Yohana 10:31 - Pokomo

³¹ Kawii hawa Wayahud̯i wepfomusikia Yesu akinena hivi, wahwaa mawe wekitsaka kumubiga wamuyage.

Yohana 10:31 Iomraidhean Croise

Matayo 12:14

Makisa hawa Mafarisayo wayawa wenda wahenda mashauri dzuu ya kumuyaga Yesu.

Matayo 21:35

Ela wao wakidzawakinuka, wawagija hawa wahumisi wa huyu mwenye hi nkonde. Mumodza wamubiga biga nzuka. Yungine wamuyaga, na yungine wamubiga na mawe.

Matayo 23:35

Ndookomu myazi ya hawa wantu wahachi wonse wayagijweo, idzaiya dzuu yenu. Hangu mwazi wa Habili, muntu asiyekuwa na tsowa, mumpaka wa Zakaria mwana jwa Berekia. Huyu huyu muntu ewa kayagwa kahi ye Hekalu na haya madhabahu ya kuyavia mvuugiya.

Yohana 1:19

Wakuu wa Kiyahud̯i wa mudzi wa Yerusalemi wamuhumia Yohana wakohani na *Walawi wenda wamuuza wamwamba, “Wewe u ga?”

Yohana 10:24

Hawa Wayahud̯i wamuringa Yesu kisa wamuuza wamwamba, “Hivi hivi unahufitsa kuhwambia e ya hachi hat̯a ari? Ikiwa kwamba ndiwe huyu *Masiya hwambie tswee, sihufitse!”

Yohana 10:32

Ela Yesu kawamba, “Mimi nihenda mambo mema menji kwa uwezo wa Baba. Haya, kahi ya hayo hayo yonse, ni ḍi mwiḍyokutsakani kuniyagia?”

Yohana 11:8

Ela hawa wanafund̯iwe wamwamba, “Mwaalimu, hunakwendadze Yud̯aya kawii na hali si hat̯a kae hawa wantu wa Yud̯aya wekitsaka kukubiga na mawe wakuyage?”

Yohana 5:18

Na kwa kwamba Yesu ewa kanena hivi, hawa wayongozi wa Kiyahud̯i walacha kula njia ili wamuyage. Koro waona kwamba, nkakuivunza hi Sharia ya Sabato t̯u, ela pia kadzihendeza sawa na Muungu kwa kudzihana mwana jwa Muungu.

Yohana 8:59

Ipfofika hapfo, waḍabva kuhwaa mawe wamubige wamuyage. Ela Yesu kadzifitsa kisa kayawa humuḍe Hekaluni kagonzowa.

Mahendo 7:52

Ni nabii ga, asiyekuntiswa d̯ina ni wabibi zehu? Wawayaga hawa manabii wa Muungu weolalabva kae kudza kwa muhumisijwe muhachi. Kadza, na hi saasambi mumuḍawanya na mumuyaga.