Yohana 14:13 - Pokomo

¹³ Nywinywi yombani kiḍechonse kwa sari ḍyangu, nami nachimuhendea. Na kwehii namuna Baba anapata kumanyikana namuna aivyo mukuu kuchiiya na kwa huyu Mwanawe.

Yohana 14:13 Iomraidhean Croise

Matayo 21:22

Ndookomu mukiwa na faro, mukiyomba ḍiḍeḍyonse, Muungu anaḍimuhendea.”

Matayo 7:7

Yesu kawayongweeza wanafund̯iwe kawamba, “Yombani nanywi munapfegwa. Lachani nanywi munaona, gongani nanywi munafungwiijwa muḍyango.

Marko 11:24

Ndiyo maana nyakumwambiani kwamba, kiḍechonse mwichonayomba, hikizani kwamba mwisakukipfokea, nacho munakipata ḍugha.

Luka 11:9

D̯ubva nyakumwambiani, yombani nanywi munapfegwa. Lachani nanywi munaona, gongani nanywi munafungwiijwa muḍyango.

Yohana 10:30

Mimi na Baba hu kintu kimodza.”

Yohana 12:44

Kisa Yesu kanena na idzwi kuu kamba, “Ikiwa kwamba muntu kanihikiza mimi, nkakunihikiza mimi t̯u, ela kamuhikiza hat̯a huyuḍe anihumiye.

Yohana 13:31

Yud̯a epfonuka t̯u, Yesu kamba, “Ngera yangu mimi *Mwana jwa Ad̯amu ya kumanyikana ukuu wangu imaafika. Na kuchiiya na kwangu mimi, Muungu anamanyikana namuna aivyo mukuu.

Yohana 14:14

Ndookomu mukiyomba kiḍechonse kwa sari ḍyangu, mimi nachimuhendea.”

Yohana 14:6

Yesu kamwamba, “Mimi ndimi njia, ndimi hachi na ndimi niyenawapfa wantu maisha ya kuunga na yuungo. Muntu nkawezi kwenda kwa Baba pfasipfo kuchiiya na kwangu.

Yohana 15:16

Nywinywi sinywi munitsaniyeo, ela mimi ndimi nimutsaniyee nywinywi. Na nimuhuma mwende mukavyae matunda yadzeyoonekana, ili kwamba mukimuyomba Baba kiḍechonse kwa sari ḍyangu, anakimumpa.

Yohana 15:7

Nywinywi mukikaa kuzimuni mwangu na vyuuwo vyangu vikikaa kuzimuni mwenu, yombani kiḍechonse nanywi munakipfegwa.

Yohana 16:23

Hiyo hiyo ngera ikifika, ntamuwe na haḍya ya kuniyomba kiḍechonse. Koro hachi nyakumwambiani, kiḍechonse mudzechomuyomba Baba kwa sari ḍyangu, jeje anakimuhendea.

Yohana 16:26

Hiyo hiyo ngera ikifika, munamuyomba Baba kwa sari ḍyangu. Ela sikwakunenani kwamba ni had̯i nimuyombeye mimi kwa Baba hat̯a.

Yohana 16:7

Ela hachi nyakumwambiani, kugonzowa kwangu ni kwa faiḍa yenu nywinywi. Koro nikitsagonzowa, huyu Mugijiija nkawezi kudza kwenu. Ela nikigonzowa, namuhuma adze kwenu.

Yohana 4:10

Yesu kamwamba, “Wewe nkuidzi hi nt̯unu ya Muungu eyonapfa wantu, na wala nkudzi kwamba ayu eyekukuyombani madzi ni ga. Koro t̯ambere undemanya, undemuyomba jeje madzi nae andekupfa madzi yeyonapfa wantu maisha.”

Yohana 4:14

Ela eyenanwa haya madzi niyonapfa wantu, nkagijwe ni nchiu kawii meshi. Haya madzi yanawa dza tsana iyokuvuhani kuzimuni mwakwe iyonamumpa maisha ya kuunga na yuungo.”

