Yohana 1:1 - Pokomo

¹ Hangu hapfaḍe ḍabvu lumwengu jusidzaumbwa, huyu eyeakihanwa Chuuwo ewa yupfo. Jeje ewa pfamodza na Muungu na ewa ni Muungu.

Yohana 1:1 Iomraidhean Croise

Matayo 1:23

Ewa kamba, “T̯asikiani! Mwanamuke galit̯ama kadzamiha na kadzavyaa mwanamuyume. Nao wadzamuhana Imanueli.” (Yani, “Muungu ka pfamodza naswi.”)

Luka 24:53

Ndookomu wekyenda *Hekaluni kut̯wa na kumushad̯a Muungu.

Yohana 1:14

Huyu eyeakihanwa Chuuwo kawa mwanaad̯amu na kaishi kahi yehu. Huuona uwezowe mukuu, yani uwezo eo nao dza Mwana jeje heket̯u jwa huyu Baba. Kahuyanga winji wa matsakoye kwehu na kahupfa kumanya kula kintu dzuu ya Muungu.

Yohana 1:18

Ntaku amuoneye Muungu lamud̯a huyu Mwana jwa Muungu jeje heket̯u ambaye jeje mwenye ni Muungu. Jeje na huyu Baba wana uhusiano wa hafufi muno, na ndiye amuhendezeye huyu Baba amanyikane aivyo.

Yohana 1:2

Hangu pfapfaḍe ḍabvu, huyu huyu eyeakihanwa Chuuwo ewa pfamodza na Muungu.

Yohana 16:28

Mimi niyawa kwa Baba nidza lumwenguni, na nyakunukani lumwenguni niuje kwa Baba.”

Yohana 17:5

D̯ubva sasa Baaba, ningiza humuḍe maremboni mwako nimokuwa pfamodza nawe hangu lumwengu ntajudzaumbwa.

Yohana 20:28

Nae Tomasi kamwamba, “Wewe u Ḅwana jwangu na Muungu jwangu!”

Yohana 8:58

Nae Yesu kawambukuya kawamba, “Hachi nyakumwambiani, hangu Iburahimu nkadzavyajwa mimi niiwapfo!”

Warumi 9:5

Wabibi zao, (aḍe Iburahimu na wanawe) wewa ni wantu wa Muungu. Na hat̯a huyu Kirist̯o mwenye, kavyajwa dza mwanaad̯amu kuyawa chicho kyeet̯i chao cha Waisiraeli. Jeje ni Muungu eye dzuu ya vyonse na anamala kushad̯wa hat̯a pfasipfosia! Amina.

Waefeso 3:9

Nipfegwa kuwaimusya wantu wonse dzuu ya hi hii ngadzi ya Muungu aumbiye kula kintu. Hi ni ngadzi eyoiwafitsa wantu hangu myaka na myaka ichiiyeyo.

Wafilipi 2:6

Ingawa ewa na asili ya Umuungu, ela jeje hukuḍe kuwa sawa na Muungu, nkakukuhwaiya kuwa dzambo ḍya kuḍihabvaka gu.

Wakolosai 1:15

Muungu nkaonekane, ela kuzimuni mwa Kirist̯o hunaona namuna ya Muungu aivyo. Kirist̯o ana mamulaka dzuu ya kula kintu kiumbijwecho.

Wakolosai 1:17

Jeje ewapfo kaḅila ntakudzawa kintu kiḍechonse kingine, na ndiye eyenahendeza kula kintu kiumbijwecho kikae pfantupfe.

1 Timoteo 3:16

Na ya kwamba hi ngadzi ye faro yehu ni nkuu, hayo hayo ntaya kajela. Kirist̯o kadza lumwenguni dza mwanaad̯amu, na kayanganywa ni huyu Ruhu kwamba ni muhachi. Kaonegwa ni malaika, na nsumwiizi dzuuye zisumwiijwa kwa vyeet̯i vingine vyonse. Kahikizwa ni wantu wa lumwengu yuzima, na kahwajwa kwenda kwa Muungu mbinguni dzuu.

Tito 2:13

huku hukiindiiya hiyo Nsiku ya tsekea hwiyokuieghat̯ani. Hiyo hiyo Nsiku, marembo ya Muungu jwehu mukuu na mupfonya jwehu Yesu *Kirist̯o yanaonekana.

