Yohana 12:27 - Pokomo

²⁷ Mimi mojo wangu utsowa raha. D̯ubva nyambedze? Niyombe nyambe, ‘Baaba, nyapfusa na haya yadzeyohendeka?’ Moro siwezi kuhenda hivyo, koro hayo hayo ndiyo yaniyeheyeyo lumwenguni.

Yohana 12:27 Iomraidhean Croise

Matayo 11:25

Makisa Yesu kayomba kamba, “Nakuyaviza ḍuḍa e Baba, wiye Haju jwa yuwinguni na nsi yonse. Nakuyaviza ḍuḍa kwa kwamba hi hachi kuiwafitsa hawaḍe weonadzihwaa kwamba ni makaro na wamanyi, na kuiwapfenwiiya wantu weo dza vyana vichuchu!

Matayo 11:26

Ndivyo Baaba, kuona vyema kuhenda hivi hivi koro vikutsakiza.”

Matayo 26:42

Kisa Yesu kanuka kawii ende akayombe mweedha wa pfii. Na kayomba kamba, “Baaba, ikiwa kwamba hichi hichi chikombe cha tsungu wa mad̯ina ntachiwezi kuninukia lamud̯a nikinwe, ḅasi Baba, miroyo naihendeke.”

Matayo 26:45

Makisa kauja kwa hawa wanafund̯iwe na kawauza kawamba, “Koro amaale mukaiya kuyaa na kuyavya hara? T̯asikiani, saa imaafika, yangu Mimi Mwana jwa Ad̯amu kuḍawanywa ningizwe mikononi mwa wanabvise.

Luka 22:44

Kayomba na hiḍu huku akiwa na tsungu mwinji hat̯a kahweka. Hwekaḍye ḍiiwa dza mahwente ya mwazi yeyoyakimont̯oka mutsangani.

Luka 22:53

Niiwa nanywi Hekaluni kula na nsiku, ela ntamukunigija. Ela saa yenu imaafika, ngera ya nguvu za kiza kuhenda kazi.”

Yohana 11:41

Kisa hiḍi iwe ḍipfoperujwa-perujwa ḍikinujwa, Yesu kanuya matso dzuu mbinguni na kamba, “Baaba, ni asant̯a kwa kunisikia.

Yohana 12:23

Yesu kawambukuya kawamba, “Saa imaafika, yangu mimi *Mwana jwa Ad̯amu kuonekana namuna niivyo mukuu.

Yohana 13:21

Ḅaad̯a ya haya, Yesu mojo umutsowa raha. Kawamba hawa wanafund̯iwe, “Hachi nyakumwambiani, mumodza jwenu njwakuniḍawanya!”

Yohana 18:37

Nae Pilato kamuuza kamwamba, “Kwa hivyo wewe u haju?” Yesu kamwambukuya kamwamba, “Wewe kuvinena na kanwako mwenye! Mimi nidza nivyajwa lumwenguni niisumwiiye hi hachi. Na kula aitsakiye hi hachi, ananisikia.”

1 Timoteo 1:15

Hu muneno wambiyeo, Kirist̯o Yesu kadza lumwenguni adzeawapfonye wanabvise, ni muneno wa ḍugha wa kwamba wantu wauhikize. Nami mimi mwenye, niiwa ndimi munabvise mukuu jwa mwiso.

Waeburania 2:14

Kwa dzambo ḍya kwamba hawa wana wa Muungu ni wanaad̯amu waumbijweo na mwazi na nyama, Yesu nae kawa dzao. Kahenda hivi ili kwamba, kwa kufwakwe aweze kumunanga-nanga Shaat̯ani eye na nguvu za kuyaga wantu.

Waeburania 5:7

Yesu epfokuwa humu lumwenguni ekimuyomba Muungu na mojo. Ekiyomba na saut̯i nkuu na kuiya kwa huyu mwenye uwezo wa kumupfonya kuyawana na kufwa. Na kwa dzambo ḍya serefanoye na mojowe wa kut̯ii eokuwa nao kwa Muungu, Muungu kamusikia.