Yakobo 1:25 - Pokomo

²⁵ Ela muntu akigija kuyauḅa haya mayongweezo yeyo mema na yeyonahuweka huru, na akitsakwaarerwa kuhenda hivi vya hichi chuuwo chivyonamwambia, Muungu anamuvodhya.

Yakobo 1:25 Iomraidhean Croise

Luka 11:28

Ela Yesu kamwambukuya kamwamba, “Tsekea kindindi nza hawaḍe weonasikia chuuwo cha Muungu na kuchigija.”

Yohana 13:17

Na kwa kwamba haya haya ni mambo muyamanyiyeyo, d̯ubva yahendeni ili mupate kuvodhyegwa.

Yohana 8:36

D̯ubva huyu Mwana akimufunguya akimuweka huru, munawa huru hachi!

Mahendo 13:43

Wantu wepfoyawa nomu sunagogini, Wayahud̯i wenji na wantu wa vyeet̯i wenji wauḅiyeo ḍini ya Kiyahud̯i, wamuuḅa Paulo na Baranaba. Hawa *ntumi wanena nao na kuwangiza mojo wagije kuserefat̯a t̯ei ya Muungu.

Mahendo 2:42

Hawa wonse wagija kuyongweezwa ni hawa ntumi, wakikaa pfamodza dza ndugu, wakihariana chakuḍyani na kumuyomba Muungu pfamodza.

Mahendo 26:22

Kenge Muungu kanigija hat̯a hiḍi hiḍi yeo, ndookomu nami nisumama hapfa, kuyavya ushaahiḍi wangu kwa wantu wonse, kwa hangu wantu wakuu hat̯a waḍoḍo. Haya niyokunenani ni yayaḍe ya Musa na manabii waneneyeyo kwamba nzakudzahendeka:

Warumi 11:22

T̯ayowani namuna ya Muungu aivyo mut̯ei na namuna evyonahukumu. Hawaḍe wamutsoweeyeo kawahukumu vyumuni. Ela nywinywi mukigija kumuserefat̯a, jeje anamufwiya t̯ei. Ela mukiyatsa kumuserefat̯a, hat̯a nanywi pia anamujibat̯a.

Warumi 2:13

Koro Muungu nkamuhwae muntu kuwa muhachi kwa dzambo ḍya kuisikiiya hi Sharia hat̯a, ela anamuhwaa muntu kuwa muhachi ikiwa kwamba kahenda hivi vya hi Sharia ivyonamumala kuhenda.

Warumi 7:12

Ndookomu nichokunenani ni kwamba hi Sharia iyawa kwa Muungu. Na hi amuri nayo pia iyawa kwa Muungu, na inahukumu na hachi na ni nyema.

Warumi 8:15

Kwa kwamba Muungu nkakumumpa Ruhu jwa kumuhendeza wahumwa woga kawii, ela kamumpa Ruhu jwa kumuhendeza wana wa Muungu. Na huyo huyo Ruhu ndiye eyenahuwezesa hukwakumuyombani Muungu hukamuhana Baba jwehu.

Warumi 8:2

Koro kuchiiya na kwa Yesu Kirist̯o, hizi nguvu za huyu Ruhu jwa Muungu eyenamumpa maisha ya kuunga na yuungo zisakumuweka huru kuyawana na hi sharia ya nabvise iyonayeha kufwa.

1 Wakorint̯o 15:58

D̯ubva wandugu watsakwa, sumamani kiyume na mutset̯et̯eleka. Dziyavyeni kuihenda kazi ya Ḅwana kut̯wa, mukimanya ya kwamba hweka ḍyenu kwa kazi ya Ḅwana ntaḍiwezi kuhika ḅasi.

2 Wakorint̯o 13:5

Dzipimeni nywinywi wenye urembo, mudziyowe kwamba muna faro ya ḍugha ambu mu Wakirist̯o sari ḅasi. Ikiwa kwamba ntamuwezi kumanya ya kwamba Yesu Kirist̯o kakuishini kuzimuni mwenu ambu hat̯a, ḅasi nywinywi mumaugwa hu mutihani.

Wagalatia 2:4

na kwiwa wantu weowakitsaka ahinywe. Hawa ni wantu wadzihendezeyeo kuwa wahikiza, wakidzinyeeza-nyeeza wakidzingiza humu kit̯aroni mwehu. Wahunjiiya dza wad̯ozi wakitsaka kunanga hu uhuru wehu hwiwo nao hariani mwa *Kirist̯o Yesu, kwa kuhuhendeza wahumwa wa *Sharia ya Kiyahud̯i.

Wagalatia 5:1

*Kirist̯o kahuweka huru hupate kutsaishi dza wahumwa. D̯ubva ni musumame urembo, na mutseishi dza wahumwa kawii.

Wagalatia 6:2

Tsukwiiyanani mizigo yenu nywinywi na nywinywi, na kwa hi hii namuna munawa kuiuḅani sharia ya *Kirist̯o.

Wakolosai 1:23

Ela ni had̯i mugije kuyahikiza haya Maagu Mema muyasumwiijweyo, na muyagije gu. Ni had̯i mutseyayekeza haya madzikwat̯yo ya Muungu ayamumpiyeyo kuyawana na haya Maagu Mema. Haya ni yayaḍe maagu mwiyosumwiijwa dzuu ya Kirist̯o, yeyokusumwiijwani lumwengu yuzima. Nami mimi mwenye ni mumodza jwa hawaḍe weokuhumikani kwa dzambo ḍya haya haya Maagu Mema.

1 Timoteo 2:15

Ela muke anapfonywa kuchiiya na kwa kuvyaa wana, ikiwa kwamba kait̯isa faroni mwa Yesu, akiwa na matsako na udheru, na wema wa t̯aḅia.

1 Timoteo 4:16

Dzit̯unze mwenye, Timoteo, na uyat̯unze haya mayongweezoyo. Ukigija kuhenda hivi, unadzipfonya wewe na hawa weonakusikiiya.

Waeburania 12:15

Manyani muntu atseuja na nyuma aiyekeze hi t̯ei ya Muungu. Na manyani kutsekudzawa muntu eye dza mbeju ya sumu kahi yenu, atsekudzayeha d̯ina na kunanga wangine wenji.

Yakobo 2:12

Nywinywi kumbukani kwamba, hakika Muungu kadzamuhukumu kuuḅana na kwamba aya mayongweezoye yeyonahuweka huru, muyauḅa ambu hat̯a. D̯ubva, vyuuwo vyenu na mahendo yenu ni had̯i viuḅe hayo mayongweezo.

1 Pet̯ero 2:16

Ikaani dza wantu weo huru. Ela namutseutumia hu uhuru wenu kuhenda mazuka; kenge ikaani dza wahumisi wa Muungu.

1 Yohana 2:24

D̯ubva chimizani, muyangize mojoni haya maagu musumwiijweyo hangu ḍabvu. Mukiyangiza mojoni haya maagu musikiiyeyo hangu ḍabvu, meshi munawa na uharia na huyu Mwana na huyu Baba.

Upfenuo wa Yohana 14:13

Kisa nisikia idzwi kuyawa mbinguni ḍikinyamba, “Vyore hivi vyuuwo hivi: Hangu hi hii saasambi wadzawa na tsekea iyodze hawaḍe wonse wadzeofwa wakiwa kwamba wamuhikiza Ḅwana.” Kisa huyu Ruhu kamba, “Wadzawa na tsekea ḍugha! Koro ḅaad̯a ya hizi d̯ina zonse wakuntiyezo, wadzapata kusoha kwa kwamba haya mahendo yao mema yanauḅana nao!”

Upfenuo wa Yohana 22:14

Wadzawa na tsekea iyodze hawaḍe wayafwiiyeo mavwazi yao. Hao wadzawa na hachi ya kuunjia huḍe mudzi na kuḍya haya matunda ya hu muhi wiwonapfa wantu maisha ya kuunga na yuungo.