Wafilipi 4:5 - Pokomo

⁵ Wani wampowe kwa wantu wonse. Ḅwana ka hafufi kudza.

Wafilipi 4:5 Iomraidhean Croise

Matayo 6:25

Ndiyo maana niyokumwambiani kwamba mutsemuud̯ama dzuu ya haya maisha yenu. Namutsemuud̯ama kwamba keso munaḍya kintu gani ambu munanwa kintu ga. Na wala namutsemuud̯ama dzuu ya hi mii yenu muḍabve kumamat̯a kwamba keso munavwaa kintu ga. Koro kukaa mojo ndiko muhimu kuchia vintu, na hu mwii ni muhimu kuchia nguo.

Matayo 6:34

Ndookomu namutsemuud̯ama dzuu ya nsiku ya keso, koro nsiku ya keso ina mad̯ina yakwe. Na kula nsiku ina mad̯ina yakwe ya kut̯osa kweyohiyo nsiku.”

Luka 21:34

D̯ubva manyani mutsehekwa ni kuḍya kwinji na kuruma, wala mirumiru za maisha ya lumwengu huju, ili hiyo hiyo nsiku itsemudzia na ḅwikira.

1 Wakorint̯o 16:22

Yuḍejwonse asiyemutsaka Ḅwana, huyo kaḍujwa. Ḅwana jwehu, nzoo!

1 Wakorint̯o 6:7

Huku kuwa na matsowano kahi yenu nywinywi na nywinywi t̯u, kunayanga kwamba mushindwa. Si heri muntu amutsoweye nywinywi ambu amukwiwiye nywinywi?

1 Wakorint̯o 8:13

D̯ubva, ikiwa kwamba hichi nichonaḍya kinamuhendeza ndugu yangu kuhenda nabvise, siwezi kuḍya nyama kawii meshi, ili nitsemuhendeza ndugu yangu agwe nabviseni.

1 Wakorint̯o 9:25

Kula muntu jwa kunjia mashindano ya mbio anahenda mazowezi ya nguvu kaḅisa na ni had̯i awe muntu jwa kudzimiza! Wanahenda hivi wapate kushinda na wapfegwe t̯ubvo ḍisiḍyokaa, ela swiswi hunahenda hivi hupate kupata t̯ubvo ḍiḍyonakaa maishi.

2 Wakorint̯o 10:1

Wangine wenu wanakwamba, mimi nipfonawa pfamodza nanywi ni mupfoozi mupfoozi, ela nipfonawa kuye nanywi nahenda mukali. Ela mimi Paulo, nyakunenani nanywi na umpowe na wema dza huḍe wa *Kirist̯o eokuwa nao.

2 Watesalonike 2:2

mutseewa wapesi wa kugija vyuuwo vya kumwaarya mat̯aro yenu ambu vya kumuhusya kwamba, Nsiku ya kuuja kwa Ḅwana jwehu Yesu isakufika iiḍe. Na hat̯a kukidza muntu, akidzaakyamba kaviyangwa ni huyu Ruhu, ambu huvimusumwiiya, ambu humworea ḅaruwa dzuu ya hiḍi hiḍi dzambo, namutsemuhikiza.

Tito 3:2

Nawatsekaiya nyano na kuwa wantu wasio na naghea, ela nawawe wantu wa kusikiana, na meshi wawe wampowe kwa kula muntu.

Waeburania 10:25

Nahutseyatsa kukaa na kutsanganika pfamodza kwa mayombo, dza vya wantu wangine wevyokuhendani. Ishinu ni kungizana mojo zaid̯i na zaid̯i, koro humakuonani kwamba Nsiku ya Ḅwana ya kudza imaawa hafufi.

Waeburania 10:37

Koro haya matsoro yamba, “Indani kit̯emo kachuchu t̯u, na huyuḍe eyekudzani, nkakawe anakudza.

1 Pet̯ero 1:11

walacha na kut̯apakura na hiḍu dzuu ya hiḍi hiḍi dzambo. Walacha kumanya kwamba ni muntu ga ambu ni ngera ga, za ayu Ruhu jwa Kirist̯o ezoakinena, epfoakiwamba wat̯aḅiri dzuu ya d̯ina adzezokunta Kirist̯o, na maremboni adzemonjia ḅaad̯aye.

1 Pet̯ero 4:7

Mwiso wa lumwengu umaawa hafufi. Ndookomu ni had̯i muzigwaze akili zenu na muwe wantu wa kudzimiza ili muweze kukaa na kuyomba.

Upfenuo wa Yohana 22:20

Huyuḍe avilalabviye hivi hivi kamba, “Hakika, nyakudzani si hat̯a kae!” Amina. Ad̯o nzoo Ḅwana Yesu!

Upfenuo wa Yohana 22:7

Kisa Ḅwana Yesu kamba, “T̯ayowani, nyakudzani si hat̯a kae! Kadzawa na tsekea iyodze huyuḍe avigijie hivi vyuuwo vya unabii vyorejwevyo humu chuoni!”