Yohana 14:27 - Pokomo

²⁷ Nichokumuyatsiani ni naghea ya myojo. Na hi hii naghea niyonamumpa mimi siyo hi naghea ya lumwengu iyonaweza kumumpa. D̯ubva namutsesukusika myojo na wala namutseewa na oga.

Yohana 14:27 Iomraidhean Croise

Matayo 10:26

Ndookomu namutseshooga, koro ngera zakudzani ambapfo kula kifinikizijwecho kidzapfenujwa wekeani, na kula kifitsijwecho kidzamanyikana.

Luka 1:79

Ḍiwayangaiye wantu wonse, waringijweo ni kiza cha kufwa, ili ahuyongowe kwiko machiyo ya naghea.”

Luka 10:5

Mukinjia nyumba ya muntu, d̯ura ambani, ‘Nyumba hii naiwe na naghea.’

Luka 12:4

Yesu kongeza kunena kamba, “Hachi nyakumwambiani waḅamu zangu, namutsewashooga hawaḍe weonaweza kumuyaga mii ḅasi na hali ntawa uwezo dzuu ya ruhu zenu.

Luka 2:14

“Shad̯u nza Muungu awee dzuu mbinguni, na naghea iwe lumwenguni, kwa wantu atsakizijweo nao!”

Yohana 14:1

Yesu kanena na wanafund̯iwe kawamba, “Namutsesukusika myojo! Nywinywi muserefat̯eni Muungu na muniserefat̯e nami.

Yohana 16:33

Nimwambia haya haya mambo yonse, ili mupate kuingamaa myojo kwa dzambo ḍya kuwa na uharia nami. Gula huju lumwengu junamukuntisa d̯ina, ela namutseefwa mojo, mimi nijushinda lumwengu.”

Yohana 20:19

Hihiiḍe nsiku ya d̯ura ya ḍyuma na mioro, wanafund̯i wa Yesu wewa watsanganika pfantu pfamodza. Hi miḍyango yonse ya hapfa wepfokuwa iwa ifungwa-fungwa kwa dzambo ḍya kuwashooga wakuu wa Wayahud̯i. Ḅwikira, Yesu kasumama kahi yao na kawamba, “Naghea iwe nanywi.”

Yohana 20:21

Kisa Yesu kawambia kawii, “Naghea iwe nanywi. Mimi nyakumuhumani nywinywi lumwenguni dza vya Baba evyonihuma mimi.”

Yohana 20:26

Ipfofika hiḍe nsiku ya ḍyuma ingine, hawa wanafund̯i wewa watsanganika pfamodza kawii. Na hi hii buwa Tomasi nae ewa yupfo. Hi miḍyango iwa ifungwa-fungwa, ela ḅwikira, Yesu kasumama kahi yao na kawamba, “Naghea iwe nanywi.”

Mahendo 10:36

Hii ndiyo ḍaamisa ya Muungu apfiikiiyeyo wantu wa Isiraeli, akisumwiiya *Maagu Mema ya naghea kuchiiya kwa Yesu *Kirist̯o, eye Ḅwana jwa wantu wonse.

Mahendo 18:9

Nsiku modza nasiku, Ḅwana kanena na Paulo nzozini kamwamba, “Nkudzoshooge! Gija kusumwiiya pfasipfo kufwa mojo,

Warumi 1:7

Ndookomu nyakumworeani nywinywi wantu wonse mwiwo Rumi. Nywinywi mu wantu mutsakijweo ni Muungu na akimuhana muwe wantuwe wadheru. Muungu Baba na Ḅwana jwehu Yesu Kirist̯o nawamuvodhye na kumumpa naghea nto.

Warumi 15:13

D̯ubva Muungu eyenamumpa madzikwat̯yo, namudzaze tsekea na kumumpa naghea muno huku mukigija kumuserefat̯a jeje. Na kwehii njia munagija kuwa na madzikwat̯yo makuu kwa nguvu za huyu Ruhu Mudheru huku mukiindiya kut̯imizwa kwa hizi ahad̯i za Muungu.

Warumi 5:1

Na kwa kwamba Muungu anahuhwaa kuwa wahachi usoni kwakwe kwa dzambo ḍya faro zehu, ḅasi huna naghea na Muungu kuchiiya na kwa Ḅwana jwehu Yesu *Kirist̯o.

Warumi 5:10

Hivi hivi huna uhakika navyo kwa dzambo ḍya kwamba hwipfokuwa nyabva na Muungu, hupatanishwa nae kawii kuchiiya na kwa hichi kifo cha huyu Mwanawe. Na sasa hukimapatanishwa na Muungu, ḅasi huna uhakika kwamba hunapfonywa, koro huyu Mwanawe ka mojo.

