Yakobo 1:1 - Pokomo

¹ Mimi Yakobo, niiye muhumisi jwa Muungu na jwa Ḅwana Yesu *Kirist̯o, nyakumworeani nywinywi wahikiza mwiwo wa vyeet̯i kumi na viwii vya Wayahud̯i mut̯amisaiyeo nsi garagara. Nyonse nimukedhya nto! Ntamu untu?

Yakobo 1:1 Iomraidhean Croise

Matayo 10:3

Na wangine ni aḍe Filipo, Bat̯olomayo, Tomasi, Matayo eyekuwa *muhwaa kuwa, Yakobo mwana jwa Alifayo, na Tadayo

Matayo 13:55

Ae ntahukumumanya kwamba ni mwana jwa ayuḍe seremala? Dzaambia mamajwe si Maria? Awa wanduguzwe si aḍe Yakobo, Yusufu, Simioni na Yud̯a?

Matayo 19:28

Yesu kambukuya kamba, “Hachi nyakumwambiani, hi ngera mpya idzepfofika, yani ngera yangu mimi *Mwana jwa Ad̯amu nidzeyokaa kitini mwa Uhaju, ḅasi nywinywi mwiwo wanafund̯i wangu mudzakaa viti kumi na viwii vya kihaju, mukihukumu vyeet̯i kumi na viwii vya Waisiraeli.

Marko 3:18

Wangine ni aḍe And̯erea na Filipo, Bat̯olomayo, Matayo, Tomasi, Yakobo mwana jwa Alifayo, Tadayo, Simioni eyeakihanwa Jangina na

Luka 22:30

Mudzaḍya na kunwa nami Uhajuni mwa Muungu, na mudzakaa viti vya kihaju mukihukumu vyeet̯i kumi na viwii vya Waisiraeli.”

Luka 6:15

Matayo na Tomasi, Yakobo mwana jwa Alifayo na Simioni eyeakihanwa Muziloti,

Yohana 12:26

Yuḍejwonse eyenatsaka kunihumikia ni had̯i aniuḅe mimi, ili hapfaḍe nidzepfowa nae jeje muhumisi jwangu awe hapfo hapfo. Na kula eyenanihumikia, Baba anamukuzya.

Yohana 7:35

D̯ubva hawa wakuu wa Kiyahud̯i kudzasikia hivi, waḍabva kuuzana wakyamba, “Munamba huyu huyu muntu anatsaka kwenda ku hat̯a ambe hunamulacha ela ntahumuone? Munamba anatsaka kwenda kwa awa wantu wehu wat̯amisaiyeo nsi zingine ende akayongweeze wantu wa vyeet̯i vingine?

Mahendo 1:13

Wanjia Yerusalemi na wenda hat̯a chumba cha d̯arini dzuu wemowakikaa. Wewa ni Pet̯ero, Yohana, Yakobo na And̯erea, Filipo na Tomasi, Bat̯olomayo na Matayo, Yakobo mwana jwa Alifayo, Simioni Muziloti na Yud̯a mwana jwa Yakobo.

Mahendo 12:17

Kawanyamaza na mukonowe, na kawasumwiiya namuna ya hivi vya Ḅwana amuyaviyevyo na gerenzani. Na kongeza kamba, “Musumwiiyeni na Yakobo na hawa wandugu wangine.” Makisa kanuka kenda kuntu kungine.

Mahendo 15:13

Wepfokwisa kunena, Yakobo kaḅaa kanwa kamba, “T̯anisikiiyani wandugu zangu!

Mahendo 15:21

Koro Sharia ya Musa iḍabva kusomwa masunagogini hangu kae kula *Sabato, na hivi aneneyevyo vinakaa vikisumwiijwa kula mudzi.”

Mahendo 15:23

Wawahuma na hii ḅaruwa: “Swiswi ndugu zenu ntumi na wazee, humukedhya nto nywinywi wandugu nyonse musiokuwa Wayahud̯i, mwiwokukaani Antiokia, Siria na Kilikia.

Mahendo 2:5

Kwiwa Wayahud̯i weowakikaa Yerusalemi. Wewa wantu wamuhiliyeo Muungu, wayawiyeo kula nsi ya lumwengu.

Mahendo 21:18

Chamukoche, Paulo naswi hwenda kumud̯oyani Yakobo. Na wazee wonse wa tsanganiko wewapfo.

Mahendo 23:26

“Mimi Kilaudio Lusia nyakukworeani wewe Muhilwa Feliki, liwali jwa ḍyimbo, nikukedhya nto.

Mahendo 26:7

Iiḍe ahad̯i ya vyeet̯i kumi na viwii vya wantu wehu weokudzikwat̯yani kupfokea, wakiwa kumuyombani Muungu siku na musikahi. Muhilwa, hawa Wayahud̯i wakunisit̯akini kwa dzambo ḍya haya haya madzikwat̯yo!

