Yohana 13:5 - Pokomo

⁵ Kangiza madzi kijani na kaḍabva kuwakosa maguu hawa wanafund̯iwe na kuwafuta na hi tauli adzifungiyeyo.

Yohana 13:5 Iomraidhean Croise

Luka 7:38

Kasumama nyuma ya Yesu, hafufi na maguuye huku akiwa kuiyani. Hi mitsoziye imutsaposa Yesu haya maguu. Kisa kaḍabva kamufuta na hizi nywiize, na kuyanonea haya maguu na kuyahiiya manunkanto.

Luka 7:44

Makisa Yesu kaperuka kumuyowa huyu muke na kamwambia Simioni, “Kumuona ayu muke ayu? Kanyosa maguu yangu na mitsoziye na kanipfanguya na nywiize. Kenge wewe nipfokudza nyumbani mwako nkukunimpa hat̯a madzi ya kukosea vumbi ḍya maguuni mwangu.

Yohana 13:10

Yesu kamwamba, “Muntu akisa kukoga mwii muzima nka haḍya ya kukoga kawii, lamud̯a akose haya maguu ḅasi. Nywinywi nyonse mu wasafi lamud̯a muntu mumodza t̯u kahi yenu.”

Yohana 13:6

Kawakosa hawa wangine hat̯a akidzaakimufika Simioni Pet̯ero, Pet̯ero kamuuza Yesu kamwamba, “Ḅwana, unatsaka kunikosa maguu mimi?”

Yohana 13:8

Ela Pet̯ero kamwambukuya kamwamba, “Nkuwezi kunikosa maguu kaḅisa!” Nae Yesu kamwamba, “Nikitsakukosa maguuyo, nkuwezi kuwa jwangu kawii.”

Yohana 19:34

Ishinu mumodza jwa hawa asikari, kamusimika fumo ḍya mbavu na pfapfo kayawa mwazi na madzi.

Mahendo 22:16

D̯ubva, kwakuindani? Nawe nuka umuyombe Ḅwana akuyatsie nabvisezo upate kut̯opyegwa!’ ”

1 Wakorint̯o 6:11

Na hivi ndivyo vya wangine wenu mwivyokuwa. Ela sasa mudhereswa nabvise zenu, mugala wadheru wa Muungu, na Muungu kakumuhwaani kuwa wantu wahachi kwa sari ḍya Ḅwana Yesu *Kirist̯o na kwa nguvu za Ruhu jwa Muungu jwehu.

Waefeso 5:26

Kaḍifwiya ili apate kuḍihendeza ḍiwe dheru kwa kuḍit̯opya na madzi na kuchiiya na kwa chuuwoche.

1 Timoteo 5:10

Na ni had̯i awe muke amanyikaniye kwa mahendoye mema, dza mahendo ya kuyeya wanawe urembo, kukaraḅisha wageni nyumbani mwakwe, kukosa maguu ya wantu wa Muungu, kugija wantu weo d̯inani, na kudziyavya kuhendea wantu kula aina ya hendo dzema.

Waeburania 10:22

D̯ubva nahutsegeeye hafufi na Muungu na mojo mumodza pfasipfo kuwa na kajela. Ni huwe na myojo idheresejweyo mazukaye na mii idheresejweyo na madzi masafi.

1 Yohana 1:7

Ela hukiishi muyangani dza hivi vyakwe aivyo muyangani, hunawa na kuhariana swiswi na swiswi. Na mwazi wa Yesu, Mwana jwa Muungu, unahudheresa nabvise zehu zonse.

1 Yohana 5:6

Yesu *Kirist̯o mwenye ndiye adziye. Kadza kat̯opyegwa na madzi, na keha mwaziwe na kafwa. Na nkakut̯opyegwa t̯u, ela kat̯opyegwa na keha mwaziwe, kafwa. Na huyu Ruhu mwenye kashuhuḍia ya kwamba haya haya ni ḍugha, koro huyu Ruhu nkanene nsuwe.

Upfenuo wa Yohana 7:14

Mimi nimwambukuya nimwamba, “Sidzi ḅwana. Ndiwe umanyie.” Nae kanyamba, “Hawa ni hawaḍe wayawiyeo kwa hiḍe d̯ina nkuu. Wao wayafuya mavwazi yao na mwazi wa huyu Mwana Mbuzi, na yahenda meupe pee.