Yakobo 1:14 - Pokomo

¹⁴ Ela muntu anaḍemegwa ni t̯amaa zakwe jeje mwenye! Zinamukulakula, zikamuhendeza atsake kuhenda mazuka.

Yakobo 1:14 Iomraidhean Croise

Matayo 15:18

Ela vyuuwo vizuka vizuka vinayawa mojoni mwa muntu. Na hivi ndivyo vivyonamuhendeza muntu kutsaawa mudheru usoni kwa Muungu.

Matayo 15:20

Ḅasi, haya haya mambo ndiyo yeyonamuhendeza muntu kutsaawa mudheru usoni kwa Muungu. Ela kuḍya chakuḍya pfasipfo kunawa mikono, ntakumuhendeze muntu kutsaawa mudheru usoni kwa Muungu.”

Matayo 4:1

Makisa Yesu kayongojwa ni Ruhu Mudheru kenda hat̯a yuwandani, endeyekoakiḍemegwa ni Shaat̯ani.

Matayo 5:28

Ela mimi nyakumwambiani kwamba yuḍejwonse amuyoweye muke na akimumiiya mahe t̯u, huyo kesakunjia rangani nae mojoni mwakwe.

Warumi 7:11

Koro nabvise iitumia hi amuri, iniḍyuurisa na iningiza kufwani.

Warumi 7:13

Mani d̯ubva kwa avi nineneyevyo mwakuniimukani dza kwamba nyakwambani achi chicho chema kiniyehea kufwa? Moro sikwakunenani hivyo hat̯a! Ela nyakunenani kwamba, nabvise ndiyo itumiiyeyo hichi hichi chicho chema, yani hi amuri, na yakuningizani kufwani. T̯ayowani namuna ya nabvise ivyo nzuka! Inatumia kintu chema kiyawiyecho kwa Muungu, na ikangiza wantu kufwani.

Waefeso 4:22

Ndookomu haya maisha mazuka mwiyomukiishi d̯ura yayatseni. Ndiyo mala yamuwozya! Mwiiwa mwaara kwa dzambo ḍya kuuḅa t̯amaa zenu nzuka nzuka.

Waeburania 3:13

Ishinu fundanani kula nansiku, chima cha “Nsiku ya yeo” ivyopfo, ili kutseewa hat̯a mumodza jwenu jwa kukulika-kulika na nabvise na auhendeze mojowe kuwa mumu.

Yakobo 1:13

Muntu akipatwa ni maḍemo, natsekwamba Muungu ndiye eyekumuḍemani. Koro Muungu nkawezi kuḍemegwa anjie kuhendani mazuka, na wala nae nkawezi kumuḍema muntu amungize kuhendani mazuka.

Yakobo 1:15

Muntu akisakumiha t̯amaa nzuka, hizi t̯amaa zinavyaa nabvise. Na hi nabvise ikikuya hat̯a ikyenda ikingora, inavyaa kufwa.