Yohana 12:13 - Pokomo

¹³ Ndookomu t̯ut̯a yonse ihwaa makinza ya mintende na yenda ikamut̯angere huku ikiḅaa madzwi ikyamba, “Muungu ashad̯we! Jeje awee kudzani kwa sari ḍya Ḅwana kavodhyegwa! Muungu namuvodhye Haju jwa Isiraeli!”

Yohana 12:13 Iomraidhean Croise

Matayo 23:39

Koro hachi nyakumwambiani, ntamukudzaniona kawii mumpaka ngera idzepfofika ya kwamba mudzanena mwambe, ‘Kavodhyegwa jeje eyekudzani kwa sari ḍya Ḅwana!’ ”

Matayo 27:42

“Kapfonya wangine ela nkawezi kudzipfonya mwenye! At̯i huyu huyu ndiye ayu haju jwa Waisiraeli? Akisuka na hapfa muhini mwa mpatsa saambi hunamuhikiza!

Yohana 1:49

Natanaeli kamwamba, “Mwaalimu, hakika wewe u Mwana jwa Muungu ḍugha! Wewe u Haju jwa Isiraeli!”

Yohana 12:14

Yesu ewa kapata mwana hare na kamupfaa akwakunjiani humuḍe mudzini. Hivi vihendeka dza vya matsoro yaneneyevyo yakyamba,

Yohana 12:15

“Nywinywi wantu wa Sayuni, namutseshooga kiḍechonse! T̯ayowani, huyu haju jwenu kakudzani. Kakudzani akiwa kapfaa dzuu ya mwana hare.”

Yohana 19:15

Nao wamukelelea wamwamba, “Ntahut̯aki kumuona! Ntahut̯aki kumuona! Mupfatsike!” Pilato kawamba, “Ayu haju jwenu ndiye mwiyekutsakani apfatsikwe?” Hawa wakohani wakuu wamwambukuya wamwamba, “Swiswi ntahu haju yungine! Haju jwehu humanyiye ni Kaisari.”

Upfenuo wa Yohana 15:3

Hawa hawa wantu wekikwimba wiya wa huyu Mwana Mbuzi na Musa muhumisi jwa Muungu. Hu wiya unakwamba, “E Ḅwana Muungu mwenye nguvu zonse, mahendoyo ni makuu na ya kumakisa! Wewe wiye Haju jwa vyeet̯i na vyeet̯i, njiazo zonse nza hachi na nza ḍugha!

Upfenuo wa Yohana 19:16

Na hapfa kiweoni pfakwe, hiḍi vwaziḍye ḍyoregwa hivi vyuuwo hivi: “Haju jwa mahaju na Ḅwana jwa maḅwana.”

Upfenuo wa Yohana 7:9

Ḅaad̯a ya hayo, niona t̯ut̯a nkuu na nkuu ya wantu isiyot̯alika. Wewa ni wantu wa kuyawa kula nsi, na kula kyeet̯i na kula lugha. Wewa wasumama usoni ya hiki kiti cha kihaju na usoni ya huyu Mwana Mbuzi. Wewa wavwaa mavwazi meupe na wagija mahambi ya mintende mikononi mwao.