Waeburania 13:8

Koro Yesu *Kirist̯o nkadzaperuka. Ni yuyuḍe jwa dzana, yeo, na hat̯a pfasipfosia.

Waeburania 7:3

Ntaku matsoro yaḍeyonse, yahadziyeyo kiḍechonse, dzuu ya babajwe ambu mamajwe Melekized̯eki, na wala dzuu ya wabibizwe. Nkadzigwi kuvyajwakwe wala kufwakwe. Jeje ka dza huyu Mwana jwa Muungu kwa kwamba anakaa dza mukohani maishi.

2 Pet̯ero 1:1

Mimi Simioni Pet̯ero, niiye muhumisi na *ntumi jwa Yesu *Kirist̯o, nyakumworeani nywinywi nyonse mumuhikiziyeo Yesu Kirist̯o, eye Muungu na mupfonya jwehu. Yesu kamuhendeza muwe na faro iyo na thamani dza hi ahupfiyeyo swiswi kwa dzambo ḍya wemawe.

1 Yohana 5:20

Na pia humanya ya kwamba huyu Mwana jwa Muungu kadza, na kahupfa kuimuka hupate kumumanya huyu Muungu jwa ḍugha. Naswi hwakuishini kuzimuni mwa huyu Muungu jwa ḍugha, koro hwaa kuzimuni mwa huyu Mwanawe, Yesu Kirist̯o. Na huyu ndiye huyu Muungu jwa ḍugha na ndiye eye na haya maisha ya kuunga na yuungo.

1 Yohana 5:7

Kuna mashaahiḍi wahahu,

Upfenuo wa Yohana 1:11

Hi saut̯i inyamba, “Haya wiyokuyaonani, yore uyapfiike kwa haya matsanganiko mafungahe yeyo ḍyimbo ḍya Asia. Yapfiike kwa tsanganiko ḍya Efeso, Simirina, Pagamo, Thiatira, Saridi, Filadelifia na Laodekia.”

Upfenuo wa Yohana 1:17

Mimi nipfomuona, nimugwiya maguuni pfakwe, na nikaa dza muntu afwiye. Ela jeje kaniweka mukono wakwe wa kuyume na kanyamba, “Nkudzoshooge! Mimi ndimi ḍabvu na mwiso.

Upfenuo wa Yohana 1:2

Nami nyora hayaḍe yonse niyangijweyo. Nyora hi ya hachi dzuu ya hichi chuuwo cha Muungu na haya niyangijweyo dzuu ya Yesu Kirist̯o.

Upfenuo wa Yohana 1:8

Ḅwana Muungu mwenye nguvu zonse, jeje eyekuwapfo, eyepfo na adzeyekudza, kamba, “Mimi ndimi Ḍabvu na Mwiso. Ndimi niyenaḍabvisa mambo yonse na ndimi niyenayesa.”

Upfenuo wa Yohana 19:13

Kavwaa vwazi ḍidzaiyeḍyo myazi t̯ipu, na sariḍye anahanigwa Chuuwo cha Muungu.

Upfenuo wa Yohana 2:8

Kisa huyu eyekuwa dza Mwana jwa Ad̯amu kanyamba, “Kwa huyu malaika jwa tsanganiko ḍya Simirina, mworeye umwambe, ‘Huyu eye ḍabvu na mwiso, na afwiye kisa akifufuka, kamba hivi:

Upfenuo wa Yohana 21:6

Kisa kanyamba, “Visakusiya! Mimi ndimi Ḍabvu na Mwiso. Ndimi niyenaḍabvisa mambo yonse na ndimi niyenayesa. Yuḍejwonse eye na nchiu, namumpa madzi ya ḅure yeyonayawa kwa matsana ya madzi yeyonapfa wantu maisha ya kuunga na yuungo.

Upfenuo wa Yohana 22:13

Mimi ndimi Ḍabvu na Mwiso, jwa d̯ura na jwa mwiso. Ndimi niyenaḍabvisa mambo yonse na ndimi niyenayesa.”

Upfenuo wa Yohana 3:14

Yesu kagija kunena nami kanyamba, “Kwa huyu malaika jwa tsanganiko ḍya Laodekia, mworeye umwambe, ‘Huyu eyenahanwa Amina, eye shaahiḍi muhikizika jwe hachi na ambaye kula kintu kiumbwa kuchiiya na kwakwe, kamba hivi: