Yakobo 3:1 - Pokomo

¹ Wandugu zanguni, si kula muntu kwamba atsake kuwa mwaalimu jwa tsanganiko hat̯a! Koro dza mumanyiyevyo, swiswi waalimu, Muungu kadzahuhukumu vyumuni kuchia wantu wangine kwa hayaḍe mazuka hwiyonahenda.

Yakobo 3:1 Iomraidhean Croise

Matayo 10:24

Mwanafund̯i si mukuu kumuchia mwaalimuwe, na wala muhumwa si mukuu kuchia huyu ḅwana jwakwe.

Matayo 23:13

Ela nywinywi Mafarisayo na waalimu wa Sharia mudzawa na d̯ina iyodze na umbiimbii wenu! Nywinywi kuunjia Uhaju wa Mbinguni ntamu haḍya, na hawaḍe weokutsakani kuunjia nao pia mwakuwafungiyani watseunjia!

Matayo 9:11

Hawa *Mafarisayo wepfoona hivi, wawauza hawa wanafund̯iwe wawamba, “Kut̯i ayu mwaalimu jwenu kakuḍyani na wahwaa kuwa na wantu wangine wanabvise?”

Luka 16:2

D̯ubva kamuhana kamwamba, ‘Aya ya wantu weyokunenani dzuuyo ni ḍugha? Natsaka uyange namuna wivyoukiyasumamia haya mali yangu, koro nkunamala kuwa musumamizi jwangu kawii.’

Luka 6:37

Yesu kagija kuyongweeza kamba, “Namutsehukumu wenzenu ili nanywi mutsekudzahukumigwa. Namutsealat̯a wenzenu, ili nanywi mutsekudzaalat̯igwa. Wayatsiyeni wenzenu ili nanywi mupate kuyatsijwa ni Muungu.

Yohana 3:10

Yesu kamwambukuya kamwamba, “Wewe mwaalimu muzima jwa Kiisiraeli, nawe haya haya nkuyadzi?

Mahendo 13:1

Humu mwa hiḍi tsanganiko ḍya wantu wa Antiokia kwiwa manabii na waalimu. Wewa Baranaba, Simioni eyeakihanwa Mweusi, Lukio jwa kuyawa Ukirene, Manaeni ayeyejwee pfamodza na haju *Herod̯e, na Sauli.

1 Wakorint̯o 12:28

Humu tsanganikoni, Muungu katsana wantu. Wa d̯ura ni hawa *ntumi, wa pfii ni hawa weonasumwiiya Maagu ya Muungu, na wa hahu ni hawa waalimu. Kisa kuna na wahenda mambo ya mafara, wakiuḅwa ni hawaḍe weo na mat̯ola ya kupfoza wajwazi na hawaḍe weonaweza kusaiḍia wasiodziweza. Kisa kuna na hawaḍe weo na mat̯ola ya kusumamia wantu na hawaḍe weonaweza kunena na lugha ngeni.

2 Wakorint̯o 5:10

Koro hwonse ni had̯i hudzehusumame usoni ya *Kirist̯o, muhukumu jwehu. Jeje anahukumu kula mumodza jwehu na kumumpa t̯ubvo ambu adhaḅu dza evyonamala, akiyowa mahendo mema ambu mazuka ya muntu ahendeyeyo kuzimuni mwa maisha yakwe hapfa lumwenguni.

Waefeso 4:11

Ndiye apfiye wantu mat̯ola ya kuwa *ntumi, wangine wawe manabii na wangine wawe wainjilisti. Wangine kawapfa mat̯ola ya kuwa wat̯ikisa na waalimu.

1 Timoteo 1:7

Wanatsaka kuwa wayongweeza wa *Sharia, ela ntawadzi maana ya hivi vyuuwo vyao wenye wala haya mambo weyonanena na muvuku.

1 Timoteo 2:7

Ndiyo maana nitsanijweyo dza *ntumi na mwaalimu jwa wantu wa vyeet̯i vingine, niwasumwiiye haya maagu ye faro ya hachi. Na haya niyokunenani ni ḍugha, si nsuwe hat̯a!

2 Timoteo 1:11

Muungu kanitsana mimi dza ntumi, nisumwiiye na kuyayongweeza haya Maagu Mema.

Waeburania 13:17

Wat̯iini wayongozi wenu na muuḅe hivi wevyonamwambia. Wao wakudzitsovyani nsoho kwa dzambo ḍya kumumuud̯amia nywinywi, maanaye ni had̯i wadzewamuyange Muungu hi kazi yao wahendeyeyo. Wat̯iini wapate kuihenda kazi yao na tsekea. Mukitsawat̯ii, kazi yao inawa nyumu na wanaihenda na tsungu, ndookomu hi kazi yao ntaimufaiḍi na kintu.

Yakobo 1:16

Wandugu zangu watsakwa, namutsekulika-kulika hat̯a!

Yakobo 1:19

D̯ubva wandugu zangu watsakwa, kula mumodza jwenu nawe mupesi jwa kusikiiya, ela natseewa muharaka jwa kut̯amuka ambu jwa kudzirejea ḅasi ḅasi.

Yakobo 3:10

Kako kanwa kamodza kanaḍuwa na kako kanwa kakamushad̯a Muungu. Wandugu zanguni, sivyo!

1 Pet̯ero 5:3

Namutsedzihendeza wakuu kwa hawaḍe weo nsii yenu, kenge uyangeni hu mwona mufaano mwema wa maisha ya Kikirist̯o.