Wafilipi 3:14 - Pokomo

¹⁴ D̯ubva nyakujwaniani kuḍit̯imiza hiḍi lengo ḍyangu, ili nipate hiḍi t̯ubvo ḍya kuhanigwa ni Muungu kuchiiya na kwa Kirist̯o Yesu, niishi maisha ya kimbinguni.

Wafilipi 3:14 Iomraidhean Croise

Luka 16:16

Yesu kongeza kunena kamba, “Zisidzafika ngera za Yohana Mut̯opya, *Sharia ya Musa na matsoro ya manabii ndiyo yeyoyakisumwiijwa. Na hangu hizihiziḍe ngera haya *Maagu Mema ya Uhaju wa Muungu yakusumwiijwani, na wantu wenji na wenji wakungizani hiḍu kunjia Uhajuni.

Warumi 11:29

Koro Muungu akisakumutsana muntu na akimuvodhya, nkanaviperuya kawii avimumpe yungine.

1 Wakorint̯o 9:24

Mumanya ya kwamba mashindano ya mbio yananjijwa ni wantu wenji, ela ni muntu mumodza t̯u eyenashinda hizi mbio akapfegwa t̯ubvo. D̯ubva, d̯aramani dza wantu mwiwokutsakani kushinda hizi mbio mupfegwe t̯ubvo.

2 Wakorint̯o 4:17

Hizi d̯ina hwizokukuntani si d̯ina za muḍa muyeya, na hukiziinganya na haya yadzeyokudza, si d̯ina nkuu za kwambadze. Koro zinahuyehea marembo makuu ya kuishi na Muungu maishi.

Wafilipi 3:3

Ela swiswi hwiwonakaa na kumuyomba Muungu kwa njia ya huyu Ruhu jwakwe, ndiswi huhinyijweo ḍugha, siwo. Swiswi hunadzivunia haya ya *Kirist̯o Yesu ahuhendeeyo. Mambo ya kuuḅa adha zizonahwajwa kuwa muhimu ni wanaad̯amu ntahu nayo.

Wakolosai 2:18

Namutsekulwakulwa ni wantu weonaona urembo kuyomba malaika na kudzihendeza kuwa wampowe. Wao wanadzishad̯a kwamba wanakaa na kuona maono, na mat̯aro yao mazuka yanawahendeza wadzione na mambo yasiyo maana.

1 Watesalonike 2:12

Hwikimuingamaza na kumungiza mojo, na hwikimufunda kut̯wa mutseyatsa kuishi maisha ya kuyanga kwamba mu wantu wa Muungu. Koro jeje kamuhana munjie maremboni mwa uhajuwe.

2 Timoteo 1:9

Jeje kahupfonya na kahuhana huwe wantuwe mwenye. Ela si kwa dzambo ḍya mahendo yehu, kenge ni kwa kusuḍi ḍyakwe mwenye na kwa dzambo ḍya t̯eiye. Kahufwiya t̯ei kwa njia ya Kirist̯o Yesu, hat̯a kaḅila lumwengu ntajudzaumbwa.

Waeburania 3:1

D̯ubva nywinywi wandugu zangu watsakwa, muhanijweo ni Muungu na mwiwo wantuwe, muyoweni Yesu. Jeje ndiye huyu *ntumi na *Mukohani Mukuu jwa hi faro yehu hwiyonat̯ima.

Waeburania 6:1

D̯ubva amaale nahutsekaiya yayaḍe mayongweezo ya ḍabvu ḍabvu hudziyongweezeyeyo dzuu ya *Kirist̯o. Ishinu nahwende usoni hupate hayaḍe mayongweezo ya kuhuhendeza hungore kiruhu. Ntahunamala kuyaujia yayaḍe mayongweezo ya ḍabvu, ya kwamba huyatse mazuka humuhikize Muungu.

1 Pet̯ero 1:13

D̯ubva pfenuyani matso muyat̯ariye haya haya urembo, na madzikwat̯yo yenu yonse yawe kwa hi t̯ei mudzeyofwijwa ni Yesu Kirist̯o, adzepfokudza.

1 Pet̯ero 5:10

Muungu kamufwiya t̯ei kuchiiya na kwa Kirist̯o na kamuhana munjie maremboni mwakwe mudzemokaa maishi. Mukisa kukunta d̯ina kwa kat̯emo kachuchu, kadzamuhwaa na kumumbaka kipfya, kadzamut̯aragisa na kumukomeza faroni, na kumungiza nguvu kawii.

2 Pet̯ero 1:3

Kwa uwezo wa Muungu amumpiyeo, Yesu kahupfa kula kintu hwichonamala kuwa nacho ili huweze kuishi maisha ya udheru. Kavihupfa kuchiiya na kwa kumumanya jeje ahuhaniye huwe na maremboye na wemawe.

Upfenuo wa Yohana 3:21

Na kula adzeyeshinda, namumpa kukaa pfamodza nami kwa kiti changu cha kihaju dza hiviḍe vyangu nishindiyevyo nikikaa pfamodza na Baba kwa kitiche cha kihaju.