Yohana 5:19

Nae Yesu kawamba, “Hachi nyakumwambiani, huyu Mwana nkawezi kuhenda ḍyakwe ḍiḍeḍyonse, lamud̯a hiḍiḍe amuoneyeḍyo Babajwe akiḍihenda. Hiḍiḍe ḍya huyu Baba eḍyonahenda, ndiḍyo ḍya huyu Mwana nae pia eḍyonahenda.

Yohana 7:37

Ipfofika nsiku ya mwiso ya hi jila ya Viḅanda, nsiku iyokuwa ya maana ya mwiso, Yesu kasumama anene na hawa wantu. Kanena nao na idzwi kuu kawamba, “Kula eye na nchiu nadze kwangu, nami namumpa madzi anwe.

1 Wakorint̯o 14:13

Muntu eyenanena na lugha ngeni, ni ayombe apate na t̯ola ya kuimusya wantu haya eyonanena.

Waefeso 2:18

Na kwa dzambo ḍya hivi vya Kirist̯o ahendeyevyo, hwonse hupata njia ya kumwendea Muungu Baba jwehu, hukigijiijwa ni yuyo Ruhu mumodza.

Waefeso 3:12

Kwa dzambo ḍya Kirist̯o na hivi humuhikiziyevyo, hunamwendea Muungu pfasipfo oga, hukiwa na uhakika kwamba anahusikia.

Waefeso 3:14

Nipfonamamat̯a haya haya yonse ya Muungu ahendeyeyo hat̯a nikyenda nikisa, navunza nkuhi nikamuyomba Muungu Baba jwehu.

Wafilipi 4:13

Naweza kuit̯isa kwa hali zonse kuchiiya na kwa Kirist̯o eyenanimpa nguvu.

Wakolosai 3:17

Na kula mwichonanena na mwichonahenda, kihendeni kwa sari ḍya Ḅwana jwehu Yesu, huku mukimuyaviza ḍuḍa Muungu Baba jwehu kuchiiya na kwa Kirist̯o.

Waeburania 13:15

D̯ubva kuchiiya na kwa Yesu, swiswi nahumuyavize Muungu mvuugiya ya kumushad̯a kut̯wa, iyo mvuugiya ya wantu weonakwamba Yesu ni Ḅwana jwao.

Waeburania 4:15

Na huyu Mukohani Mukuu jwehu ni muntu aumanyiye udhaifu wehu. Jeje kaḍemegwa dzaswi na kula njia, ela nkakugwa nabviseni.

Waeburania 7:25

Ndookomu jeje anaweza kuwapfonya kut̯wa hawaḍe wonse weonamwendea Muungu kuchiiya kwakwe, kwa kwamba jeje anakaa maishi kuwayombea kwa Muungu.

Yakobo 1:5

Muntu akitsowa mvidhyo ya kumanya namuna ya Muungu evyonatsaka huishi, namuyombe Muungu, nae anaimumpa. Koro Muungu akwakumumpani muntu kintu, anakimumpa na mojo mumodza, wala nkawezi kumuajaisa.

Yakobo 5:16

D̯ubva, nywinywi namutsefitsa kwambiana nabvise zenu na namutseyatsa kuyombeana ili Muungu apate kumupfoza. Mayombo ya muntu muhachi yana nguvu na yanahenda mambo makuu.

1 Pet̯ero 2:5

Nanywi wani dza mawe ya maana ya kumbakia Hekalu ya kiruhu, ili muwe wakohani wa kuyavya mvuugiya za kiruhu, zizonakuḅaligwa ni Muungu kuchiiya na kwa Yesu Kirist̯o.

1 Yohana 3:22

Na kula hwichonamuyomba anachihupfa, kwa dzambo ḍya kwamba hwakuzigijani hizi amuri zakwe na kuhenda yeyonamutsakiza.

1 Yohana 5:14

Swiswi hunadzimukwat̯ya Muungu, kwa kwamba, huna hakika ya kwamba, hukimuyomba kiḍechonse kuuḅana na miroye, jeje anahusikia.