Wafilipi 4:14 - Pokomo

¹⁴ Gula muhenda urembo muno kuyanga ushirikiano wenu nami kwa kunimpa ugijo ninkiwa mad̯inani.

Wafilipi 4:14 Iomraidhean Croise

Matayo 25:21

Huyu ḅwana jwakwe kamwamba, ‘Kuhenda urembo muno! Wewe u muhumisi mwema na wiyenahikizika. Nikupfa fwedha kachuchu nawe kuzihendea kazi kwa njia iyonahikizika, ndookomu nakupfa kazi ya kusumamia mambo makuu zaid̯i. D̯ubva tsekea pfamodza nami.’

Warumi 15:27

Waona vyema wao wenye kuhenda dzevihivi, na kwa hakika weemala kuhenda dzavyo. Koro wantu wa vyeet̯i nao pia wapfokea hizi mvoni za kiruhu za hawa Wayahud̯i. Ndookomu nao wanamala kuyavya vyao kwa Wayahud̯i wahikiziyeo, dza njia ya kuwayavia ḍuḍa.

Wagalatia 6:6

Hawaḍe weokuyongweezwani chuuwo cha Muungu, ni kuwageya wayongweeza wao hayaḍe mambo mema yao yonse weyonayo.

Wafilipi 1:7

Gula nina hachi ya kumuhwaiya dzevihivi, koro nimutsaka muno. Na hangu nipfokuwa huru kuyahehea na kuyangizia nguvu haya Maagu Mema, na hat̯a hivi hivi niivyo mufungwa, nywinywi nyonse mushirikiana pfamodza nami hizi mvoni za Muungu animpiyezo.

Wafilipi 4:18

Nisakupfokea ugijo mwema muno kuyawa kwenu, ndookomu sasa nina vinji kuchia hivi nivyonatsaka. Si t̯uri kawii kwa dzambo hizi nt̯unu mumumpiyezo Epafurodito aniyeheye nisakuzipfokea. Hachi zinatsakiza dza harufu nyema ya mvuugiya ya kutsomwa iyonayavigwa kwa Muungu, ikamutsakiza nae akaikuḅali.

1 Timoteo 6:18

Waamuru wahende mema, wawe majabva wa mahendo mema, wawe wabalicha na wawe wantu wa kugeana wevyonavyo.

Waeburania 10:33

Myeedha ingine mwitsezejwa kacha ya wantu na kukuntiswa d̯ina, na myeedha ingine mwikigijana na hawaḍe wantu weowakihendegwa mambo dzayo.

Waeburania 10:34

Nywinywi muwafwiya t̯ei wafungwa. Na hat̯a vija vyenu vipfohwajwa na nguvu nywinywi mudzikaiya na tsekea, maanaye mwimanya kwamba muna nkandi ya maana iyonakaa maishi.

Waeburania 13:16

Namutseyatsa kuwahendea mema wangine. Gijiijanani na hiviḍe mwivyonavyo, maanaye mukihenda hivyo, ni dza kuyavya mvuugiya zizonamutsakiza Muungu.

Upfenuo wa Yohana 1:9

Mimi ndugu yenu Yohana, nyakukuntiswani d̯ina dzanywi kwa dzambo ḍya Yesu Kirist̯o. Nyakuuyoweyani Uhaju wa Muungu na kuit̯isa mad̯inani dzanywi kwa dzambo ḍya Yesu. Mimi nisamiswa nipfiikwa kilulu cha Patimo, kwa dzambo ḍya kuyongweeza chuuwo cha Muungu na kusumwiiya wantu dzuu ya Yesu.