Yohana 1:14 - Pokomo

¹⁴ Huyu eyeakihanwa Chuuwo kawa mwanaad̯amu na kaishi kahi yehu. Huuona uwezowe mukuu, yani uwezo eo nao dza Mwana jeje heket̯u jwa huyu Baba. Kahuyanga winji wa matsakoye kwehu na kahupfa kumanya kula kintu dzuu ya Muungu.

Yohana 1:14 Iomraidhean Croise

Matayo 1:16

na Yakobo kamuvyaa Yusufu muumewe Maria. Na Maria ni mamajwe Yesu, huyu eyenahanwa Masiya.

Luka 2:11

Koro yeo, mudzini mwa D̯aud̯i, mumavyaijwa mupfonya, ndiye *Kirist̯o Ḅwana.

Luka 2:7

Maria kavyaa mwanamuyume hangafa. Kamulinga-linga na vit̯ani na kamut̯ambaarya t̯orani mwa kuḍiya ngombe chakuḍya. Koro ntakukuwa namfasi nyumbani mwa wageni.

Luka 9:32

Pet̯ero na wenziwe wewa wangora sinzizini, ela wayamuka na wamuona Yesu akiwa kuyangaani na marembo. Na wamuona kasumama pfamodza na hawaḍe wantu wowii.

Yohana 1:1

Hangu hapfaḍe ḍabvu lumwengu jusidzaumbwa, huyu eyeakihanwa Chuuwo ewa yupfo. Jeje ewa pfamodza na Muungu na ewa ni Muungu.

Yohana 11:40

Yesu kamwambukuya kamwamba, “Marit̯a, mimi sikukwambia ya kwamba ukihikiza unaona namuna ya uwezo wa Muungu uivyo?”

Yohana 14:6

Yesu kamwamba, “Mimi ndimi njia, ndimi hachi na ndimi niyenawapfa wantu maisha ya kuunga na yuungo. Muntu nkawezi kwenda kwa Baba pfasipfo kuchiiya na kwangu.

Yohana 14:9

Yesu kamwambukuya kamwamba, “Filipo, azi nsiku zonse nikaiyezo nanywi azi, amaale nkunidzi kwamba mimi ni gani? Yuḍejwonse anioneye mimi kesakumuona Baba. Mani d̯ubva sasa unakwambadze kwamba nimumuyange Baba?

Yohana 17:22

Haya marembo unimpiyeyo mimi, ndiyo yangu nami niwapfiyeyo wao, ili waweze kuwa kintu kimodza dza hivi vyangu nawe huivyo.

Yohana 17:24

Baaba, natsaka hawaḍe uwanimpiyeo wawe pfamodza nami hapfaḍe nidzepfowa, ili wanione maremboni mwangu. Kuningiza humu humu maremboni kwa kwamba wiwa kunitsaka hangu lumwengu ntajudzaumbwa.

Yohana 18:37

Nae Pilato kamuuza kamwamba, “Kwa hivyo wewe u haju?” Yesu kamwambukuya kamwamba, “Wewe kuvinena na kanwako mwenye! Mimi nidza nivyajwa lumwenguni niisumwiiye hi hachi. Na kula aitsakiye hi hachi, ananisikia.”

Yohana 2:11

Hiḍi ḍiiwa ndiḍyo dzambo ḍya d̯ura ḍya kumakisa ḍya Yesu ahendeyeḍyo. Kaḍihenda mudzi wa Kana wiwokuwa ḍyimbo ḍya Galilaya. Na kwa kuhenda hivi, Yesu kayanga uwezowe mukuu eokuwa nao, ndookomu hawa wanafund̯iwe wamuhikiza.

Yohana 3:16

Koro Muungu kajutsaka lumwengu hat̯a kamuyavya Mwanawe madiani, ili kula amuhikiziye atsekwaara, ela awe na maisha ya kuunga na yuungo.

Yohana 3:18

Ndookomu kula amuhikiziye nkahukumigwe, ela kula asiyemuhikiza huyo kesakuhukumigwa kwa dzambo kadziza kumuhikiza Mwana madiani jwa Muungu.

Yohana 6:51

Mimi ndimi hichi chakuḍya kiyawiyecho mbinguni, chichonapfa wantu maisha. Kula eyenaḍya hichi hichi chakuḍya anakaa mojo maishi. Hichi hichi chakuḍya ni hu mwii wangu, nidzeouyavya kwa dzambo ḍya kujupfa maisha huju lumwengu.”

Yohana 8:32

Munaimanya hi hachi ne hachi nayo inamuweka huru.”

Mahendo 13:33

sasa kesakuhuhendeya swiswi hwiwo yuvyee jwao, epfomufufuya Yesu kuyawa kwa wafu. Dza vyorejwevyo chuoni mwa Zaburi dhango ḍya pfii kwamba, ‘Wewe u Mwanangu, yeo nikuvyaa.’

Warumi 8:3

Hi *Sharia ntaikuweza kuhuweka huru kwa dzambo ḍya udhaifu wehu wa kibenaad̯amu. Ela Muungu kahuweka huru kwa kumuhuma huyu Mwanawe jeje mwenye, adziye akivyajwa na mwii wiwo dza hi mii yehu ya nabvise. Kadza lumwenguni kahukumigwa ili azihunwiiye nabvise zehu.

