Yakobo 5:10 - Pokomo

¹⁰ Yowani mufaano wa hawa manabii weowakikaa na kuyavya maagu ya Muungu eyoakiwapfa. Wao wakuntiswa d̯ina amoo wait̯isa.

Yakobo 5:10 Iomraidhean Croise

Luka 13:34

Yerusalemi, e Yerusalemi! Mudzi wiwonayaga manabii na kuwabiga na mawe *ntumi wa Muungu! Ni myeedha myengaa nitsakiyeyo kuwatsanganya wantuwo pfamodza, dza hiviḍe vya nkuku evyonawafunamia wanawe nsii ya maḅawaye? Ela wewe kudziza!

Luka 6:23

Hivyo hivyo vikimuhendekea, ishinu tsekeani muno na kutsumpa-tsumpa kwa kwamba Muungu kamuwekea t̯ubvo kuu muno mbinguni. Koro hat̯a wabibi zao wawahendea manabii wa kae dzevihivi.

Mahendo 3:21

Ni had̯i ahafe mbinguni hat̯a ngera ya mambo yonse ya kuhendwa mapfya idzepfofika, dza vya Muungu evyonena kuchiiya na kwa manabii wakwe, hangu kae na kae.

Mahendo 7:52

Ni nabii ga, asiyekuntiswa d̯ina ni wabibi zehu? Wawayaga hawa manabii wa Muungu weolalabva kae kudza kwa muhumisijwe muhachi. Kadza, na hi saasambi mumuḍawanya na mumuyaga.

Waeburania 13:7

Wakumbukeni hawa wayongozi wenu weomusumwiiya chuuwo cha Muungu. Yowani namuna wevyoishi na namuna wadzevyowakifwa, nanywi mut̯aḅe hi faro yao.

Yakobo 4:11

Wandugu zangu, yatsani kuneneana mazuka. Koro yuḍejwonse eyenamunenea mazuka muhikiza mwenziwe na kumukizia hukumu, huyo kakuineneani mazuka *Sharia ya Muungu na kakuiyavyani matsowa. Wewe ukwakuiyavyani matsowa hi Sharia, nkukwakuiuḅani! Kwakudzihendezani muntu jwa kuiyavya matsowa t̯u.

Yakobo 5:13

Ikiwa kwamba kahi yenu kuna yuḍejwonse eye d̯inani, namuyombe Muungu. Na ikiwa kwamba kuna yuḍejwonse eye na tsekea, namushad̯e Muungu na meya.

Yakobo 5:7

Wandugu zanguni, nywinywi it̯isani huku mukwakuyoweeyani kudza yupfii kwa Ḅwana. T̯ayowani namuna ya wantu weonaima wevyonait̯isa mumpaka wakavuna makonde yao. Wao wanait̯isa mumpaka hi mvuya ya kuivyaza hi mimea ikanya, na wakapata bvaro.

Yakobo 5:9

Wandugu zangu, namutsekaiya kuwawakiana nywinywi na nywinywi mutsekudzahukumigwa. Manyani, huyu Muhukumu Mukuu kamaawa hafufi kudza!