Wafilipi 3:15 - Pokomo

¹⁵ Ndookomu hwonse hungoreyeo kiruhu hunamala kuwa na mat̯aro dzayahaya. Na ikiwa kwamba wangine wenu wana mat̯aro yangine, Muungu anayawapfenwiiya haya niyokumwambiani.

Wafilipi 3:15 Iomraidhean Croise

Matayo 5:48

Ndookomu nichokunenani ni kwamba, wani wagulufu, dza vya Baba jwenu jwa mbinguni aivyo mugulufu.”

Luka 11:13

Haya, ikiwa kwamba nywinywi mwiwo wazuka t̯u, mumanya kuwapfa wana wenu vija vyema vyema, ehe fat̯i Baba jwenu jwa mbinguni anawapfa Ruhu Mudheru myeedha myengaa, awaḍe weonamuyomba?”

Yohana 6:45

Koro mumodza jwa hawa manabii kora kamba, ‘Wonse wanayongweezwa ni Muungu.’ Na kula eyenamusikiiya Baba na kudziyongweeza kuyawa kwakwe, huyo anakudza kwangu.

Yohana 7:17

Yuḍejwonse atsakiyee kuhenda miro ya Muungu, anamanya kwamba haya mayongweezo niyokuyongweezani yayawa kwa Muungu ambu nzangu mimi mwenye.

Warumi 15:1

Swiswi hungoreyeo faroni, hunamala kuwatsukwiiya hawaḍe wasiodzangora. Ni kutsadzihendea mambo ḅasi ya kudzitsakiza swiswi t̯u.

1 Wakorint̯o 14:20

Wandugu zanguni, mat̯aro yenu nayatseewa ya kiḍyana. Dzuu ya mazuka, wani dza wana wasiomanya kintu, ela mat̯aro yenu nayawe mat̯aro ya kiuntu ukuu.

1 Wakorint̯o 2:6

Hat̯a vivyo, kwa hawaḍe wangoreyeo kiruhu, hivi hwivyokunenani ni vyuuwo vivyo na mvidhyo. Ela hi si mvidhyo ya wantu na wat̯awala wa huju huju lumwengu weokuyoweeyani mwiso wao.

Wagalatia 5:10

Ela hat̯a vivyo, kwa dzambo ḍya uharia wehu kuzimuni mwa Ḅwana, nina uhakika kwamba ntamuwezi kuwa na mat̯aro garagara na haya yangu. Na huyu muntu eyekumwaaryani, hat̯a akiwa muntu ga, Muungu anamuhukumu t̯u.

Waefeso 1:17

Nyakumuyombeani kwa Baba jwehu mwenye marembo, eye Muungu jwa Ḅwana jwehu Yesu Kirist̯o. Nyakumuyombeani kwamba Muungu amumpe huyu Ruhu jwa kumumpa mvidhyo na uimufu wa kumumanya jeje zaid̯i na zaid̯i.

Wakolosai 1:28

Ndookomu kula hukisumwiiya, hunawasumwiiya wantu dzuu ya Kirist̯o. Hunawabusa na kuwayongweeza na mvidhyo yonse ya Muungu ahupfiyeyo, ili saa wadzeyokwenda usoni kwa Muungu wawe kwamba faro yao kwa Kirist̯o ingora.

Wakolosai 4:12

Epafuro, muhumisi jwa Kirist̯o Yesu, kuyawa mudzini kwenu, nae kamukedhya nto. Kakumuyombeani muno kwamba Muungu amumpe kungora kiruhu, na muwe na uhakika wa hivi vya Muungu evyonatsaka muhende.

1 Watesalonike 4:9

Na, dzuu ya kutsakana nywinywi na nywinywi dza wana wa Muungu, ntaku haḍya kwehu kumworea kiḍechonse, koro Muungu mwenye ndiye amuyongweezeye kutsakana.

2 Timoteo 3:17

Ndookomu muhumisi jwa Muungu akisakuyamanya haya yonse, anawa kaimanya kaziye urembo, na anaweza kuhenda kula aina ya kazi nyema.

Waeburania 5:14

Wantu wangoreyeo wanaḍya chakuḍya chumu chumu. Wao wakidzizoweza na wamanya ugaragara wa hikiḍe chicho chema na chicho kizuka.

1 Yohana 2:5

Ela yuḍejwonse agijiye chuuwoche, matsako ya Muungu yangora hachi mojoni mwakwe! Na kwe hi njia ndipfo hwipfonamanya kwamba hwakuishini Muunguni.