Yohana 14:11 - Pokomo

¹¹ Nikimwamba mimi na Baba hu kintu kimodza, nywinywi serefat̯ani niyokumwambiani. Ela ikiwa kwamba ntamuwezi kuserefat̯a hat̯a hivi nivyokumwambiani, d̯ubva nangaa muniserefat̯e kwa dzambo ḍya haya niyokuhendani.

Yohana 14:11 Iomraidhean Croise

Yohana 10:25

Yesu kawambukuya kawamba, “Ikiwa kwamba ni kumwambia nisakumwambia, ela mudziza kunihikiza. Haya niyokuhendani kwa sari ḍya Baba ndiyo ushaahiḍi wa kuyanga kwamba mimi ni ga!

Yohana 10:32

Ela Yesu kawamba, “Mimi nihenda mambo mema menji kwa uwezo wa Baba. Haya, kahi ya hayo hayo yonse, ni ḍi mwiḍyokutsakani kuniyagia?”

Yohana 10:38

Ela ikiwa kwamba nyakuhendani hivi vya Baba anyambiiyevyo nihende, ḅasi nywinywi hikizani hivi nivyokuhendani hat̯a ingawa mimi ntamukunihikiza. Na mukihenda hivyo, ndipfo munaimuka urembo kwamba mimi nina haria na Baba, na Baba ana uharia nami.”

Yohana 14:10

Munamba nkudzahikiza hat̯a kwamba mimi na Baba hu kintu kimodza? Hivi nivyokunenani si vyuuwo vyangu mimi mwenye, ela mvya Baba eyekuishini kuzimuni mwangu. Jeje ndiye eyekuhendani haya haya mafara yonse niyokuhendani.

Yohana 14:20

Na hiyo hiyo nsiku ikifika, ndipfo mudzepfomanya ya kwamba mimi na Baba hu kintu kimodza, nami nanywi hu kintu kimodza.

Yohana 5:36

Ela nina shaahiḍi mukuu kumuchia Yohana. Huyu huyu shaahiḍi, ni haya mayongweezo yangu na mafara ya kumakisa ya Baba animpiyeyo kuhenda. Na haya niyonahenda yanayanga kwamba Baba ndiye anihumiye.

Mahendo 2:22

Kawii Pet̯ero kamba, “Wantu wa Isiraeli, pfindiiyani hivi vyuuwo! Yesu jwa Nazareti ewa muntu atsanijwe kuhenda kazi ya Muungu. Nanywi mwiiyangwa tswee na mambo ya mafara, mambo ya kumakisa, na vihambwiizo vya Muungu ahendeevyo kuchiiya kwakwe. Nywinywi wenye muyamanya haya, koro yahendeka hapfa, kahi yenu.

Waeburania 2:4

Muungu nae kavihuyanga tswee kwamba ni ḍugha kwa kuhuyanga vihambwiizo, mambo ya mafara na mambo ya kumakisa menji na menji, pfamodza na kupfa wantu t̯ola ya Ruhu Mudheru dza atsakiyevyo mwenye.