivyonapfa wantu maisha ya kuunga na yuungo.

Yohana 8:32

Munaimanya hi hachi ne hachi nayo inamuweka huru.”

Yohana 8:51

Hachi nyakumwambiani, kula eyenagija haya mayongweezo yangu nkawezi kufwa meshi!”

Mahendo 3:15

Ndookomu mumuyaga huyu jwa kuyanga wantu maisha kindindi. Ela Muungu kamufufuya kuyawa kwa wafu. Naswi haya huyaona na matso yehu wenye.

Mahendo 4:12

Mupfonyo ntaupatikane kwa yuḍejwonse yungine lamud̯a kwakwe jeje heket̯u. Koro lumwengu yuzima, ntaku yuḍejwonse yungine jwa Muungu ayavize sariḍye kuwa Mupfonyo wehu.”

Mahendo 9:2

na kayomba ḅaruwa za umanyizo kwa masunagogi yeyo Damasiko. Kahenda hivi ili kwamba akiona muhikiza yuḍejwonse jwa Njia ya Ḅwana hukuḍe, akiwa muke ambu muyume, amugije na auje nae Yerusalemi.

Warumi 15:16

kanimpa hi hii kazi ya kuwa muhumisi jwa Kirist̯o Yesu, kuwahumikia wantu wasikwaa Wayahud̯i. Nami nikwakusumwiiyani haya *Maagu Mema ya Muungu, nawa kwamba nyakuhendani kazi ya kikohani. Nahenda hivi ili wantu wa vyeet̯i vingine nao wakuḅalike usoni kwa Muungu, dza hiviḍe vya Muungu evyonakuḅali mvuugiya ya kutsomwa iyonayavigwa ni *mukohani. Na Muungu anawapfa Ruhu Mudheru jwa kukaa kuzimuni mwao na kuwadheresa.

Warumi 5:2

Kirist̯o kahupfa njia ya kuifikia hi hii t̯ei ya Muungu huipatiyeyo hi hii saasambi kwa dzambo ḍya faro zehu. Ndookomu naswi hunatsekea kwa haya madzikwat̯yo hwiyonayo, ya kwamba Muungu kadzahungiza maremboni mwakwe.

Warumi 5:21

Cha mwiso ni kwamba kae nabvise iwa ijut̯awala lumwengu kwa kuwangiza wantu kufwani. Ela sasa hi t̯ei ya Muungu ndiyo iyokuhut̯awalani kwa kuhuhendeza kuwa wahachi usoni kwa Muungu na kuhupfa maisha ya kuunga na yuungo. Na hivi hunavipata kuchiiya na kwa kumuhikiza Ḅwana jwehu Yesu Kirist̯o.

1 Wakorint̯o 15:45

Koro haya matsoro yamba, “Huyu muntu jwa d̯ura, yani Ad̯amu, kawa kiumbe chicho mojo.” Ela huyu Ad̯amu jwa mwiso, ndiye huyu Ruhu eyenawapfa wantu maisha ya kuunga na yuungo.

Waefeso 2:18

Na kwa dzambo ḍya hivi vya Kirist̯o ahendeyevyo, hwonse hupata njia ya kumwendea Muungu Baba jwehu, hukigijiijwa ni yuyo Ruhu mumodza.

Wakolosai 2:17

Haya haya ni masharia yeyowekejwa Wayahud̯i, kuwaimusya d̯ura haya ya Kirist̯o adzeyowahendea. Na kwa dzambo Kirist̯o kamakudza, ntaku haḍya ya kuuḅa haya masharia kawii.

Wakolosai 2:9

Koro Kirist̯o ana umuungu wonse wiwokuishini kuzimuni mwa mwii wa kiwanaad̯amu.

Wakolosai 3:4

Na jeje Kirist̯o, ahupfiye haya maisha mapfya, adzepfokudza lumwenguni, hwonse hudzawa pfamodza nae na hudzawa na marembo dzae.

Waeburania 7:25

Ndookomu jeje anaweza kuwapfonya kut̯wa hawaḍe wonse weonamwendea Muungu kuchiiya kwakwe, kwa kwamba jeje anakaa maishi kuwayombea kwa Muungu.

Waeburania 9:8

Na kuyawana na hayo yonse, huyu Ruhu Mudheru kakuyangani kwamba, chima cha hiḍi hema ḍya ḍamano ḍya kae ḍivyokutumikani, ndivyo vya hi njia ya kunjiiya hapfa Pfantu Pfadheru pfa Mwiso ikaiyevyo dza kwamba ifungwa.

