Yakobo 4:17 - Pokomo

¹⁷ D̯ubva, muntu amanyiye hi ya hachi ya kuhenda kisa akatsaihenda, huyo kakuhendani nabvise.

Yakobo 4:17 Iomraidhean Croise

Yohana 13:17

Na kwa kwamba haya haya ni mambo muyamanyiyeyo, d̯ubva yahendeni ili mupate kuvodhyegwa.

Yohana 15:22

T̯ambere nindeewa sikudza nidzeninene nao, wandeewa ntawa tsowa. Ela kwa kwamba nimaakudza na nimaanena nao, ntawa kipfangizo kawii cha kuhendea nabvise.

Yohana 9:41

Yesu kawambukuya kawamba, “T̯ambere nywinywi mundekuḅali kwamba nywinywi mu ntumbu matso, ntamundeewa na matsowa. Ela kwa kwamba mwakwambani kwamba mwakuonani na huku sivyo, munahafa na nabvise zenu.”

Warumi 1:32

Hawa hawa wantu wamanya tswee kwamba, wantu weonahenda mambo mazuka mazuka dzayo, Muungu anawahukumu kufwa. Ela wao ntaviwamud̯e! Wanagija kuhenda mazuka nangere na kuwangiza mojo na wangine wagije kuhenda mazuka.

Warumi 7:13

Mani d̯ubva kwa avi nineneyevyo mwakuniimukani dza kwamba nyakwambani achi chicho chema kiniyehea kufwa? Moro sikwakunenani hivyo hat̯a! Ela nyakunenani kwamba, nabvise ndiyo itumiiyeyo hichi hichi chicho chema, yani hi amuri, na yakuningizani kufwani. T̯ayowani namuna ya nabvise ivyo nzuka! Inatumia kintu chema kiyawiyecho kwa Muungu, na ikangiza wantu kufwani.

2 Pet̯ero 2:21

Hat̯a indeewa heri kwao kutsaimanya hi njia ya hachi, kuliko kwamba waimanye makisa waiyatse hi amuri waipfegejweyo ni Muungu.