Warumi 9:5

Wabibi zao, (aḍe Iburahimu na wanawe) wewa ni wantu wa Muungu. Na hat̯a huyu Kirist̯o mwenye, kavyajwa dza mwanaad̯amu kuyawa chicho kyeet̯i chao cha Waisiraeli. Jeje ni Muungu eye dzuu ya vyonse na anamala kushad̯wa hat̯a pfasipfosia! Amina.

1 Wakorint̯o 15:47

Huyu Ad̯amu jwa d̯ura kaumbwa na mutsanga wa hi nsi, na huyu Ad̯amu jwa pfii kayawa mbinguni.

2 Wakorint̯o 12:9

Ela kula mweedha jeje kanyamba, “T̯ei yangu kwako it̯osa. Koro wewe mwenye wipfonawa mudhaifu, ndipfo pfa nguvu zangu zipfonahenda kazi urembo zaid̯i.” D̯ubva mimi natsekea kudziona kwa dzambo ḍya udhaifu wangu, nipate kuona nguvu za Kirist̯o zikihenda kazi kuzimuni mwangu.

Wagalatia 4:4

Ela ngera ipfofika ḍa, Muungu kamuhuma Mwanawe. Kadzakavyajwa dza mwanaad̯amu ili naswi hwonse hupate kuwa wana wa Muungu. Na pia kavyajwa nsii ya *Sharia ya Kiyahud̯i apate kuwakombowa hawaḍe weokuwa nsii ya hi Sharia.

Waefeso 3:8

Na hali kahi ya wantu wonse wa Muungu, mimi ndimi nisiyekuwa na maana jwa mwiso. Ela hat̯a vivyo, Muungu kanimpa kazi ya maana ya kuwasumwiiya wantu wa vyeet̯i dzuu ya mema makuu na makuu ya Kirist̯o yasiyo chima.

Wakolosai 1:19

Koro Muungu mwenye katsakizwa kwamba Kirist̯o awe na hu umuungu wakwe wonse.

Wakolosai 2:3

Kirist̯o jeje heket̯u ndiye eyenahupfa mvidhyo ya kuyaimuka urembo haya maagu ya Muungu, yeyo dza nkandi ya thamani.

Wakolosai 2:9

Koro Kirist̯o ana umuungu wonse wiwokuishini kuzimuni mwa mwii wa kiwanaad̯amu.

1 Timoteo 3:16

Na ya kwamba hi ngadzi ye faro yehu ni nkuu, hayo hayo ntaya kajela. Kirist̯o kadza lumwenguni dza mwanaad̯amu, na kayanganywa ni huyu Ruhu kwamba ni muhachi. Kaonegwa ni malaika, na nsumwiizi dzuuye zisumwiijwa kwa vyeet̯i vingine vyonse. Kahikizwa ni wantu wa lumwengu yuzima, na kahwajwa kwenda kwa Muungu mbinguni dzuu.

Waeburania 1:3

Huyu Mwana kakuyangaani na marembo ya Muungu, na jeje ka ḍa na Muungu. Jeje ndiye eyekujuwekani lumwengu yuzima kwa nguvu za chuuwoche. Kahudheresa nabvise zehu kisa kakaa mukono kuyume wa Muungu awee mbinguni.

Waeburania 1:5

Koro Muungu nkakunena na malaika yuḍejwonse, amwambe, “Wewe u Mwanangu, yeo nikuvyaa.” Na wala nkakunena dzuu ya malaika yuḍejwonse ambe, “Mimi nawa Babajwe, nae anawa Mwanangu.”

Waeburania 10:5

Ndiyo maana, *Kirist̯o epfoakidza lumwenguni, kamwamba Muungu, “Wewe nkukutsaka mvuugiya wala mat̯ola ya wantu ya kukuyavia. Ela kunimpa mwii wa mwanaad̯amu.

Waeburania 2:11

Huyu eyenadheresa wantu, yani Yesu, na hawa eonadheresa, wonse Baba jwao ni mumodza. Ndiyo maana jeje Yesu nkaone yutswa kuwahana wanduguzwe.

Waeburania 5:5

Hat̯a *Kirist̯o mwenye, nkakudzipfa jeje hu ukuu wa kuwa Mukohani Mukuu. Muungu mwenye ndiye amutsaniye akimwamba, “Wewe u Mwanangu, yeo nikuvyaa.”

1 Yohana 4:14

Na vya kwamba huyu Baba kamuhuma Mwanawe adze awe mupfonya jwa lumwengu, huviona, na hwakuvisumwiiyani na wangine.

1 Yohana 4:9

Muungu kayanga tswee matsakoye kwehu, kwa kumuhuma lumwenguni Mwanawe madiani. Kamuhuma ili kwamba kuchiiya na kwakwe, hupate maisha ya kuunga na yuungo.

2 Yohana 1:7

Humu lumwenguni kuhika waalimu wenji na wenji weo na makulekule. Hawa ni wantu weokudzizani kuhikiza ya kwamba Yesu *Kirist̯o kadza dza mwanaad̯amu. Wantu dzao ni wapfinga Kirist̯o na ni wantu weonakulakula.

Upfenuo wa Yohana 19:13

Kavwaa vwazi ḍidzaiyeḍyo myazi t̯ipu, na sariḍye anahanigwa Chuuwo cha Muungu.

Upfenuo wa Yohana 21:3

Kisa nisikia saut̯i nkuu kuyawa hapfaḍe pfe kiti cha kihaju ikyamba, “T̯ayowani! Sasa makao ya Muungu yesakuwa pfamodza na wanaad̯amu. Jeje anakaa pfamodza nao, nao wanawa wantuwe. Muungu jeje mwenye anawa pfamodza nao.