Warumi 8:6

Huyuḍe eyenaiyatsa hi akili yakwe ikat̯aria mambo ya kimwii, anadziyeheya kufwa. Ela huyuḍe eyenadziyatsia kuyongojwa ni huyu Ruhu jwa Muungu, Muungu anamumpa maisha mapfya na naghea.

1 Wakorint̯o 1:3

Muungu Baba na Ḅwana jwehu Yesu Kirist̯o nawamuvodhye na kumumpa naghea nto.

Wagalatia 5:22

Ela huyu Ruhu anavyaza myojoni mwa wantu haya mambo haya: matsako, tsekea, naghea, kuit̯isa, ubalicha, wema, kuhikizika,

Wagalatia 6:16

Na naghea na mvoni za Muungu naziwe kwa hawaḍe wonse wadzeovigija hivi vyuuwo, koro wao ni wantu wa Muungu ḍugha.

Wafilipi 4:7

Ndookomu hi naghea ya Muungu husiyoiimuka na mama za kiwanaad̯amu, inamuingamaza. Kwa njia ya hi hii naghea, *Kirist̯o Yesu anagija kumut̯awala myojo yenu na akili zenu.

Wakolosai 1:20

Na kwa dzambo ḍya hu mwazi wa Kirist̯o uhikiyeo hapfaḍe muhini mwa mpatsa epfoyagwa, Muungu kangiza naghea kahi yakwe na kula kintu kiumbijwecho, chicho mbinguni na lumwenguni.

Wakolosai 3:15

Kula mumodza jwenu ni dza kiiriiri cha hu mwii wa Kirist̯o, na Muungu kamutsana muwe wantuwe na mupate kukaiyana na naghea. D̯ubva hi myojo yenu nait̯awaligwe ni hi naghea ya Kirist̯o amumpiyeyo, na meshi muwe wantu wa kumuyaviza ḍuḍa Muungu.

2 Watesalonike 1:2

Muungu Baba na Ḅwana jwehu Yesu Kirist̯o nawamuvodhye na kumumpa naghea nto.

2 Watesalonike 3:16

Hwakumuyombeani ili Ḅwana jwehu eyenahupfa naghea, amumpe naghea kut̯wa kwa kula namuna. Ḅwana nawe nanywi nyonse.

2 Timoteo 1:7

Koro Muungu nkakuhupfa Ruhu jwa woga hat̯a. Jeje kahupfa Ruhu jwa kuhungiza nguvu na eyenahupfa matsako na kuhupfa kudzimiza hutsehenda mazuka.

Waeburania 13:20

Muungu ndiye amufufwiiye Ḅwana jwehu Yesu, eye Mut̯ikisa Mukuu jwa hizi mbuzi. Jeje ni mut̯ikisa mukuu kwa dzambo ḍya kudziyavya kwakwe dza mvuugiya akifwa. Hu mwaziwe uwa ndiwo mwazi wa hiḍi ḍamano ḍya maishi kahi ya Muungu na wanaad̯amu.

Waeburania 7:2

Iburahimu kamumpa Melekized̯eki fungu ḍya kumi ḍya hiviḍe vija vyonse ahekeyevyo vihani. Maana ya Melekized̯eki ni “Haju jwa hachi.” Na pia haju jwa Salemi maanaye ni “Haju jwa Naghea.”

Upfenuo wa Yohana 1:4

Mimi Yohana, nyakumworeani nywinywi wantu wa matsanganiko mofungahe yeyo ḍyimbo ḍya Asia. Huyu eyekuwapfo, eyepfo na adzeyekudza, pfamodza na hizi ruhu mfungahe zizonasumama usoni ya kitiche cha kihaju na Yesu Kirist̯o eye shaahiḍi jwa kuhikizika, nawamuvodhye na kumumpa naghea nto. Yesu Kirist̯o ndiye jwa d̯ura afufukie kuyawa kwa wafu na akiwa Haju jwa mahaju yonse ya humu lumwenguni. Jeje kahutsaka na kahuweka huru kuyawana na nabvise kwa kwiha mwaziwe.

Upfenuo wa Yohana 2:10

Mudzakuntiswa d̯ina zaid̯i na zaid̯i mahafufini. Ela namutseshooga. T̯asikiani, Shaat̯ani njwakumuyehea maḍemo ya kuhendeza wangine wenu wangizwe magerenzani. Munawa d̯inani kwa muḍa wa nsiku kumi. Nywinywi hat̯a ni kufwa fwani, ela namutseiyekeza faro yenu. Nami namumpa t̯ubvo ḍya maisha ya kuunga na yuungo.

Upfenuo wa Yohana 21:8

Ela woga, wasiohikiza, wantu weonahenda mambo machafu machafu, wayaji, waḅari, watsawi, weonayomba masanamu na wansuwe wonse, hukumu yao wadzafat̯ulwa humuḍe mwa hiḍi ziwa ḍiḍyonawaka moho wa maḅiliḅili. Na huko ndiko kufwa kwa pfii.”