Wafilipi 3:18 - Pokomo

¹⁸ Hiḍi hiḍi dzambo nisakuḍimwambia myeedha minji, na nyakuḍiujiani kawii na tsungu mwinji. Kuna wantu wenji weokuishini maisha ya kukuhendeza huku kufwa kwa Kirist̯o afwiyeko muhini mwa mpatsa kutsowe maana.

Wafilipi 3:18 Iomraidhean Croise

Luka 19:41

Yesu epfofika hafufi na Yerusalemi, akiuona hu mudzi na kahaku, kawiiya

Mahendo 20:19

Nikimuhumikia Ḅwana na ununu, na nipfonikihenda kazi yangu dza muhumisi jwa Ḅwana nikihendezwa nikaiya. Niikunta d̯ina kwa dzambo ḍya njama nzuka za Wayahud̯i wangine wahendeyezo.

Warumi 9:2

Hachi mojoni mwangu nina ngiru na tsungu mwinji usiosia,

1 Wakorint̯o 1:18

Kwa hawaḍe weokwaarani, haya maagu dzuu ya kufwa kwa Kirist̯o muhini mwa mpatsa wanaona kwamba ni upuudhi. Ela kwehu swiswi hwiwokupfonywani, haya maagu yakuyangani nguvu za Muungu.

1 Wakorint̯o 6:9

Ntamudzi kwamba wonse weonahenda mazuka ntawawezi kupfokea mvoni za uhaju wa Muungu? Namutsedzikulakula hat̯a, koro wantu wonse weo waḅari, weonayomba masanamu, weonavunza ukwe, weonayaana na nyuma,

2 Wakorint̯o 11:13

Hao hao wantu si ntumi wa ḍugha, mbwa nsuwe. Kazi yao nza makulekule na kudzihendeza dza ntumi wa Kirist̯o.

2 Wakorint̯o 11:29

Muntu akisiijwa ni nguvu za kiruhu, nami pia nadziona si nguvu. Muntu akigwa nabviseni, mimi nanjijwa ni tsungu.

2 Wakorint̯o 2:4

Hihiiḍe ḅaruwa niimworea na mojo muziho wiwokuwa na tsungu mwinji huku mitsozi ikinibiga ḅagwi. Sikuimworea kumungiza tsungu, ela niimworea mupate kumanya namuna nimutsakiyevyo.

Wagalatia 1:7

Hayo hayo mayongweezo siyo hi injili ya hachi hat̯a. Kuna wantu weokutsakani kuinanga hi Injili ya Kirist̯o na wakumungizani kuḍanganika.

Wagalatia 2:14

D̯ubva nipfoona ya kwamba, ntawakwakuhendani mambo kuuḅana na hi hachi ya haya Maagu Mema, nimubusa Pet̯ero usoni yao wonse nimwamba, “Wewe u Muyahud̯i ela nkukwakuishini dza Muyahud̯i. Kwakuishini dza muntu jwa vyeet̯i vingine. Mani d̯ubva awa wantu wasiokuwa Wayahud̯i, kwakuwasharut̯isiani ḍi kuishi dza Wayahud̯i?

Wagalatia 2:21

Siwezi kudziza kwamba Muungu anahupfonya kwa dzambo ḍya t̯eiye kwehu. Koro ikiwa kwamba Muungu anamuhwaa muntu kuwa muhachi kwa dzambo ḍya kuuḅa Sharia, d̯ubva Kirist̯o andeewa kafwa ḅasi!”

Wagalatia 5:21

na kufwiyana ḍea, pfamodza na kuruma na jila za kuhenda mambo mazuka mazuka mahupfu ya kilumwengu na mambo yangine dza haya. Nyakumwambiani, dza nivyomwambia d̯ura, kwamba, hawaḍe weonahenda mambo dza haya haya ntawawezi kuupfokea Uhaju wa Muungu.

Wagalatia 6:12

Hawaḍe weonatsaka kudzitsakiza kwa wantu ndiwo weokuḍemani kumusharut̯isa muhinywe. Wanahenda hivi ili t̯u watsekuntiswa d̯ina kwa dzambo ḍya kusumwiiya kwamba, Kirist̯o kafwa muhini mwa mpatsa ahupfonye.

Wagalatia 6:14

Ami le, heri nitsedziona kwa dzambo ḍiḍeḍyonse, lamud̯a hiḍi ḍya kufwa muhini mwa mpatsa kwa Ḅwana jwehu Yesu Kirist̯o. Koro, kwa dzambo ḍya huko huko kufwakwe, mambo ya huju lumwengu sasa ntaya maana kwangu, nami si maana kwa huju lumwengu.

Waefeso 4:17

Mimi nyakumukanyani muno dza muhumisi jwa Ḅwana, mutsekaiya kuishi dza hivi vya hawa walumwengu wevyonaishi. Wao mat̯aro yao ni mafu.

Wafilipi 1:4

Na kula nikwakumuyombeani nyonse, nakaa nikamuyombea na tsekea

1 Watesalonike 4:6

Ndookomu muntu nka ruhusa ya kumutsowea Mukirist̯o mwenziwe ne hi njia, ahwae kisichokuwa chakwe. Haya hwiiyamwambia na humukanya mudzit̯unze nayo, maanaye Ḅwana anawahukumu hawaḍe wonse weonahenda mambo dza haya.

2 Watesalonike 3:11

Hwakunenani hivi kwa dzambo ḍya kwamba, husikia kwamba wangine wenu wakaiya lafa t̯u! Ntawa kazi weyokuhendani, kazi yao ni kunjiiya-njiiya mambo ya wantu t̯u!

2 Pet̯ero 2:10

Hi adhaḅu inawa haswa kwa hawaḍe weonauḅa t̯amaa zao nzuka nzuka za kimwii na kubalifa uwezo wa Muungu. Hawa waalimu wa nsuwe wanadziona, na ni wavikodzo. Wala ntawa hila kwa viumbe vya mbinguni. Ishinu wanakaa na kuvitsola-tsola.

Yud̯a 1:13

Haya mahendo yao mazuka mazuka yanadziyavya nze tswee dza hiviḍe vya mawimbi makali ya ḅahari yevyonabiga na kuyavya povu ḍya uchafu. Wao waa dza hiziḍe nyoha zizonadzichiiya ḅasi humu yuwinguni, yani hiziḍe nyoha zizonachia zikaariya kuntu kwa kiza cha go.