Mahendo 8:1

Ae Sauli katsakizwa ni hiḍi hendo ḍya kumuyaga Sit̯efano. Wantu weonamuhila Muungu, wenda wamuzika Sit̯efano, na wamwiiya muno. Iyo nsiku, tsanganiko ḍya Yerusalemi, ḍiḍabva kukuntiswa d̯ina nkuu. Sauli kagija kuḍema kuḍinanga hiḍi tsanganiko. Kenda nyumba kwa nyumba, akiwaḅaa mafururyo na kuwayavya nze hawa wahikiza, hangu wake hat̯a wayume na kuwangiza gerenzani. Hawa wahikiziyeo wonse wat̯amisaa ḍanda zonse za Yud̯aya na Samaria, lamud̯a hawa *ntumi.

Warumi 1:1

Mimi Paulo, niiye muhumisi jwa *Kirist̯o Yesu, nyakumworeani nywinywi wantu wa Rumi mwiwo wahikiza. Muungu kanitsana dza *ntumi jwa Kirist̯o na kanimpa kazi ya kusumwiiya *Maagu Mema yakwe.

Wagalatia 1:19

Nimuona na Yakobo ndugujwe Yesu. Jeje na Pet̯ero ndiwo ntumi wowii t̯u nit̯ongananiyeo nao.

Wagalatia 2:12

Koro epfokudza na d̯ura, ekikaa na kuḍya pfamodza na hawa wahikiza wasiokuwa Wayahud̯i. Ela kwipfokudza wantu wahumijweo ni Yakobo, Pet̯ero kadzit̯anya na kaḍabva kutsaaḍya na hawa wahikiza wasiokuwa Wayahud̯i. Kahenda hivi kwa dzambo ḍya kwamba ekiwashooga hawaḍe Wayahud̯i weowakyamba wantu wa vyeet̯i vingine wahikiziyeo ni had̯i wahinywe.

Wagalatia 2:9

Yakobo, Pet̯ero na Yohana, wewa ndiwo hawa wayongozi wamanyikaniyeo muno. Na wepfosikia namuna ya Muungu aivodhyeevyo hi kazi yangu, wahupfa mikono ami na Baranaba, kuyanga kwamba wakuḅaliana na haya mayongweezo yehu. Husikiana kwamba swiswi husumwiiye wantu wasiokuwa Wayahud̯i nao wakawasumwiiye Wayahud̯i.

Wafilipi 1:1

Mimi Paulo na Timoteo, hwiwo wahumisi wa *Kirist̯o Yesu, hwakumworeani nywinywi wantu wa Muungu nyonse mwiwo Filipi na mwiwokuishini hariani mwa Kirist̯o Yesu. Hwakumworeani nanywi nywinywi wahumisi na wayongozi wa matsanganiko.

2 Timoteo 4:21

Ḍema kula njia, udze sika asidzaḍabva. Ebulo, Pudeni, Lino, Kilaudia na hawa wandugu wangine wonse, wamukedhya nto.

Tito 1:1

Mimi Paulo, muhumisi jwa Muungu na *ntumi jwa Yesu *Kirist̯o, nyakukworeani wewe Tito. Nihumigwa niwambake faroni watsanwa wa Muungu na niwayongoze kuimanya hi hachi iyonayongweezwa ni ḍini yehu.

1 Pet̯ero 1:1

Mimi Pet̯ero niiye *ntumi jwa Yesu *Kirist̯o, nyakumworeani nywinywi wantu wonse wa Muungu mwiwokukaani nsi garagara za ugenini, za Ponto, Galatia, Kapadokia, Asia na Bitinia.

2 Pet̯ero 1:1

Mimi Simioni Pet̯ero, niiye muhumisi na *ntumi jwa Yesu *Kirist̯o, nyakumworeani nywinywi nyonse mumuhikiziyeo Yesu Kirist̯o, eye Muungu na mupfonya jwehu. Yesu kamuhendeza muwe na faro iyo na thamani dza hi ahupfiyeyo swiswi kwa dzambo ḍya wemawe.

Yud̯a 1:1

Mimi Yud̯a ndugujwe Yakobo, niye muhumisi jwa Yesu *Kirist̯o, nyakumworeani nywinywi nyonse muhanijweo ni Muungu Baba muwe wantuwe. Jeje kamutsaka muno na mwakwamijwani ni Yesu Kirist̯o.

Upfenuo wa Yohana 7:4

Kisa nisikia hesaḅu ya hawaḍe wabigijweo muhuri wa Muungu. Wewa ni wantu gana na miyongo mine na wane elefu, kuyawa kwa vyeet̯i vyonse vya Isiraeli.