Yakobo 3:13 - Pokomo

¹³ Kukiwa yuḍejwonse kahi yenu, eye na mvidhyo na uimufu wa njia za Muungu, naviyange na t̯aḅiaye kwamba anakaa akiishi dza muntu mumpowe na eye na mvidhyo.

Yakobo 3:13 Iomraidhean Croise

Matayo 11:29

Dziwekeni nsii yangu na mudziyongweeze kuyawa kwangu. Koro mimi ni mumpowe na nina mojo mununu. Mukihenda hivi, ndipfo munapata kuingamaa myojo.

Matayo 21:5

“Nenani na wantu wa Sayuni muwambe, ‘Nywinywi wantu wa Sayuni, T̯ayowani, huyu haju jwenu kakudzani. Jeje ni mumpowe muno. Kapfaa dzuu ya hare. Yani, kakudzani na hare na mwanawe.’ ”

Matayo 5:5

Mudzawa na tsekea iyodze nywinywi mwiwo wampowe, koro mudzajupfegwa huju lumwengu jwonse juwe jwenu.

Matayo 7:24

Yesu kagija kuyongweeza kamba, “D̯ubva kula adzeevisikiiya vyuuwo vyangu na akivigija, anawa dza muntu karo ambakiye nyumbaye dzuu ya mwamba.

1 Wakorint̯o 6:5

Kare onani yutswa bve! Munamba kahi yenu ntaku muntu karo hat̯a mumodza jwa kwamba anaweza kuyanena ayese aya matsowano kahi ya hawa wandugu?

2 Wakorint̯o 10:1

Wangine wenu wanakwamba, mimi nipfonawa pfamodza nanywi ni mupfoozi mupfoozi, ela nipfonawa kuye nanywi nahenda mukali. Ela mimi Paulo, nyakunenani nanywi na umpowe na wema dza huḍe wa *Kirist̯o eokuwa nao.

2 Wakorint̯o 8:24

Hawa wantu wayangeni kwamba muwatsaka, ili kwamba haya matsanganiko yawahumiyeyo, yavisikie, na yamanye kwamba, hwiiwa na hachi ya kudziona kwa dzambo ḍyenu.

Wagalatia 5:23

umpowe na kudzimiza. Ntaku Sharia iyonayadziza haya haya mambo.

Wagalatia 6:1

Wandugu, muntu akigwa nabviseni, nywinywi mwiwo wangoru kiruhu ni had̯i mumuudzye njiani na umpowe. Ela manyani nanywi pia mutseegwa maḍemoni.

Wagalatia 6:4

Kula muntu nadzipime haya mahendoye jeje mwenye, kisa ndipfo adzione kuuḅana na hivi vyakwe mwenye ahendeyevyo, si kwa kudziinganya na vya wangine wahendeyevyo.

Waefeso 4:2

Nywinywi meshi wani wantu wa kutsadziona na muwe wampowe kwa wangine. Wani wantu wa kuit̯isa, na yanganani matsako kwa kutsadhimwana.

Wafilipi 1:27

Cha mud̯a t̯u ni kwamba, maisha yenu ni yaingane ḍa na hivi vya hi injili ya Yesu Kirist̯o ivyonatsaka. Ni yawe hivi ili kwamba, ninkiweza kudza kwenu ambu ninkitsaweza kudza, nangaa nisikiye kwamba musumama urembo mukiwa na kusuḍi modza, na mukiwa kuiheheani kwa umodza hi faro yenu mwiyonayo kwa haya Maagu Mema.

Wakolosai 3:12

Kwa kwamba Muungu kamutsana muwe wantuwe watsakwa, weo wadheru, ni had̯i muwe wantu wat̯ei na muwe na myojo myema kwa wangine. Wani wantu wa kutsadzihwaa, wani wampowe, na muwe wantu wa kuit̯isa.

