Yohana 11:25 - Pokomo

²⁵ Yesu kamwamba, “Mimi ndimi niyenafufuya wantu na kuwapfa maisha kawii. Muntu anihikiziyee mimi, hat̯a akifwa huyo anaishi kawii.

Yohana 11:25 Iomraidhean Croise

Luka 23:43

Yesu kamwamba, “Hachi nyakukwambiani, yeo unawa pfamodza nami *Paradiso.”

Yohana 1:4

Jeje ndiḍyo sina ḍya maisha yonse. Na haya haya maisha yamumpa mwanaad̯amu muyanga we hachi.

Yohana 14:19

Ḅaad̯a ya kit̯emo kifufi chichokudzani, huju lumwengu ntajukudzaniona kawii, ela nywinywi mudzaniona. Na kwa dzambo ḍya kwamba nawa nya mojo kawii, nanywi pia mudzawa mojo.

Yohana 14:6

Yesu kamwamba, “Mimi ndimi njia, ndimi hachi na ndimi niyenawapfa wantu maisha ya kuunga na yuungo. Muntu nkawezi kwenda kwa Baba pfasipfo kuchiiya na kwangu.

Yohana 3:16

Koro Muungu kajutsaka lumwengu hat̯a kamuyavya Mwanawe madiani, ili kula amuhikiziye atsekwaara, ela awe na maisha ya kuunga na yuungo.

Yohana 3:36

Kula amuhikiziye huyu Mwana ana maisha ya kuunga na yuungo. Ela kula asiyemut̯ii huyu Mwana, huyo nkawezi kuwa na maisha ya kuunga na yuungo, ishinu hukumu ya Muungu imukaiya.”

Yohana 5:21

Na dza hiviḍe vya huyu Baba evyonawafufuya wafu akawapfa maisha, huyu Mwana nae pia anawapfa maisha hawaḍe atsaniyeo.

Yohana 5:26

Na dza hiviḍe vya huyu Baba aivyo sina ḍya maisha yonse, ndivyo vya huyu Mwana evyonaweza kupfa wantu maisha.

Yohana 6:35

Yesu kawamba, “Mimi ndimi hicho hicho chakuḍya chichonapfa wantu maisha. Kula eyenakudza kwangu nkawezi kusikia nzaa kawii meshi. Na kula anihikiziye mimi nkawezi kusikia nchiu kawii meshi.

Yohana 6:44

Ntaku eyenaweza kudza kwangu ikiwa kwamba huyu Baba anihumiye nkakumuyongoza kudza kwangu. Nami nsiku ya mwiso huyo huyo muntu namufufuya kuyawa kwa wafu.

Mahendo 3:15

Ndookomu mumuyaga huyu jwa kuyanga wantu maisha kindindi. Ela Muungu kamufufuya kuyawa kwa wafu. Naswi haya huyaona na matso yehu wenye.

Warumi 4:17

Dza vya matsoro yaneneyevyo yakyamba, Muungu kamwamba Iburahimu, “Nikuhendeza kuwa baba jwa vyeet̯i vinji.” Epfoakiyambijwa haya haya, Iburahimu ewa usoni kwa Muungu na kayahikiza. Huyu ndiye huyu Muungu eyenawafufuya wafu, na hat̯a mambo yasiyodzahendeka akayahwaa dza kwamba yesakuhendeka.

Warumi 8:2

Koro kuchiiya na kwa Yesu Kirist̯o, hizi nguvu za huyu Ruhu jwa Muungu eyenamumpa maisha ya kuunga na yuungo zisakumuweka huru kuyawana na hi sharia ya nabvise iyonayeha kufwa.

1 Wakorint̯o 15:18

Na vindeewa na maana ya kwamba, hawaḍe wafwiyeo wakiwa wamuhikiza Kirist̯o, wao waara.

1 Wakorint̯o 15:29

Ikiwa kwamba ntaku kufufuka kwa wafu, awa weonat̯opyegwa kwa dzambo ḍya wafu wakuyoweeyani? Ambu t̯ambere wafu ntawakwakudzafufujwa, kuna haḍya ga ya kut̯opyegwa kwa dzambo ḍyao?

2 Wakorint̯o 4:14

Koro humanya ya kwamba, Muungu amufufwiiye Ḅwana Yesu, kadzahufufuya naswi dza evyomufufuya Yesu. Makisa anahuhwaa swiswi pfamodza nanywi, anahuweka usoni kwa Yesu.

Wafilipi 1:23

Ndookomu nyakuḍanganikani kwamba, kahi ya haya haya mambo mowii nyambe natsaka ḍi. Nyakut̯amanini kufwa ili ninkakae pfamodza na Kirist̯o, dzambo ḍiḍyo dzema muno kwangu.

Wafilipi 3:10

Nichokutsakani t̯u ni kugija kumumanya Kirist̯o zaid̯i na zaid̯i, na nizione hizi nguvu zimufufwiiyezo. Na nya t̯ayari kukunta d̯ina kut̯wa dza viviḍe akuntisijwevyo d̯ina, na hat̯a nifwe kwa dzambo ḍyakwe dza viviḍe afwiyevyo kwa dzambo ḍyangu.

1 Watesalonike 4:14

Dza huhikiziyevyo kwamba Yesu kafwa na kafufuka, ndivyo pia huhikiziyevyo kwamba, ngera ya Yesu adzeyokudza mweedha wa pfii, Muungu kadzawahwaa hawaḍe wonse wafwiyeo wakiwa kwamba wamuhikiza Yesu.

Upfenuo wa Yohana 1:18

Mimi ndimi huyu niye mojo. Niwa nifwa, ela sasa nya mojo maishi na maishi. Mimi nina mamulaka dzuu ya kufwa na dzuu ya lumwengu jwa wafu.

Upfenuo wa Yohana 20:5

Hawa ndiwo wafufwiijweo d̯ura. Hawaḍe wafu wangine ntawakufufujwa mumpaka ḅaad̯a ya hi myaka elefu modza.

Upfenuo wa Yohana 21:4

Na Muungu anawafuta mitsozi yao yonse. Ntakuwe vifo kawii wala masikit̯iko. Na wala ntakuwe chiiyo kawii ambu tsungu uḍewonse, koro ya kae yesakuchia.”

Upfenuo wa Yohana 22:1

Kisa huyuḍe malaika kaniyanga tsana iyo na madzi masafi yeyonapfa wantu maisha ya kuunga na yuungo. Haya madzi yewa meupe pee, na yekingara dza kiyoo. Hi tsana iyawa na hapfaḍe pfe kiti cha kihaju cha Muungu na huyu Mwana Mbuzi.

Upfenuo wa Yohana 22:17

Huyu Ruhu na huyu Ḅiḅi Harusi wamba, “Nzoo!” Na yuḍejwonse avisikiiye hivi hivi nambe, “Nzoo!” Yuḍejwonse eye na nchiu nadze! Atsakiye madzi yeyonapfa wantu maisha yasiyosia, nadze anwe ḅure!