Yohana 11:28 - Pokomo

²⁸ Marit̯a epfonena hivi akyendaakisa, kenda kamukuntia geri Maria na kamwamba, “Mwaalimu kadza na kakukuhanani.”

Yohana 11:28 Iomraidhean Croise

Matayo 26:18

Nae kawambukuya kawamba, “Mukyenda humuḍe mudzini munat̯ongana na muntu. Mwambeni, ‘Mwaalimu jwehu kamba, hu wakati wa Muungu aunipangiiyeo umaafika, nami natsaka kuiḍya hi jila ya Pasaka nyumbani mwako pfamodza na wanafund̯i wangu.’ ”

Marko 10:49

Yesu kasumama kamba, “Muhaneni adze.” Nao waḍabva kumuhana huyu ntumbu matso wamwamba, “Dzipfe mojo! Nuka wima kakukuhanani.”

Marko 14:14

mumpaka kwe nyumba adzeyonjia. Kisa mwambeni huyu mwenye, ‘Mwaalimu kamba, e chumbache cha kuḍya e jila ya Pasaka pfamodza na wanafund̯iwe ni chi?’

Luka 22:11

Mwambeni huyu mwenye, ‘Mwaalimu kamba, e chumbache cha kuḍya e jila ya Pasaka pfamodza na wanafund̯iwe ni chi?’

Yohana 1:41

Cha d̯ura cha And̯erea ahendeyecho ni kwamba, kamupata Simioni, huyu ndugujwe, na kamwamba, “Humuona huyu Masiya.” Masiya maanaye ni Kirist̯o.

Yohana 1:45

Filipo kamuona Natanaeli na kamwamba, “Humuona huyu jwa Musa oreye dzuuye humu mwa hichi chuo cha Sharia, ambaye kwamba hawa manabii nao pia wora dzuuye. Jeje ni Yesu mwana jwa Yusufu jwa kuyawa mudzi wa Nazareti.”

Yohana 10:3

Huyu mwamia hiḍi zizi anamufungwiiya nae ananjia humu kuzimu. Hizi mbuzi ziimanya saut̯i ya huyu mut̯unga jwao, nazo zinamusikia. Jeje anazihana na masari na anaziyavya na humu zizini.

Yohana 11:20

Marit̯a epfosikia kwamba Yesu kakudzani, kayawa ende akamut̯angere, ela Maria kahafa hukuḍe nyumbani.

Yohana 11:29

Maria epfosikia hivi, kanuka haraka kamuḍaabvat̯a Yesu.

Yohana 11:30

Yesu ewa amaale nkadzanjia humuḍe mudzini, ewa ka pfapfaḍe pfa Marit̯a at̯onganiyepfo nae.

Yohana 13:13

Nywinywi munanihana mimi Mwaalimu na Ḅwana jwenu, si viwi ni sawa, na wala ntamukutsowea.

Yohana 20:16

Yesu kamwamba, “Maria!” Nae Maria kamuperukia na kanena nae Kieburania kamwamba, “Raḅoni!” (Yani Mwaalimu wangu.)

Yohana 21:7

Makisa huyuḍe mwanafund̯i jwa Yesu amutsakiyee muno kamwamba Pet̯ero, “Huyu aneneye naswi ni Ḅwana!” Simioni Pet̯ero kudzasikia hivi, kaidzifwecha hi nkanzuye kwa kwamba ndiyo eyovwaa t̯u, na katsumpa humu madzini.

1 Watesalonike 5:11

D̯ubva, ngizanani mojo na kumbakana na hivi hivi vyuuwo dza mwivyokuhendani.

Waeburania 12:12

D̯ubva dzipfeni mojo, namutseyekezeka-yekezeka na matsofu.