Yohana 10:24 - Pokomo

²⁴ Hawa Wayahud̯i wamuringa Yesu kisa wamuuza wamwamba, “Hivi hivi unahufitsa kuhwambia e ya hachi hat̯a ari? Ikiwa kwamba ndiwe huyu *Masiya hwambie tswee, sihufitse!”

Yohana 10:24 Iomraidhean Croise

Matayo 11:3

Kawamba, “Endani mukamuuze kwamba jeje ndiye ayu Masiya hwiyekuyoweeyani kwamba anakudza, ambu huindiiye muntu yungine?”

Marko 8:32

Haya mambo Yesu kayanena wazi wazi tswee. Ndookomu Pet̯ero kamukuntia geri kaḍabva kumukanya atsenena mambo dzayo kawii.

Luka 3:15

Kula mumodza eyeakiindia yadzeyohendeka kaḍanganika, koro ntawakumanya kwamba Yohana ndiye ayu *Masiya ambu hat̯a.

Yohana 1:19

Wakuu wa Kiyahud̯i wa mudzi wa Yerusalemi wamuhumia Yohana wakohani na *Walawi wenda wamuuza wamwamba, “Wewe u ga?”

Yohana 10:31

Kawii hawa Wayahud̯i wepfomusikia Yesu akinena hivi, wahwaa mawe wekitsaka kumubiga wamuyage.

Yohana 10:33

Nao wamwambukuya wamwamba, “Swiswi ntahukwakutsakani kukubiga na mawe kwa dzambo ḍya mambo mema uhendeyeyo, ela kwa dzambo ḍya kwamba kumukufuru Muungu. Wewe u benaad̯amu sawa na benaad̯amu yungine yuḍejwonse, ela kwakudzihendezani kwamba u Muungu.”

Yohana 16:25

Haya haya mambo niyamwambia na mainganyo, ela kudzafika ngera ya kwamba sikudzanena nanywi na mainganyo kawii. Nidzanena nanywi na lugha ya kuimukika tswee dzuu ya Baba.

Yohana 8:25

Nao wamuuza wamwamba, “Awe munamba u ga?” Yesu kawambukuya kawamba, “Mimi niḍabva kumwambia hangu iiḍe kwamba mimi ni ga!

Yohana 8:53

Wewe u mukuu kumuchia bibi jwehu Iburahimu na hawa manabii wafwiyeo? Ambu wewe, unadzihwaa kwamba u ga?”

Yohana 9:22

Wavyazi wa huyu muntu wanena hivi kwa dzambo ḍya kwamba wekiwashooga hawa wakuu wa Kiyahud̯i. Hawa wakuu weepatana kwamba, muntu yuḍejwonse adzeehikiza na kunena kwamba Yesu ndiye huyu *Masiya anayavigwa *sunagogini.

2 Wakorint̯o 3:12

Kwa dzambo ḍya kwamba huna haya haya madzikwat̯yo, hunanena pfasipfo oga.