1 Pet̯ero 1:21

Na kuchiiya na kwa Kirist̯o, mumuserefat̯a Muungu. Jeje ndiye amufufwiiye Kirist̯o kuyawa kwa wafu akimumpa marembo, ili nanywi muwe na faro na madzikwat̯yo kwa Muungu.

1 Pet̯ero 2:4

*Kirist̯o ka dza iwe muhimu ḍya mwiso ḍya kumbakia *Hekalu ya Muungu. Katsanigwa dza iwe ḍya thamani ḍya kumbakia ela wantu waḍidziza. Kenge nywinywi nzoni kwakwe.

1 Pet̯ero 3:18

Koro Kirist̯o mwenye, kafwa mweedha mumodza t̯u kwa dzambo ḍya wanabvise. Jeje eye muhachi kafwa kwa dzambo ḍya wantu wasikwaa wahachi. Kahenda hivi ili aweze kumuyeha kwa Muungu. Wamuyaga hu mwii, ela kafufuka, na ruhuye yaa mojo.

1 Yohana 1:8

Hukyamba ntahu nabvise, hwakudzikulanikulani, ne hachi ya Muungu ntaipfo myojoni mwehu.

1 Yohana 2:23

Yuḍejwonse amukaniye huyu Mwana, kamukana na huyu Baba pia. Na yuḍejwonse amukuḅaliye huyu Mwana, kamukuḅali na huyu Baba.

1 Yohana 5:20

Na pia humanya ya kwamba huyu Mwana jwa Muungu kadza, na kahupfa kuimuka hupate kumumanya huyu Muungu jwa ḍugha. Naswi hwakuishini kuzimuni mwa huyu Muungu jwa ḍugha, koro hwaa kuzimuni mwa huyu Mwanawe, Yesu Kirist̯o. Na huyu ndiye huyu Muungu jwa ḍugha na ndiye eye na haya maisha ya kuunga na yuungo.

1 Yohana 5:6

Yesu *Kirist̯o mwenye ndiye adziye. Kadza kat̯opyegwa na madzi, na keha mwaziwe na kafwa. Na nkakut̯opyegwa t̯u, ela kat̯opyegwa na keha mwaziwe, kafwa. Na huyu Ruhu mwenye kashuhuḍia ya kwamba haya haya ni ḍugha, koro huyu Ruhu nkanene nsuwe.

2 Yohana 1:9

Yuḍejwonse eyenayawa nze ya mayongweezo ya Kirist̯o, akavuka mimpaka, huyo nka haria na Muungu. Ela yuḍejwonse eyenakaa kuzimuni mwa haya mayongweezo, ana haria na huyu Baba na huyu Mwana.

Upfenuo wa Yohana 19:11

Kisa niziona hizi mbingu zipfenuka, na niona farasi dzeupe. Huyuḍe aḍipfaiye anahanwa Muhikizika na jwa Ḍugha. Jeje anahukumu na kujwana viha na njia ya hachi.

Upfenuo wa Yohana 20:15

Na yuḍejwonse asiyekworegwa sariḍye kuzimuni mwa Chuo cha maisha, huyo kafat̯ulwa humuḍe mwa hiḍi ziwa ḍya moho.

Upfenuo wa Yohana 22:1

Kisa huyuḍe malaika kaniyanga tsana iyo na madzi masafi yeyonapfa wantu maisha ya kuunga na yuungo. Haya madzi yewa meupe pee, na yekingara dza kiyoo. Hi tsana iyawa na hapfaḍe pfe kiti cha kihaju cha Muungu na huyu Mwana Mbuzi.

Upfenuo wa Yohana 22:17

Huyu Ruhu na huyu Ḅiḅi Harusi wamba, “Nzoo!” Na yuḍejwonse avisikiiye hivi hivi nambe, “Nzoo!” Yuḍejwonse eye na nchiu nadze! Atsakiye madzi yeyonapfa wantu maisha yasiyosia, nadze anwe ḅure!

Upfenuo wa Yohana 3:14

Yesu kagija kunena nami kanyamba, “Kwa huyu malaika jwa tsanganiko ḍya Laodekia, mworeye umwambe, ‘Huyu eyenahanwa Amina, eye shaahiḍi muhikizika jwe hachi na ambaye kula kintu kiumbwa kuchiiya na kwakwe, kamba hivi:

Upfenuo wa Yohana 3:7

Kisa huyu eyekuwa dza Mwana jwa Ad̯amu kanyamba, “Kwa huyu malaika jwa tsanganiko ḍya Filadelifia, mworeye umwambe, ‘Huyu eye Mudheru na Muhikizika, eye na yufunguo jwa D̯aud̯i na ambaye kwamba akifunguya muḍyango ntaku eyenaweza kuufunga na akifunga muḍyango ntaku eyenaweza kuufunguya, kamba hivi: