Wafilipi 3:3 - Pokomo

³ Ela swiswi hwiwonakaa na kumuyomba Muungu kwa njia ya huyu Ruhu jwakwe, ndiswi huhinyijweo ḍugha, siwo. Swiswi hunadzivunia haya ya *Kirist̯o Yesu ahuhendeeyo. Mambo ya kuuḅa adha zizonahwajwa kuwa muhimu ni wanaad̯amu ntahu nayo.

Wafilipi 3:3 Iomraidhean Croise

Warumi 1:9

Hat̯a Muungu mwenye, huyu niyenamuhumikia na mojo wangu wonse kwa kuyasumwiiya haya Maagu Mema dzuu ya huyu Mwanawe, kamanya kwamba nakaa nakumukumbuka nyonse

Warumi 15:17

Ndookomu nami nadzivunia hayaḍe yonse ya Kirist̯o Yesu ahendeeyo kuchiiya nami kwa hi kazi ya Muungu.

Warumi 7:6

Kenge sasa hwisakuwa huru kuyawana na hi Sharia. Iwa ihuweka dza wafungwa, ela sasa hwaa huru na ntahukwakumuhumikiani Muungu kwa njia ya kuuḅa Sharia ya kworegwa pfantu dza d̯ura. Ela hwakumuhumikiani kwa njia mpya, yani kuchiiya kwa Ruhu jwa Muungu.

Warumi 8:15

Kwa kwamba Muungu nkakumumpa Ruhu jwa kumuhendeza wahumwa woga kawii, ela kamumpa Ruhu jwa kumuhendeza wana wa Muungu. Na huyo huyo Ruhu ndiye eyenahuwezesa hukwakumuyombani Muungu hukamuhana Baba jwehu.

Warumi 8:39

Ntaku kiḍechonse chicho mbinguni dzuu ambu lumwengu jwa wafu, wala kingine kiḍechonse kiumbijwecho, chichonaweza kuhut̯anya na namuna ya Muungu ahutsakiyevyo kuchiiya na kwa Kirist̯o Yesu.

Warumi 9:6

Sikwakunenani kwamba Muungu kayatsa kuit̯imiza hi ahad̯i awekeyeo kwa Waisiraeli hat̯a. Koro si kula eye Muisiraeli kwamba ni mutsanwa jwa Muungu!

2 Wakorint̯o 11:18

Ela kwa dzambo kuna wenji weonadziona na mambo ya kilumwengu, nami pia nahenda dze vyao.

Wagalatia 5:25

Na kwa dzambo ḍya kwamba huyu Ruhu kahupfa maisha mapfya, nahumuyatse ahuyongowe.

Wagalatia 6:16

Na naghea na mvoni za Muungu naziwe kwa hawaḍe wonse wadzeovigija hivi vyuuwo, koro wao ni wantu wa Muungu ḍugha.

Waefeso 6:18

Yombani kut̯wa dza vya Ruhu Mudheru evyonamuwezesa, mukimuyomba Muungu kwa haḍya zenu zonse. Wani matso na mugije kuyomba kut̯wa! Na mukwakuyombani wayombeyeni na wantu wonse wa Muungu.

Wafilipi 1:1

Mimi Paulo na Timoteo, hwiwo wahumisi wa *Kirist̯o Yesu, hwakumworeani nywinywi wantu wa Muungu nyonse mwiwo Filipi na mwiwokuishini hariani mwa Kirist̯o Yesu. Hwakumworeani nanywi nywinywi wahumisi na wayongozi wa matsanganiko.

Wafilipi 3:12

Sikwakunenani kwamba nimaḍipata hiḍi niḍyokulachani ambu nimaawa mugulufu hat̯a, ela amaale nyakuhendani hiḍu ili nipate hikiḍe cha Kirist̯o anitsaniiyecho kunimpa.

Wafilipi 3:14

D̯ubva nyakujwaniani kuḍit̯imiza hiḍi lengo ḍyangu, ili nipate hiḍi t̯ubvo ḍya kuhanigwa ni Muungu kuchiiya na kwa Kirist̯o Yesu, niishi maisha ya kimbinguni.

Wakolosai 2:11

Na kwa dzambo mwaa hariani mwa Kirist̯o, mwaa dza wantu muhinyijweo. Si ya kwamba muhinywa kimwii, ela muhinywa kiruhu, koro Kirist̯o kazimunwiiya hizi t̯amaa zenu nzuka nzuka mwizokuwa nazo.

Yud̯a 1:20

Ela nywinywi waḅamu zangu, ni had̯i mugije kuyambaka maisha yenu dzuu ya hu musinji we faro yenu iyawiyeyo kwa Muungu, na mugije kuyomba kuuḅana na hiviḍe vya Ruhu Mudheru evyonamuyongowa.