Yohana 13:31 - Pokomo

³¹ Yud̯a epfonuka t̯u, Yesu kamba, “Ngera yangu mimi *Mwana jwa Ad̯amu ya kumanyikana ukuu wangu imaafika. Na kuchiiya na kwangu mimi, Muungu anamanyikana namuna aivyo mukuu.

Yohana 13:31 Iomraidhean Croise

Matayo 8:20

Ela Yesu kamwamba, “Hamabworama wana mpango zao, na nyuni wana vitsanza vyao. Ela mimi *Mwana jwa Ad̯amu, hat̯a pfantu pfa kujufinikiza yukopfe si kintu.”

Luka 12:50

Nina mat̯opyo ya d̯ina yeyokuniindani, na yakuningizani mirumiru hat̯a yadzepfot̯imizwa.

Yohana 11:4

Ela Yesu epfopata hi ḍaamisa kamba, “Hu ujwazi wa Lazaro ntauwezi kumuyehea kufwa. Udza ili upate kuyanga namuna ya nguvu za huyu Mwana ziivyo na Muungu apate kushad̯wa.”

Yohana 12:23

Yesu kawambukuya kawamba, “Saa imaafika, yangu mimi *Mwana jwa Ad̯amu kuonekana namuna niivyo mukuu.

Yohana 12:28

D̯ubva Baaba, yanga ukuu wa nguvuzo.” Kisa kusikika idzwi kuyawa mbinguni ḍikyamba, “Mimi nisakuyanga ukuu wa nguvu zangu, na nahenda hivyo kawii!”

Yohana 14:13

Nywinywi yombani kiḍechonse kwa sari ḍyangu, nami nachimuhendea. Na kwehii namuna Baba anapata kumanyikana namuna aivyo mukuu kuchiiya na kwa huyu Mwanawe.

Yohana 16:14

Anayamupfenwiiya nywinywi hayaḍe yonse niyonanena, na kwehii njia mimi napata kumanyikana namuna niivyo mukuu.

Yohana 7:39

Yesu epfonena hivi, ewa kakunenani dzuu ya huyu Ruhu jwa kudzapfegwa hawaḍe wonse wamuhikiziyeo jeje. Wantu wewa ntawadzamupfegwa huyu Ruhu, kwa kwamba Yesu ewa nkadzahwajwa angizwe maremboni mwakwe.

Mahendo 2:36

Pet̯ero kongeza kunena kamba, “D̯ubva wantu wonse wa Isiraeli, nawamanye hakika kwamba huyu Yesu, mumupfatsikiye nywinywi muhini mwa mpatsa, ndiye jwa Muungu amuhendeye Ḅwana na *Masiya!”

Mahendo 3:13

Huyu Muungu jwa wabibi zehu aḍe Iburahimu, Isaka na Yakobo, kamurembosa Yesu, eye muhumisijwe. Mumungiza mikononi mwa wakuu wehu, nanywi mumudziza usoni ya Pilato, hat̯a Pilato epfohuna kumuyatsa huru.

2 Wakorint̯o 3:18

D̯ubva, swiswi huvuijweo hizi ntadzi, hunayanga marembo ya Ḅwana. Na haya haya marembo, yeyonayawa kwa Ḅwana, eye huyu Ruhu, yakuhuperuzani shufa hwakuwani dzae. Na hwakuwani na maremboye makuu zaid̯i na zaid̯i.

Waefeso 1:12

Muungu kahenda hivi ili kwamba, swiswi Wayahud̯i, hwiwokuwa wa d̯ura wa kumuserefat̯a Kirist̯o, huwahendeze na wantu wangine wamushad̯e Muungu kwa dzambo ḍya wemawe.

Waefeso 2:7

Muungu kahenda hivi ili kwamba, ngera zonse zidzezokudza, wantu waone namuna aivyo mut̯ei kuchia chima kuchiiya na kwa Kirist̯o Yesu.

Waefeso 3:10

Muungu kahenda hivi ili kwamba, kuchiiya na kwa hiḍi tsanganiko aweze kuziyanga nguvu zonse za kiruhu ziizo dzuu kwamba, kula echonahenda kinayanga namuna aivyo na mvidhyo.

Wafilipi 2:11

Na kula mumodza anene kwamba Yesu Kirist̯o ni Ḅwana kwa dzambo ḍya kumumpa shad̯u Muungu Baba.

1 Pet̯ero 1:21

Na kuchiiya na kwa Kirist̯o, mumuserefat̯a Muungu. Jeje ndiye amufufwiiye Kirist̯o kuyawa kwa wafu akimumpa marembo, ili nanywi muwe na faro na madzikwat̯yo kwa Muungu.

1 Pet̯ero 2:12

Ikaani na t̯aḅia nyema kahi ya hawa walumwengu, ili kwamba hat̯a wakimunenea mazuka, wayaone haya mahendo yenu mema na waweze kumushad̯a Muungu nsiku adzeyokudza.

1 Pet̯ero 4:11

Muntu akiwa na t̯ola ya kunena vyuuwo vya Muungu, ni had̯i akivinena dza vyuuwo viyawiyevyo kwa Muungu. Muntu akiwa na t̯ola ya uhumisi, ni had̯i ahumike na hizi nguvu apfegejwezo ni Muungu. Na kwa hayo yonse, Muungu mwenye nguvu na uwezo, apate kushad̯wa kuchiiya na kwa Yesu Kirist̯o hat̯a pfasipfosia. Amina.