Yohana 11:33 - Pokomo

³³ Yesu epfomuona Maria akwakuiyani na akidza akiona na namuna ya hawa wantu wangine weokuwa pfamodza nae wevyowakiiya, vimuhora hu mojo na vimungiza tsungu muno.

Yohana 11:33 Iomraidhean Croise

Marko 3:5

Yesu kawahaaza na dzitso ḍya ngoro, koro kasikit̯iswa ni myojo yao myumu. Kisa kamwamba huyuḍe muntu ahinamfiye, “Ugonzowe hu mukonowo!” Huyuḍe muntu kaugonzowa na upfowa pfapfo.

Marko 9:19

Yesu kawambukuya kawamba, “E nywinywi mu wantu musio faro t̯i! Amevihivi nagija kukaa nanywi na kumuit̯isia hat̯a ari?” Kisa kawamba, “Haya muyeheni huyu muurani hapfa.”

Yohana 11:19

Na wantu wenji wewa wenda wakamuingamaze Marit̯a na Maria kwa dzambo ḍya kufwijwa ni ndugu yao.

Yohana 11:31

Hawa wantu weowakimuingamaza Maria humuḍe nyumbani, wepfomuona akiyawa haraka haraka, wat̯ara ya kwamba kakwendani hukuḍe mbeerani akaiye. Ndookomu nao wamuuḅa.

Yohana 11:34

Nae kawauza kawamba, “Ayu afwiye mumuzika ku?” Nao wamwambukuya wamwamba, “Ḅwana, nzoo hukuyange.”

Yohana 11:35

Yesu mitsozi iḍabva kumuhika.

Yohana 11:38

Yesu kanjijwa ni tsungu kawii na kenda hukuḍe mbeerani. Hi mbeera yenye iwa ni mpango iyofinikizwa na iwe hapfa pfa kunjiiya.

Yohana 12:27

Mimi mojo wangu utsowa raha. D̯ubva nyambedze? Niyombe nyambe, ‘Baaba, nyapfusa na haya yadzeyohendeka?’ Moro siwezi kuhenda hivyo, koro hayo hayo ndiyo yaniyeheyeyo lumwenguni.

Yohana 13:21

Ḅaad̯a ya haya, Yesu mojo umutsowa raha. Kawamba hawa wanafund̯iwe, “Hachi nyakumwambiani, mumodza jwenu njwakuniḍawanya!”

Warumi 12:15

Wantu wakiwa na tsekea, nanywi pia ikaani mukitsekea pfamodza nao. Na wakiwa na ngiru, nanywi pia sikit̯ikani pfamodza nao.

Waeburania 4:15

Na huyu Mukohani Mukuu jwehu ni muntu aumanyiye udhaifu wehu. Jeje kaḍemegwa dzaswi na kula njia, ela nkakugwa nabviseni.