1 Timoteo 4:12

Nkudzowayatse wantu wakubalife kwa dzambo ḍya kwamba u mwana, ela ikaa dza mufaano kwa hawa wahikiza, kwa kunena kwako, t̯aḅia yako, matsakoyo, na kwa kuhikizika kwako na uishi maisha yasiyo alano.

1 Timoteo 6:11

Ela wewe Timoteo, wiye muntu jwa Muungu, dzit̯anye na hayo hayo mambo yonse. Jwania kuwa muntu jwa kuhenda miro ya Muungu. Jwania kuwa muntu mudheru, muntu jwa faro, muntu jwa matsako, muntu jwa kuit̯isa, na muntu mumpowe.

2 Timoteo 2:25

Akwakuwafundani hawa weonamupfinga, ni awafunde na umpowe. Pfangine Muungu anawapfa kupfyehuza mama, na wanaimanya hi hachi.

Tito 3:2

Nawatsekaiya nyano na kuwa wantu wasio na naghea, ela nawawe wantu wa kusikiana, na meshi wawe wampowe kwa kula muntu.

Waeburania 13:5

Nywinywi namutsehekwa ni uhamile wa kutsaka fwedha. Furumani na hivi mwivyonavyo, koro Muungu kamba, “Siwezi kumuyatsa, na wala siwezi kumufat̯ula.”

Yakobo 1:21

Ndookomu nanywi, dzyapfuseni na kula aina ya hendo zuka na mambo yasiyokuwa mema. Ipfokeyeni na umpowe hi mbeju ya chuuwo cha Muungu ihodzejweyo myojoni mwenu. Koro ndicho chuuwo chichonaweza kumupfonya.

Yakobo 2:18

Wewe unaweza kunena kwamba, wangine wakiwa na faro ni sawa, na wangine wakiwa na mahendo mema ni sawa. Ela niyanga namuna ya muntu evyonaweza kuwa na faro pfasipfo kuwa na mahendo mema, nami nakuyanga hi faro yangu kwa haya mema niyonahenda.

Yakobo 3:1

Wandugu zanguni, si kula muntu kwamba atsake kuwa mwaalimu jwa tsanganiko hat̯a! Koro dza mumanyiyevyo, swiswi waalimu, Muungu kadzahuhukumu vyumuni kuchia wantu wangine kwa hayaḍe mazuka hwiyonahenda.

Yakobo 3:17

Ela hi mvidhyo iyonayawa kwa Muungu, nguzi d̯ura inamumpa muntu kuishi maisha yasiyo t̯amba zuka ḍiḍeḍyonse. Kisa, inamumpa kutsaka kuishi na wantu na naghea, inamumpa kut̯aria wenziwe na inamumpa mojo wa kusikiiya na kuhwaa vyuuwo vya wangine. Mvidhyo ya Muungu inamumpa muntu kufwia t̯ei wenziwe na kuwahendea mema kut̯wa, na nkawezi kuwa na uḅaguzi wala umbiimbii.

1 Pet̯ero 1:15

Ishinu nanywi, wani wadheru kwa kula njia dza hiviḍe vya huyu amuhaniye aivyo mudheru.

1 Pet̯ero 2:12

Ikaani na t̯aḅia nyema kahi ya hawa walumwengu, ili kwamba hat̯a wakimunenea mazuka, wayaone haya mahendo yenu mema na waweze kumushad̯a Muungu nsiku adzeyokudza.

1 Pet̯ero 2:9

Kenge nywinywi mu kyeet̯i kidheru cha wantu watsanijweo ni Muungu. Kamuyavya kizani kamungiza muyangani muwe wakohani wa hila nkuu, ili muweze kulalabva haya mafara yakwe ya kumakisa.

1 Pet̯ero 3:4

Ela rembo ḍyenu naḍiwe kuzimu ya myojo yenu. Naḍiwe rembo ḍisiḍyosia, ḍya myojo mimpowe na iingamaiyeyo, iyo ya thamani nkuu usoni kwa Muungu.