Yakobo 1:5 - Pokomo

⁵ Muntu akitsowa mvidhyo ya kumanya namuna ya Muungu evyonatsaka huishi, namuyombe Muungu, nae anaimumpa. Koro Muungu akwakumumpani muntu kintu, anakimumpa na mojo mumodza, wala nkawezi kumuajaisa.

Yakobo 1:5 Iomraidhean Croise

Matayo 11:20

Makisa Yesu kaḍabva kunena na ukali dzuu ya wantu wa midzi asumwiiyeyo na akihenda mambo menji ya mafara. Kanena na ukali kwa kwamba ewa kasumwiiya na kuhenda mambo menji ya kumakisa kahi yao, ela hat̯a vivyo ntawakupfyehuza mama.

Marko 16:14

Ḅaad̯aye kawii, Yesu kawat̯upukia hawaḍe wanafund̯iwe kumi na mumodza wepfokaa kuḍyani. Kawabusa vyumuni kwa kutsowa faro kwao na myojo yao myumu, koro ntawakuwahikiza hawaḍe wamuoneyeo epfofufuka.

Yohana 14:13

Nywinywi yombani kiḍechonse kwa sari ḍyangu, nami nachimuhendea. Na kwehii namuna Baba anapata kumanyikana namuna aivyo mukuu kuchiiya na kwa huyu Mwanawe.

Yohana 15:7

Nywinywi mukikaa kuzimuni mwangu na vyuuwo vyangu vikikaa kuzimuni mwenu, yombani kiḍechonse nanywi munakipfegwa.

Yohana 4:10

Yesu kamwamba, “Wewe nkuidzi hi nt̯unu ya Muungu eyonapfa wantu, na wala nkudzi kwamba ayu eyekukuyombani madzi ni ga. Koro t̯ambere undemanya, undemuyomba jeje madzi nae andekupfa madzi yeyonapfa wantu maisha.”

2 Wakorint̯o 2:16

Kwa hawaḍe weokwaarani, hi ni harufu nzuka iyonayaga. Ela kwa hawaḍe weokupfonywani, haya ni manunkanto yeyonayeha maisha yasiyosia. D̯ubva, eyenaiweza kazi dzehii ni ga?

Yakobo 1:17

Kula chicho chema na kisicho kapet̯a kinayawa kwa Muungu, aumbiye hiḍi dzuwa, mwezi na nyoha. Ela Muungu jeje nkakwaa dza hiḍi dzuwa, mwezi na nyoha, vivyonaperuka-peruka. Na wala nkakwaa dza vivwii vivyonaperuka-peruka!

Yakobo 3:17

Ela hi mvidhyo iyonayawa kwa Muungu, nguzi d̯ura inamumpa muntu kuishi maisha yasiyo t̯amba zuka ḍiḍeḍyonse. Kisa, inamumpa kutsaka kuishi na wantu na naghea, inamumpa kut̯aria wenziwe na inamumpa mojo wa kusikiiya na kuhwaa vyuuwo vya wangine. Mvidhyo ya Muungu inamumpa muntu kufwia t̯ei wenziwe na kuwahendea mema kut̯wa, na nkawezi kuwa na uḅaguzi wala umbiimbii.

Yakobo 5:16

D̯ubva, nywinywi namutsefitsa kwambiana nabvise zenu na namutseyatsa kuyombeana ili Muungu apate kumupfoza. Mayombo ya muntu muhachi yana nguvu na yanahenda mambo makuu.

1 Yohana 3:22

Na kula hwichonamuyomba anachihupfa, kwa dzambo ḍya kwamba hwakuzigijani hizi amuri zakwe na kuhenda yeyonamutsakiza.