Yohana 10:11 - Pokomo

¹¹ Mimi ni mut̯unga mwema. Mut̯unga mwema anawa ka t̯ayari kuyayavya maishaye kwa dzambo ḍya hizi mbuzi.

Yohana 10:11 Iomraidhean Croise

Matayo 20:28

Koro hat̯a nami mimi Mwana jwa Ad̯amu sikudzia kuhumikijwa, ela nidza dza muhumisi. Na pia nidzia kuyayavya maisha yangu yawe mupfonyo wa wenji.”

Yohana 10:2

Koro huyu mut̯unga mwenye jwa hizi mbuzi ananjia na muḍyangoni.

Yohana 15:13

Ntaku tsako ḍiḍyo kuu kuchia tsako ḍya muntu kuyayavya maishaye kwa dzambo ḍya waḅamuzwe.

Waefeso 5:2

Ishini maisha ya kuwa na matsako kwa wangine dza vya *Kirist̯o ahutsakiyevyo hat̯a akidziyavya maishaye dza mvuugiya kwa dzambo ḍyehu. Hii ni mvuugiya imutsakizieyo Muungu.

Tito 2:14

Jeje kadziyavya maishaye kwa dzambo ḍyehu, ahupfonye na mazuka yonse na kuhudheresa na nabvise zehu, huwe wantuwe jeje heket̯u weo na hamu ya kuhenda mambo mema.

Waeburania 13:20

Muungu ndiye amufufwiiye Ḅwana jwehu Yesu, eye Mut̯ikisa Mukuu jwa hizi mbuzi. Jeje ni mut̯ikisa mukuu kwa dzambo ḍya kudziyavya kwakwe dza mvuugiya akifwa. Hu mwaziwe uwa ndiwo mwazi wa hiḍi ḍamano ḍya maishi kahi ya Muungu na wanaad̯amu.

1 Pet̯ero 5:4

Makisa ngera ya huyu Mut̯ikisa Mukuu adzeyokudza, munapfegwa t̯ubvo ḍya d̯aha ḍisiḍyonangika maishi.

1 Yohana 3:16

Kwa kuyavya haya maishaye kwa dzambo ḍyehu, Kirist̯o kahuyanga ya kwamba matsako ni kintu ga. D̯ubva naswi pia, hunamala kuyavya maisha yehu kwa dzambo ḍya wandugu zehu.

Upfenuo wa Yohana 7:17

Koro huyu Mwana Mbuzi eyenakaa kahikahi ya hiki kiti cha kihaju, anawa ndiye huyu mut̯unga jwao. Nae anawapfiika kuntu kwa matsana ya madzi ya mutsangani kuzimu yeyonapfa wantu maisha. Nae Muungu anawafuta mitsozi yao yonse.”